Just In
- 2 hrs ago ஸ்விஃப்ட் காரை வாங்க ஆள் இல்லனு நெனைக்கறவங்க வேடிக்கைய மட்டும் பாருங்க... சபதம் எடுத்த மாருதி சுஸுகி...
- 2 hrs ago சுஸுகி பைக்குகளில் இது தனி ரகம்!! இந்தியாவில் விலையை கேட்டால் மயக்கமே வந்துவிடும்!
- 3 hrs ago குடும்பத்தோட போறதுக்கு சூப்பர் கார்! ஆஃபரும் அள்ளி குடுக்குறாங்க! ஆனால் சேல்ஸ் சுத்தமா இல்லை ஏன் தெரியுமா
- 3 hrs ago ரிமோட் சாவியுடன் யமஹா ஸ்கூட்டர் அறிமுகம்.. வெறும் 3 ஆயிரம் ரூபாதான் அதிகமா!.. ஆக்டிவா பொழப்புல மண்ணை போடதான்!
Don't Miss!
- News ‛‛இளையராஜா எல்லோருக்கும் மோலானவர்கள் இல்லை’’.. பாடல் காப்புரிமை வழக்கில் சென்னை ஹைகோர்ட் கருத்து
- Sports இதெல்லாம் நிஜமா.. என்னை நானே கிள்ளிப் பார்த்துக் கொண்டேன்.. வருங்கால ஆஸி. அதிரடி மன்னன்
- Lifestyle மீன ராசியில் வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு தொழிலில் வெற்றிகள் குவியும்..
- Technology Google-ன் அடுத்த அடி.. உங்க Gmail அக்கவுண்ட்ல 4000-க்கும் அதிகமான இமெயில் இருக்கா? அப்போ இதுதான் ஒரே வழி!
- Finance பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..?
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Movies அட அதுக்குள்ள லீக் ஆகிடுச்சே.. சியான் 62 பட டைட்டில் இதுதானா?.. ஆனால், அந்த வாடை வருதே!
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
ஆட்டி படைக்கும் கொரோனா... நம்பர்-1 கம்பெனி மாருதிக்கே இந்த நிலைமையா? என்னனு நீங்களே பாருங்க...
கொரோனா வைரஸ் எதிரொலியால் மாருதி சுஸுகி நிறுவனம் மிக கடுமையாக பாதிக்கப்பட்டுள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
இந்தியாவில் கடந்த 2019ம் ஆண்டின் தொடக்கம் முதலே ஆட்டோமொபைல் துறை மிக கடுமையாக திணறி வருகிறது. பொருளாதார மந்தநிலை, பிஎஸ்-6 மாசு உமிழ்வு விதிமுறைகள் என பல்வேறு காரணங்களால், கடந்த ஆண்டில் வாகனங்கள் விற்பனை மிக கடுமையாக சரிவடைந்தது. இதனால் 2020ம் ஆண்டிலாவது விடிவு காலம் பிறக்கும் என ஆட்டோமொபைல் நிறுவனங்கள் நம்பியிருந்தன.
ஆனால் நடப்பாண்டிலும் வாகனங்களின் விற்பனை மிகவும் கடுமையாக சரிவடைந்து வருகிறது. தற்போது உலகையே அச்சுறுத்தி கொண்டுள்ள கொரோனா வைரஸ் (கோவிட்-19) காரணமாக தற்போது வாகன உற்பத்தி நிறுவனங்கள் மிக கடுமையாக பாதிக்கப்பட்டுள்ளன. கொரோனா வைரஸ் பரவுவதை தடுப்பதற்காக இந்தியாவில் தற்போது 21 நாட்கள் ஊரடங்கு கடைபிடிக்கப்பட்டு வருகிறது.
இதன் எதிரொலியாக கடந்த மார்ச் மாதம் வாகனங்களின் விற்பனை மிக கடுமையாக சரிவடைந்தது. மேலும் வாகனங்களின் உற்பத்தியும் சரிவடைந்துள்ளது. குறிப்பாக நாட்டின் நம்பர்-1 கார் உற்பத்தி நிறுவனமான மாருதி சுஸுகி வாகன உற்பத்தியை பெருமளவில் குறைத்துள்ளது. கடந்த மார்ச் மாதம் மாருதி சுஸுகி வாகனங்களின் உற்பத்தி 32.05 சதவீதம் குறைந்துள்ளது.
