புதிய ஸ்போர்ட்ஸ் வெர்சன் காரை ஐரோப்பிய வாடிக்கையாளர்களின் பார்வைக்கு கொண்டு வந்த புகாட்டி...

கொரோனா வைரஸ் தீவிரம் அடைவதற்கு முன்பாக இருந்தே சிரோன் புர் மாடலின் இந்த புதிய வெர்சனின் தயாரிப்பு பணியில் புகாட்டி நிறுவனம் ஈடுப்பட்டு வந்தது. ஆனால் அதன்பின் கொரோனா வைரஸ் உலகம் முழுவதும் வேகமாக பரவ தொடங்கியதை அடுத்து வைரஸில் இருந்து மக்களை மீட்டும் முயற்சியில் இந்நிறுவனம் தன்னை ஈடுப்படுத்தி கொண்டது.

ஆனால் தற்போது பெரும்பான்மையான நாடுகளில் ஊரடங்கில் தளர்வு கொண்டுவரப்பட்டுள்ளதால் புதிய சிரோன் புர் வெர்சனின் தயாரிப்பு பணிகளை முழுவதுமாக நிறைவு செய்து தற்போது ஐரோப்பில் காட்சிக்காக இந்நிறுவனம் வைத்துள்ளது. இதுகுறித்த புகைப்படங்களை புகாட்டி நிறுவனம் தனது அதிகாரப்பூர்வ ட்விட்டர் பக்கத்தில் வெளியிட்டுள்ளது.

MOST READ: பருவமழை தொடங்க போகுது... மழை நீரில் இருந்து வாகனங்களை பாதுகாக்க எளிமையான வழி என்னென்ன..?

இதன் மூலம் இந்த கார் குறிப்பிட்ட வாடிக்கையாளர்களுக்காக காட்சிப்படுத்தப்பட்டிருப்பது உறுதிப்படுத்த படுகிறது. வழக்கமான சிரோன் புர் மாடலின் புதிய ஸ்போர்ட்ஸ் வெர்சனான இதில் இந்நிறுவனம் அதே கட்ட்டமைப்பையும், உடல் டிசைனையும், என்ஜின் அமைப்பையும் தான் வழங்கியுள்ளது.

இருப்பினும் இந்த ஸ்போர்ட்ஸ் வெர்சன் சந்தையில் விற்பனையில் உள்ள சிரோன் புர் மாடலை காட்டிலும் 50 கிலோ எடையை குறைவாக கொண்டு உள்ளது. ஸ்போர்ட்ஸ் பயன்பாட்டிற்காக இந்த காரில் மாங்கனீசம் சக்கரங்கள், 3டி பிரிண்டிங்கில் டைட்டானியம் எக்ஸாஸ்ட் முனை, குறைவான எடையில் ப்ரேக் டிஸ்க் மற்றும் ஹைட்ராலிக் சிஸ்டம் இல்லாத, நிலையான பின்புற இறக்கைகள் உள்ளிட்டவை பொருத்தப்பட்டுள்ளன.

இவற்றுடன் புகாட்டி நிறுவனத்தின் பொறியியலாளர்கள் காரின் சஸ்பென்ஷன் அமைப்பையும் திருத்தி அமைத்துள்ளனர். இதன் காரணமாக இந்த காரில் சஸ்பென்ஷன் செட்அப் ஆனது மறுவேலை செய்யப்பட்ட டேம்பர்கள், விறைபான ஸ்ப்ரிங்குகள் மற்றும் நெகட்டிவ் கேம்பர் உள்ளிட்டவற்றுடன் உள்ளது.

இருப்பினும் இந்த அமைப்பு தற்போதைய மாடலின் சஸ்பென்ஷனின் நிகரான எடையிலேயே வழங்கப்பட்டுள்ளது. இவை மட்டுமில்லாமல் காரில் டயர்களும் புதியதாக

மிச்செலின் நிறுவனத்தின் பைலட் ஸ்போர்ட் கப் 2 பிரிவில் இருந்து பெறப்பட்டுள்ளன.

சிரோன் புர் மாடலின் இந்த ஸ்போர்ட்ஸ் வெர்சனிலும் வழக்கமான 8.0 லிட்டர் டபிள்யூ16 என்ஜின் அமைப்பு தான் வழங்கப்பட்டுள்ளது. இந்த என்ஜின் அதிகப்பட்சமாக 1479 பிஎச்பி பவரையும், 1600 என்எம் டார்க் திறனையும் வெளிப்படுத்தும் ஆற்றல் கொண்டது.

ஆனால் இந்த என்ஜின் சிரோன் புர் மாடலின் டாப் வேரியண்ட்களில் 200 ஆர்பிஎம் அதிகமாக 6,900 ஆர்பிஎம் வரையில் புதுப்பிக்க அனுமதிக்கும் வகையில் வடிவமைக்கப்பட்டு பொருத்தப்படுகிறது. இதன் புதிய ஸ்போர்ட்ஸ் வெர்சனில் கியர்பாக்ஸ் உடன் 80 சதவீத பாகங்களை புதியதாக பொருத்தியுள்ளதாக புகாட்டி நிறுவனம் கூறியுள்ளது.

ஆனால் காரின் ஏரோ ட்ராக் அதிகரிக்கப்பட்டுள்ளதால் இந்த புதிய ஸ்போர்ட்ஸ் வெர்சனின் அதிகப்பட்ச வேகம் 350kmph ஆக குறைந்துள்ளது. வழக்கமான சிரோன் புர் மாடல் 420kmph வரையில் அதிகப்பட்சமாக இயங்கும் திறன் கொண்டது குறிப்பிடத்தக்கது.