Just In
- 1 hr ago இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- 2 hrs ago தயவு செஞ்சு துபாய் பக்கம் வராதீங்க!விமான பயணிகளுக்கு இந்திய தூதரகம் எச்சரிக்கை!
- 2 hrs ago மின்சாரத்தில் இயங்கும் ஆக்டிவாவை ஹோண்டா எப்போ தயாரிக்கும்னு கேட்டுட்டே இருந்தீங்களே.. இதோ அந்த தகவல்!
- 7 hrs ago ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
Don't Miss!
- News மாஸ் காட்டிய சென்னைவாசிகள்! 40 ஆண்டுகள் இல்லாத அளவுக்கு வாக்குப்பதிவு! 1980க்கு பிறகு இதுதான் அதிகம்
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Lifestyle 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Movies Actor Vijay Sethupathi: மூதாட்டியுடன் செல்ஃபி எடுத்து மகிழ்ந்த விஜய் சேதுபதி.. க்யூட்!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
கருப்பு அலங்கார அம்சங்களுடன் மிரட்டும் ஜீப் காம்பஸ் எஸ்யூவியின் ஸ்பெஷல் எடிசன்!
ஜீப் காம்பஸ் எஸ்யூவியின் ஸ்பெஷல் எடிசன் மாடல் இந்தியாவில் விற்பனைக்கு கொண்டு வரப்பட்டு இருக்கிறது. தனித்துவமான பல்வேறு சிறப்புகளுடன் வந்துள்ள இந்த புதிய ஜீப் காம்பஸ் பற்றிய அனைத்து முக்கிய விபரங்களையும் இந்த செய்தியில் பார்க்கலாம்.
தனி வாடிக்கையாளர் வட்டம்
இந்தியாவின் மிட்சைஸ் எஸ்யூவி மார்க்கெட்டில் மிகச் சிறந்த தேர்வுகளில் முக்கிய மாடலாக ஜீப் காம்பஸ் உள்ளது. ஜீப் நிறுவனத்தின் பாரம்பரிய டிசைனில் கம்பீரமான தோற்றம், செயல்திறன் மிக்க எஞ்சின் தேர்வுகள் இந்த எஸ்யூவிக்கு தனி வாடிக்கையாளர் வட்டத்தை ஏற்படுத்தி உள்ளது.
சந்தைப் போட்டி
இந்த நிலையில், எம்ஜி ஹெக்டர், டாடா ஹாரியர், ஹூண்டாய் டூஸான், ஃபோக்ஸ்வேகன் டி ராக் உள்ளிட்ட பல மாடல்களின் வருகையால் ஜீப் காம்பஸ் எஸ்யூவிக்கு நெருக்கடி ஏற்பட்டுள்ளது. இதனை மனதில் வைத்து, வாடிக்கையாளர்களுக்கு கூடுதல் மதிப்பை வழங்கும் விதத்தில் புதிய ஸ்பெஷல் எடிசன் மாடலை அறிமுகப்படுத்தி உள்ளது.
லிமிடேட் எடிசன்
ஜீப் காம்பஸ் Night Eagle என்ற பெயரில் இந்த புதிய ஸ்பெஷல் எடிசன் மாடல் குறிப்பிடப்படுகிறது. உலக அளவில் பொதுவான ஸ்பெஷல் எடிசன் மாடலாக பல்வேறு நாடுகளிலும் அறிமுகம் செய்யப்பட்டு இருக்கும் இந்த மாடல் இந்தியாவிலும் வந்துள்ளது. ஜீப் காம்பஸ் எஸ்யூவியின் பெட்ரோல், டீசல் மாடல்களில் இந்த ஸ்பெஷல் எடிசன் மாடலை தேர்வு செய்யலாம். குறிப்பிட்ட எண்ணிக்கையில் மட்டுமே லிமிடேட் எடிசனாக விற்பனை செய்யப்படும்.
சிறப்பம்சங்கள்
ஜீப் காம்பஸ் நைட் ஈகிள் எடிசன் மாடலில் வெளிப்புறத்திலும், உட்புறத்திலும் பல்வேறு பாகங்கள் கருப்பு வண்ணத்தில் கொடுக்கப்பட்டு இருப்பதுதான் இதன் சிறப்பு. இதன் க்ரில், பம்பர், ரூஃப் பேனல் ஆகியவை கருப்பு வர்ண பூச்சுடன் வந்துள்ளது. 18 அங்குல அளவிலான அலாய் வீல்களும் கருப்பு வண்ணத்தில் உள்ளது. இதில், ஸ்பெஷல் எடிசன் மாடலுக்கான பேட்ஜ் இதனை சாதாரண மாடலில் இருந்து வேறுபடுத்தும்.
இன்டீரியர் தீம்
உட்புறத்தில் முழுமையான கருப்பு வண்ண இன்டீரியர் தீம் கொடுக்கப்பட்டுள்ளது. டெக்னோ லெதர் இருக்கைகள் இந்த மாடலின் மிக முக்கிய அம்சமாக இருக்கிறது. அத்துடன், க்ளாஸ் பிளாக் எனப்படும் விசேஷ கருப்பு வண்ணத்திலான டேஷ்போர்டு அமைப்பு உட்புறத்தை பிரிமீயமாக காட்டுகிறது. அதேபோன்று, கருப்பு வண்ண அப்ஹோல்ஸ்ட்ரியும் இந்த காரின் தனித்துவத்தை அதிகரிக்கிறது.
