எலக்ட்ரிக் வாகனங்களை நோக்கி செல்லும் ஃபியட்!! பழமையான ஆட்டோமொபைல் நிறுவனத்திற்கு இப்படியொரு நிலைமையா!

ஐரோப்பாவிற்கான ஃபியட் பிராண்டின் முதன்மை அதிகாரி லுகா நபோலிடானோ, 2021ஆம் இறுதிக்குள் தங்களது லைன்-அப்பை 60 சதவீதம் மின்மயமாக மாற்றிவிடும் என கூறியதாக அங்கிருந்து வரும் தகவல்கள் கூறுகின்றன.

வாகன உற்பத்தியாளர்கள் பொதுவாக ‘மின்மயமாக்கு' என்ற வார்த்தையைப் பயன்படுத்தினாலும், வழக்கமான எரிபொருள் என்ஜின்களின் ஒரு பகுதிதான் வழக்கமான ஹைப்ரீட் சிஸ்டங்களால் நிரப்பப்படுகிறது. இதுதான் எதிர்கால எலக்ட்ரிக் போக்குவத்திற்கு முதல்படியாகும்.

இதற்கு அடுத்து ப்ளக்-இன் ஹைப்ரீட்கள், அதன் பின்னர் தான் முழு-எலக்ட்ரிக் வாகனமாகும். தற்சமயம், எந்தெந்த ஃபியட் மாடல்கள் மின்மயமாக்க சோதனைக்கு உட்படுத்தப்படவுள்ளன என்பது குறித்த எந்த தகவலும் இல்லை.

நமக்கு தெரிந்தவரை 500, 124 ஸ்பைடர், டிபோ, பாண்டா, குபோ மற்றும் டோப்லோ போன்ற ஃபியட் மாடல்கள் முதல் ஹைப்ரீட் மாற்றங்களை ஏற்கலாம். இவற்றை தொடர்ந்து ஃபியட்டின் முதல் முழு-எலக்ட்ரிக் காராக புதிய 500 வெளிவருவதற்கான வாய்ப்புள்ளது.

அந்த நாளில், பெரும்பான்மையான ஆட்டோமொபைல் நிறுவனங்கள் திரண்டு வந்தபோது, இவி வாகன தயாரிப்பில் இறங்குவதில் இருந்து விலகிச் சென்ற நிறுவனங்களில் ஃபியட்டும் ஒன்றாகும்.

இப்படிப்பட்ட நிறுவனம் அடுத்த ஒரு வருடத்திற்கு உள்ளாக பாதிக்கு மேற்பட்ட வாகனங்களை எவ்வாறு மின்மயமாக்கவுள்ளது என்பதை பொறுத்திருந்துதான் பார்க்க வேண்டும்.