விற்பனையில் மாருதி விட்டாரா பிரெஸ்ஸா உடன் நேருக்கு நேர் மோதும் கியா சொனெட்!! வென்யூவை முந்தியது

மாருதி சுஸுகி விட்டாரா பிரெஸ்ஸா அதிகளவில் இந்தியாவில் விற்பனையாகும் காம்பெக்ட் எஸ்யூவி கார் என்பதை மீண்டும் ஒரு முறை நிரூபித்துள்ளது. முந்தைய 2020 செப்டம்பர் மாதத்தை காட்டிலும் 30 சதவீதம் அதிகமாக கடந்த மாதத்தில் மட்டும் இந்த கார் 12,087 யூனிட்கள் விற்பனையாகியுள்ளது.

புதிய தலைமுறை மாருதி விட்டாரா பிரெஸ்ஸா இந்த ஆண்டு துவக்கத்தில் நடைபெற்ற ஆட்டோ எக்ஸ்போவின்போது அறிமுகப்படுத்தப்பட்டது. இந்த லிஸ்ட்டில் முதலிடத்தை பிடித்தது மட்டுமில்லாமல் கடந்த மாதம் அதிகம் விற்பனையான டாப்-10 கார்கள் வரிசையில் ஒன்பாவது இடத்திலும் இந்த மாருதி கார் உள்ளது.

இதற்கு அடுத்து இரண்டாவது இடத்தில் இந்தியாவில் மிக சமீபத்தில், செப்டம்பர் மாதத்தில் அறிமுகமான கியா சொனெட் உள்ளது. முன்பதிவுகள் இந்த காருக்கு குவிந்த வருவதை வைத்தே செல்டோஸிற்கு பிறகு சொனெட்டின் மூலம் கணிசமான விற்பனைகளை கியா மோட்டார்ஸ் நிறுவனம் பெறவுள்ளது என்பது உறுதியாகிவிட்டது.

இதனை மீண்டும் வெளிப்படுத்தும் வகையில் 11,721 யூனிட் சொனெட் கார்கள் இந்தியாவில் விற்பனை செய்யப்பட்டு இந்த லிஸ்ட்டில் இரண்டாவது இடத்தில் உள்ளது. இதன் வளர்ச்சியினால் ஹூண்டாயின் வென்யூ மூன்றாவது இடத்திற்கு செல்ல வேண்டிய சூழல் ஏற்பட்டுள்ளது.

ஐஎம்டி தொழிற்நுட்பம் என்ற பெரிய அப்கிரேடை வென்யூவில் ஹூண்டாய் நிறுவனம் கொண்டுவந்தாலும், சொனெட்டிற்கு முன்னால் இந்த கார் தோற்றுவிட்டது. கடந்த மாதத்தில் 9,020 வென்யூ கார்களை ஹூண்டாய் இந்திய சந்தையில் விற்பனை செய்துள்ளது. அதுவே 2020 செப்டம்பரில் இந்த எண்ணிக்கை 8,469 ஆக இருந்தது.

சொனெட், அர்பன் க்ரூஸர் போன்ற புதிய அறிமுகங்களினால் டாடா நெக்ஸானின் விற்பனை ஊரடங்கிற்கு பிறகு பெரிய அளவில் வளர்ச்சி பெறாமலேயே உள்ளது. 2020 செப்டம்பரில் 6000-க்கு அதிகமான நெக்ஸான் கார்கள் விற்பனையான நிலையில் 2020 அக்டோபரில் 6,882 நெக்ஸான் கார்கள் விற்பனை செய்யப்பட்டுள்ளன.

மஹிந்திரா எக்ஸ்யூவி300 மற்றும் ஃபோர்டு ஈக்கோஸ்போர்ட் முறையே ஐந்தாவது மற்றும் ஆறாவது இடங்களில் உள்ளன. இவற்றின் விற்பனை எண்ணிக்கைகள் 4,500-க்கும் சற்று அதிகமானவைகளாக உள்ளன. சொனெட் போன்று சமீபத்திய அறிமுகமான டொயோட்டா அர்பன் க்ரூஸர் எஸ்யூவி 3,000-க்கும் அதிகமான விற்பனை எண்ணிக்கையை கடந்த மாதத்தில் பெற்றுள்ளது.

மாருதி விட்டாரா பிரெஸ்ஸாவை அடிப்படையாக கொண்டு வடிவமைக்கப்பட்ட இந்த டொயோட்டா காரின் எக்ஸ்ஷோரூம் விலை ரூ.8.40 லட்சத்தில் இருந்து ஆரம்பிக்கிறது. செப்டம்பர் மாதத்தில் அறிமுகமானாலும் அதன் முழு முதல் மாதம், 2020 அக்டோபர் தான். விரைவில் நிஸானின் புதிய காம்பெக்ட் எஸ்யூவி காரான மேக்னைட் இந்தியாவில் அறிமுகமாகவுள்ளது. விற்பனை போட்டியும் மேலும் தீவிரமடையவுள்ளது.