Just In
- 8 min ago சாதாரணமா பஸ்ஸில் பயணம் செய்தது இவ்ளோ பெரிய ஆளா... முகத்தை நல்லா உத்து பார்த்ததும் ஷாக் ஆன மக்கள்...
- 42 min ago சிட்ரோன், ஜீப் காரை வாங்கப்போறீங்களா? இப்ப போன பணத்தை மிச்சம் பண்ணலாம்! ஏப்30க்கு பிறகு காஸ்ட்லியாகிடும்!
- 1 hr ago இது கார் இல்ல மிதக்கும் கப்பல்!! புதுசா வாங்கியிருக்கும் இந்த நடிகர் யாரென்று தெரிகிறதா?
- 1 hr ago கார்ல போகும் போது அதிக சத்தமாக பாட்டு கேட்டா இப்படி ஒரு பிரச்சனைவருமா? இது பலருக்கும் தெரியாத விஷயமா இருக்கு
Don't Miss!
- Finance இந்தியாவுக்கு டேக்கா கொடுத்த எலான் மஸ்க்.. டெஸ்லா தொழிற்சாலை இப்போதைக்கு வராது..!!
- News சூரத் தொகுதியில் பாஜக வெற்றி.. அப்பட்டமான சதி! அம்பலப்பத்திய பத்திரிகையாளர் ஷாம்!
- Movies இது ஆக்ஷன் மேடம்.. சீரியல் நடிகை சசிலயா துளசி மாடத்தை என்ன டிரெஸ் போட்டு சுத்துறாரு பாருங்க!
- Technology புதிய கட்டணம்.. அம்பானி போட்ட புது குண்டு.. ஏப்.25 முதல் JioCinema ஆப் முழுசா FREE-ஆ கிடைக்காது!
- Lifestyle Constipation: மலச்சிக்கல் பிரச்சனையில் இருந்து உடனே விடுபடணுமா? இந்த பானங்களை தினமும் குடிங்க..
- Sports IPL 2024: வெட்கத்தை விட்டு சொல்றேன்.. சிஎஸ்கே அணியால் இதை கூட செய்ய முடியலை.. புலம்பிய பிளெம்மிங்
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
முற்றிலும் மாறுப்பட்ட முன்பக்கத்துடன் வருகிறது புதிய மஹிந்திரா டியூவி300 ப்ளஸ்...
மஹிந்திராவின் புதிய அறிமுகமாக வெளிவரவுள்ள டியூவி300 ப்ளஸ் மாடலின் காப்புரிமை படங்கள் அறிமுகத்திற்கு முன்னதாக இணையத்தில் கசிந்துள்ளன. அவற்றை இந்த செய்தியில் பார்ப்போம்.
அடுத்த அக்டோபர் மாதத்தில் இருந்து சில அப்டேட் செய்யப்பட்ட மாடல்களை அறிமுகப்படுத்த மஹிந்திரா நிறுவனம் திட்டமிட்டுள்ளது. இதில் பிஎஸ்6 தரத்திற்கு இணக்கமாக அப்டேட் செய்யப்பட்ட டியூவி300 ப்ளஸ் மாடலும் ஒன்றாக உள்ளது.
இதற்கிடையில் தான் தற்போது இதன் காப்புரிமை படங்கள் இணையத்தில் வெளியாகியுள்ளன. காடிவாடி செய்திதளம் மூலம் வெளிவந்துள்ள இந்த படங்களின் மூலம் மஹிந்திராவின் முத்திரை பொருத்தப்பட்ட கம்பீரமான க்ரில் உடன் புதிய டிசைனில் முன்பகுதியை டியூவி300 ப்ளஸ் கார் ஏற்றிருப்பதை அறிய முடிகிறது.
செங்குத்தான ஸ்லாட்களை கொண்ட இதன் க்ரில்லிற்கு கீழே தேன்கூடு வடிவிலான டிசைனில் அகலமாக காற்று உள்வாங்கி கொடுக்கப்பட்டுள்ளது. மற்ற டிசைன் மாற்றங்களாக ஒருங்கிணைக்கப்பட்ட டிஆர்எல்களுடன் புதிய ஹெட்லேம்ப்கள், திருத்தியமைக்கப்பட்ட பம்பர் மற்றும் ஃபாக் விளக்குகளுக்கான குழி உள்ளிட்டவை அடங்குகின்றன.
அதேபோல் பிஎஸ்6 எஸ்யூவி காரின் டெயில்லேம்ப்கள், பின்பக்க பம்பர்கள் மற்றும் பூட் லிட்டிலும் சிறிய அளவிலான மாற்றங்கள் கொண்டுவரப்பட்டிருக்கும் என எதிர்பார்க்கப்படுகிறது. மேலும் புதிய இரட்டை நிறத்தில் அலாய் சக்கரங்களை இந்த ஃபேஸ்லிஃப்ட் கார் பெறவும் வாய்ப்புள்ளது.
மற்றப்படி பாக்ஸ் வடிவிலான மொத்த தோற்றத்தில் எந்த மாற்றமும் இல்லை. புதிய டியூவி300 ப்ளஸ் மாடலின் ப்ளாட்ஃபாரத்தில்தான் 2020 தார் மற்றும் புதிய தலைமுறை ஸ்கார்பியோ கார்களும் வடிவமைக்கப்பட்டு வருகின்றன.
உட்புறத்தில் டியூவி300 ப்ளஸ் ஃபேஸ்லிஃப்ட் கார், ஆப்பிள் கார்ப்ளே மற்றும் ஆண்ட்ராய்டு ஆட்டோவுடன் இணைக்கும் வசதி கொண்ட அப்டேட் செய்யப்பட்ட இன்ஃபோடெயின்மெண்ட் சிஸ்டத்துடன் முற்றிலும் மாற்றியமைக்கப்பட்டிருக்கலாம். இதனால் கூடுதல் புத்துணர்ச்சியாக இதன் கேபின் காட்சியளிக்கும் என்பது நிச்சயம்.
புதிய டியூவி300 மாடலில் மிக பெரிய மாற்றமே அதன் 2.2 லிட்டர் டீசல் என்ஜின் பிஎஸ்6 தரத்திற்கு மேம்படுத்தப்பட்டிருப்பது தான். இருப்பினும் இந்த என்ஜின் வெளிப்படுத்தக்கூடிய 120 பிஎச்பி மற்றும் 280 என்எம் டார்க் திறன் என்ற ஆற்றல் அளவுகளில் எந்த வித்தியாசமும் இருக்காது.
இதனால் கூடுதலாக பெட்ரோல் என்ஜின் தேர்வையும் இந்த எஸ்யூவி காருக்கு மஹிந்திரா நிறுவனம் வழங்கும் என தெரிகிறது. காப்புரிமை படங்கள் தற்போது வெளியாகி இருப்பதன்மூலம் மஹிந்திரா டியூவி300 ப்ளஸ் மாடலின் தயாரிப்பு பணிகள் சூடுப்பிடித்திருப்பதை உணர முடிகிறது.