அடுத்த வருடம் வருகிறது ரீசார்ஜ் செய்ய ஜீப் வ்ராங்லர்!! அசல் அமெரிக்க தயாரிப்பு..

ஜீப் வ்ராங்லர் பலவிதமான நிலப்பரப்பு சவால்களை திமிர்பிடித்த அளவோடு எளிதில் கையாள்வதில் பெயர் பெற்றது. இது 2021-இன் தொடக்கத்தில் ப்ளக்-இன் ரீசார்ஜ் செய்யக்கூடிய வெர்சனில் அறிமுகப்படுத்தப்படவுள்ளது.

ரீசார்ஜபிள் வ்ராங்லர் 4xe கார் தயாராக உள்ளதாகவும் அமெரிக்க சாலைகளுக்கு விரைந்து வருவதாகவும் 2021 ஆம் ஆண்டின் தொடக்கத்தில் கொண்டு வரப்படும் என்றும் ஜீப் உறுதிப்படுத்தியுள்ளது.

மேலும் இது 'இந்த உலகத்திற்கு வெளியே' இருக்கும் என்று உறுதியளித்த ஜீப் தாங்கள் எலக்ட்ரிக் வாகனங்களுக்கான போட்டியில் எந்த அளவில் முன்னேற விரும்புகிறோம் என்பதை வெளிகாட்டும் விதத்தில் இந்த எஸ்யூவியில் பொருத்தப்படும் பேட்டரி சக்தி இருக்கும் என்று கூறியுள்ளது.

ரீசார்ஜ் செய்யக்கூடிய வ்ராங்லர் தொழிற்சாலையில் இருந்து வெளியேற்றப்பட துவங்கப்பட்டு விட்டதாக இந்த 2020ஆம் ஆண்டின் துவக்கத்தில் தயாரிப்பு நிறுவனம் கூறியிருந்தது. அதனை தொடர்ந்து ஜீப்பின் ஹைப்ரீட் மற்றும் முழு-எலக்ட்ரிக் மாடல்களை காட்டிலும் பல நிலைகள் முன்னணியில் இருக்கும் வ்ராங்லர் 4xe அடுத்த 2021 வருட முதல் பாதியில் அறிமுகமாகவுள்ளது.

ஜீப்பின் இந்த புதிய ஹைப்ரீட் எஸ்யூவி மாடல் வெறும் எலக்ட்ரிக் ஆற்றலில் மட்டுமே 40 கிமீ தூரத்திற்கு இயங்கும். இதன் எலக்ட்ரிக் மோட்டார் உடன் 2-லிட்டர் டர்போசார்ஜ்டு என்ஜின் பொருத்தப்பட்டிருக்கும்.

இதன் பேட்டரியை சார்ஜ் செய்ய என்ஜினால் இயக்கப்படும் ஒரு ஜெனரேட்டரை தேர்வு செய்யலாம். ஆனால் இது எரிபொருள் சிக்கனத்தை பாதிக்கும். இங்கு தான் ப்ளக்-இன் தேர்வு பயன்படும். இதுதான் வ்ராங்லர் பேட்டரியை பெறுவதற்கு தடையாக இருந்தது.

ஜீப் வ்ராங்லர் எஸ்யூவி உலகெங்கிலும் உள்ள பல சந்தைகளில் உறுதியான நற்பெயரைப் பெற்றுள்ளது. இந்த எஸ்யூவி மூலம் தயாரிப்பு நிறுவனம் தனது அனைத்து திறன்களையும் தொடர்ந்து தக்க வைத்துக் கொள்ள இவ்வாறான முயற்சிகளை மேற்கொண்டு வருகிறது.