தாய்லாந்து நாட்டு எவரெஸ்ட் காரில் முக்கியமான அப்கிரேட்கள்!! இந்திய ஃபோர்டு எண்டெவரிலும் தொடருமா?

இந்தியாவின் ஃபோர்டு எண்டெவர் பெரும்பான்மையான நாட்டு சந்தைகளில் எவரெஸ்ட் என்ற பெயரில் விற்பனை செய்யப்படுவது உங்களுக்கு தெரிந்திருக்கும். மேலும் இந்தியா உள்பட ஆசிய நாடுகளில் பிரபலமான காராகவும் இது விளங்குகிறது.

இந்த வகையில் தாய்லாந்தில் விற்பனை செய்யப்படும் எண்டெவரில் தற்போது கொண்டுவரப்பட்டுள்ள அப்டேட்களில் முக்கியமானவைகள் காரின் முன்பக்கத்தில் தான் வழங்கப்பட்டுள்ளன. புதியதாக தேன்கூடு வடிவில் வழங்கப்பட்டுள்ள க்ரில் அமைப்பு, சமீபத்தில் இந்தியாவில் அறிமுகமான எண்டேவர் ஸ்போர்ட்டில் பார்த்ததை போன்று உள்ளது.

இருப்பினும் க்ரோம்-ஆல் ஃபினிஷ் செய்யப்பட்டுள்ளது. இத்தகைய க்ரில் அமைப்பை வாடிக்கையாளர்களின் விருப்பத்திற்கு ஏற்ப கொண்டுவந்துள்ளதாக ஃபோர்டு நிறுவனம் தெரிவித்துள்ளது. அதேபோல் ‘எவரெஸ்ட்' முத்திரை தடிமனானதாக வழங்கப்பட்டுள்ளது.

பின்புறம் பார்க்கும் பக்கவாட்டு கண்ணாடிகள் மற்றும் கதவு கைப்பிடிகள் உள்ளிட்டவை க்ரோம்-ஆல் ஃபினிஷ் செய்யப்பட்டுள்ளன. இவற்றுடன் பனியின் வெள்ளை மற்றும் டார்க் க்ரிஸ்டல் ப்ளூ என்ற இரு விதமான நிறத்தேர்வுகளையும் அங்கு எவரெஸ்ட் கார் பெற்றுள்ளது.

மற்றப்படி காரின் உட்புறம் மற்றும் என்ஜின் தேர்வுகளில் எந்த அப்கிரேடும் கொண்டுவரப்படவில்லை. தாய்லாந்து எவரெஸ்ட்டில் 2.0 லிட்டர் இரட்டை-டர்போ டீசல் (213 பிஎச்பி & 500 என்எம்) என்ஜினும், அதன் விலை குறைவான வேரியண்ட்களில் இதே என்ஜினின் சிங்கிள் டர்போ வெர்சனும் (170 பிஎச்பி & 420 என்எம்) வழங்கப்படுகிறது.

ஃபோர்டு எவரெஸ்ட்டிற்கான இந்த அப்டேட்கள் இந்திய சந்தைக்கும் கொண்டுவரப்பட வாய்ப்புள்ளது. ஏனெனில் எவரெஸ்ட் தான் தாய்லாந்தில் இருந்து சிகேடி முறையில் இந்திய சந்தையில் எண்டெவர் என்ற பெயரில் விற்பனை செய்யப்பட்டு வருகிறது.

ரூ.29.99 லட்சத்தை எக்ஸ்ஷோரூம் விலையாக கொண்டுள்ள இதன் இந்திய வெர்சனில் மேற்கூறப்பட்ட என்ஜினின் சிங்கிள் டர்போ வெர்சன் மட்டுமே வழங்கப்படுவது குறிப்பிடத்தக்கது. இதேநேரம் எண்டெவரின் அடுத்த தலைமுறை காரின் தயாரிப்பு பணிகளிலும் ஃபோர்டு நிறுவனம் ஈடுப்பட்டு வருகிறது. இதன் உலகளாவிய அறிமுகம் அடுத்த ஆண்டிலும் இந்திய அறிமுகம் 2022லும் இருக்கும் என எதிர்பார்க்கப்படுகிறது.