வசதிகள்
ஜீப் காம்பஸ் நைட் ஈகிள் எடிசனில் 7.0 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம் பொருத்தப்பட்டு இருக்கிறது. ஆன்ட்ராய்டு ஆட்டோ அல்லது ஆப்பிள் கார் ப்ளே செயலிகளை சப்போர்ட் செய்யும். டியூவல் ஸோன் க்ளைமேட் கன்ட்ரோல் ஏசி சிஸ்டம் உள்ளது. புஷ் பட்டன் ஸ்டார்ட், கீ லெஸ் என்ட்ரி, பவர்டு விங் மிரர்கள், முன்புறத்தில் கார்னரிங் விளக்குகள், ரிவர்ஸ் பார்க்கிங் கேமரா ஆகியவை உள்ளன.
பாதுகாப்பு வசதிகள்
மலைச்சாலைகளில் செல்லும்போது, காரை நிறுத்தி எடுத்தால் பின்னோக்கி நகர்வதை தடுக்கும் ஹில் ஸ்டார்ட் அசிஸ்ட், இறக்கும்போது கார் நிலை தடுமாறுவதை தவிர்க்க சீரான வேகத்தில் கார் இறங்குவதை ஏபிஎஸ் பிரேக் மூலமாக உறுதி செய்யும் ஹில் டிசென்ட் கன்ட்ரோல், அதிக தரைப்பிடிப்பை தரும் டிராக்ஷன் கன்ட்ரோல், நெடுஞ்சாலையில் ஆக்சிலரேட்டர் கொடுக்காமல் கார் குறிப்பிட்ட வேகத்தில் செல்வதற்கு உதவும் க்ரூஸ் கன்ட்ரோல், கார் கவிழாமல் நிலையாக செல்ல உதவும் எலெக்ட்ரானிக் ஸ்டெபிளிட்டி கன்ட்ரோல் உள்ளிட்ட பல்வேறு பாதுகாப்பு அம்சங்களும் இந்த சிறப்பு பதிப்பு மாடலில் இருக்கிறது.
பெட்ரோல் மடால்
ஜீப் காம்பஸ் எஸ்யூவியின் 1.4 லிட்டர் டர்போ பெட்ரோல் எஞ்சின் அதிகபட்சமாக 160 பிஎச்பி பவரையும், 250 என்எம் டார்க் திறனையும் வெளிப்படுத்தும். 7 ஸ்பீடு டியூவல் க்ளட்ச் கியர்பாக்ஸ் உள்ளது. ஃப்ரண்ட் வீல் டிரைவ் சிஸ்டம் கொண்டதாக இதன் நைட் ஈகிள் சிஸ்டம் ஒரு வேரியண்ட்டில் மட்டும் கிடைக்கும்.
டீசல் மாடல்
ஜீப் காம்பஸ் எஸ்யூவியின் டீசல் மாடலில் இருக்கும் 2.0 லிட்டர் எஞ்சின் அதிகபட்சமாக 173 பிஎச்பி பவரையும், 350 என்எம் டார்க் திறனையும் வெளிப்படுத்தும். நைட் ஈகிள் டீசல் மாடல் இரண்டு வேரியண்ட்டுகளில் கிடைக்கும்.
டீசல் மாடலானது 6 ஸ்பீடு மேனுவல் கியர்பாக்ஸ் கொண்ட ஃப்ரண்ட் வீல் டிரைவ் சிஸ்டம் கொண்ட ஒரு வேரியண்ட்டிலும், 9 ஸ்பீடு ஆட்டோமேட்டிக் கியர்பாக்ஸ் மற்றும் 4 வீல் டிரைவ் சிஸ்டம் கொண்ட மற்றொரு வேரியண்ட்டிலும் கிடைக்கும். இந்த ஆட்டோமேட்டிக் வேரியண்ட்டில் டெர்ரெயின் மோடு செலக்ட் சிஸ்டம் கொண்ட வசதியும் இடம்பெற்றிருக்கிறது.
வண்ணத் தேர்வுகள்
இந்த புதிய நைட் ஈகிள் எடிசன் மாடலானது வோக்கல் ஒயிட், எக்ஸோடிக்கா ரெட், பிரில்லியண்ட் பிளாக் மற்றும் மெக்னீசியோ க்ரே ஆகிய 4 வண்ணத் தேர்வுகளில் கிடைக்கும்.
விலை விபரம்
புதிய ஜீப் காம்பஸ் நைட் ஈகிள் எடிசன் பெட்ரோல் ஆட்டோமேட்டிக் வேரியண்ட்டிற்கு ரூ.20.14 லட்சம் எக்ஸ்ஷோரூம் விலை நிர்ணயிக்கப்பட்டுள்ளது.
டீசல் மேனுவல் கியர்பாக்ஸ் வேரியண்ட்டிற்கு ரூ.20.75 லட்சம் எக்ஸ்ஷோரூம் விலையும், டீசல் ஆட்டோமேட்டிக் வேரியண்ட்டிற்கு ரூ.23.31 லட்சம் எக்ஸ்ஷோரூம் விலையும் நிர்ணயிக்கப்பட்டு உள்ளது.
-
சுஸுகி பைக்குகளில் இது தனி ரகம்!! இந்தியாவில் விலையை கேட்டால் மயக்கமே வந்துவிடும்!
-
குடும்பத்தோட போறதுக்கு சூப்பர் கார்! ஆஃபரும் அள்ளி குடுக்குறாங்க! ஆனால் சேல்ஸ் சுத்தமா இல்லை ஏன் தெரியுமா
-
ஒருத்தர், ரெண்டு பேர் இல்ல, ஒரு குடும்பத்தையே ஏற்றி செல்லலாம்!! ரூ.11.40 லட்சத்தில் கிடைக்கும் பொலேரோ கார்...