கடந்த மார்ச் மாதத்தில் மாருதி சுஸுகி நிறுவனம் ஒட்டுமொத்தமாக 92,540 வாகனங்களை மட்டுமே உற்பத்தி செய்துள்ளது. ஆனால் கடந்த ஆண்டு இதே மாதத்தில், அதாவது கடந்த 2019ம் ஆண்டு மார்ச் மாதம், 1,36,201 வாகனங்களை மாருதி சுஸுகி நிறுவனம் உற்பத்தி செய்திருந்தது. கொரோனா வைரஸ் எதிரொலியால், உற்பத்தி மிக கடுமையாக குறைந்துள்ளது.
மாருதி சுஸுகி நிறுவனத்தின் ஒட்டுமொத்த வாகனங்களின் உற்பத்தி குறைந்திருப்பதை போல, பயணிகள் வாகன (Passenger Vehicle) உற்பத்தியும் குறைந்துள்ளது. மாருதி சுஸுகி நிறுவனம் நடப்பாண்டு மார்ச் மாதம் 91,602 பயணிகள் வாகனங்களை மட்டுமே உற்பத்தி செய்துள்ளது. ஆனால் இந்த எண்ணிக்கை கடந்த 2019ம் ஆண்டு மார்ச் மாதம் 1,35,236 ஆக இருந்தது. இது 32.26 சதவீத சரிவாகும்.
ஆல்டோ, எஸ்-பிரெஸ்ஸோ, வேகன் ஆர், செலிரியோ, இக்னிஸ், ஸ்விப்ட், பலேனோ மற்றும் டிசையர் ஆகிய மாடல்களை உள்ளடக்கிய மினி மற்றும் காம்பேக்ட் செக்மெண்ட் கார்களின் உற்பத்தி, 31.33 சதவீதம் குறைந்துள்ளது. நடப்பாண்டு மார்ச் மாதம் மினி மற்றும் காம்பேக்ட் செக்மெண்ட்டில் மாருதி சுஸுகி உற்பத்தி செய்த யூனிட்களின் எண்ணிக்கை 67,708 மட்டுமே.
ஆனால் கடந்த 2019ம் ஆண்டு மார்ச் மாதம் இந்த எண்ணிக்கை 98,602 ஆக இருந்தது. இதேபோல் விட்டாரா பிரெஸ்ஸா, எர்டிகா மற்றும் எஸ்-க்ராஸ் போன்ற மாடல்களை உள்ளடக்கிய யுடிலிட்டி வாகனங்களின் உற்பத்தி 14.19 சதவீதம் குறைந்துள்ளது. கடந்த 2019ம் ஆண்டு மார்ச் மாதம் 17,719 ஆக இருந்த யுடிலிட்டி வாகனங்களின் உற்பத்தி நடப்பாண்டு மார்ச் மாதம் 15,203 யூனிட்களாக குறைந்துள்ளது.
அதேபோல் மிட்-சைஸ் செடான் காரான சியாஸின் உற்பத்தியும் குறைந்துள்ளது. கடந்தாண்டு மார்ச் மாதம் 3,205 யூனிட்களாக இருந்த சியாஸ் காரின் உற்பத்தி நடப்பாண்டு மார்ச் மாதம் 2,146 யூனிட்களாக சரிவை சந்தித்துள்ளது. இந்த வரிசையில் இலகுரக வர்த்தக வாகனமான சூப்பர் கேரி வாகனத்தின் உற்பத்தியும் குறைந்துள்ளது. கடந்த 2019ம் ஆண்டு மார்ச் மாதம் 965 யூனிட்களாக இருந்த சூப்பர் கேரி வாகனத்தின் உற்பத்தி நடப்பாண்டு மார்ச் மாதம் 938 யூனிட்களாக குறைந்துள்ளது.