Just In
- 1 min ago சும்மா ஓட்டி பாக்கலாம்னு ஜீப் விராங்களர் காருல ஏறிட்டீங்க திரும்பி இறங்க மனசே வராது! ஆஃப்-ரோடு அரக்கன்! வீடியோ
- 24 min ago ஃபார்ச்சூனர் கார் என்றாலே நம்ம மக்களுக்கு தனி பிரியம்!! விலை அதிகமா இருந்தாலும் ஷோரூமுக்கு படை எடுக்குறாங்க!
- 1 hr ago தண்ணீரை சேமிக்க இப்படி ஒரு வழியா? இனி ரயில்களில் 1லிக்கு பதிலாக 500 மிலி தண்ணீர் மட்டும் வழங்க முடிவு!
- 1 hr ago தார் ரோடு, பாறைகள் நிறைந்த ஆஃப்-ரோடு எதா இருந்தாலும் ஒரு கை பாத்திடலாம்! இந்தியாக்கு ஏத்த கார் விராங்ளர்!
Don't Miss!
- Finance வீடு கட்டணுமா..அரசின் இந்த திட்டம் இருக்கே..நீங்களும் லிஸ்ட்ல இருக்கீங்களானு பாருங்க!
- Technology இதுதான் புதிய Infinix போன்.. 108MP கேமரா.. JBL சவுண்ட்.. 45W சார்ஜிங்.. எந்த மாடல்? எப்போது அறிமுகம்?
- News தாலி சர்ச்சை.. மோடிக்கு காங்கிரஸ் பதிலடி.. தங்கத்தை நாட்டுக்கு தந்த இந்திராவின் போட்டோ ட்ரெண்ட்!
- Lifestyle போலந்து மக்களால் கடவுளாக கொண்டாடப்படும் இந்திய அரசர்... அப்படி அந்த மக்களுக்கு அவர் என்ன செய்தார் தெரியுமா?
- Sports தோனியே சரி.. முஸ்தஃபிசுர்-க்கு பதிலாக வரும் ஸ்பின்னர்.. சிஎஸ்கே அணியில் நடக்கப் போகும் மாற்றம்!
- Movies மாட்டிக்கினாரு ஒருத்தரு.. சமந்தாவின் மாஜி கணவர் அந்த நடிகையுடன் டேட்டிங்கா?.. தீயாய் பரவும் பிக்ஸ்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
மஸேரட்டி எம்சி20 ஸ்போர்ட்ஸ் கார் அறிமுகம்: ரேஸ் வெர்ஷனிலும் வருகிறது
பெரும் எதிர்பார்ப்புக்கு மத்தியில் மஸேரட்டி நிறுவனத்தின் புதிய எம்சி20 ஸ்போர்ட்ஸ் கார் அறிமுகம் செய்யப்பட்டது. இத்தாலியில் நடந்த வண்ணமயமான நிகழ்ச்சியில் இந்த புதிய கார் இன்று முறைப்படி பொது பார்வைக்கு வந்தது.
இத்தாலியை சேர்ந்த மஸேரட்டி நிறுவனம் அதிசெயல்திறன் மிக்க கார் மாடல்களுக்கு உலக அளவில் பெயர் பெற்று விளங்குகிறது. இந்த நிலையில், தனது கார் வர்த்தகத்தை அடுத்த கட்டத்திற்கு நகர்த்துவதற்கான திட்டத்தை இன்று அறிவித்துள்ளது.
அதன்படி, புத்தம் புதிய ஸ்போர்ட்ஸ் கார் மாடல் அறிமுகத்துடன் தனது புதிய அத்யாயத்தை துவங்கி இருக்கிறது. அத்துடன் மீண்டும் மோட்டார் பந்தயங்களில் பங்கேற்ப இருப்பதாகவும் அறிவித்துள்ளது. இத்தாலியிலுள்ள பாரம்பரியம் மிக்க மொடேனா மோட்டார் பந்தய களத்தில் மஸேரட்டியின் புதிய அத்யாய துவக்க நிகழ்ச்சி நடந்தது. இந்த நிகழ்ச்சி பிரத்யேக இணையப் பக்கம் மூலமாக நேரலையாக ஒளிபரப்பப்பட்டது.
புதிய அத்யாயத்தில் அடி எடுத்து வைப்பதற்கு ஏதுவாக புத்தம் புதிய எம்சி20 ஸ்போர்ட்ஸ் கார் மாடலையும் மஸேரட்டி இந்த நிகழ்ச்சியின் மூலமாக உலக அளவில் பொது பார்வைக்கு கொண்டு வந்தது.
கடந்த 2004ம் ஆண்டு மஸேரட்டி அறிமுகம் செய்த எம்சி12 சூப்பர் காருக்கு மாற்றாக அதிநவீன தொழில்நுட்பத்துடன் இந்த கார் உருவாக்கப்பட்டு இருக்கிறது. மேலும், மஸேரட்டி எம்சி12 கார் ஃபெராரி என்ஸோ கார் அடிப்படையில் உருவாக்கப்பட்டது.
ஆனால், இந்த கார் மஸேரட்டி நிறுவனத்தின் 100 சதவீத சொந்த தொழில்நுட்பம் மற்றும் கட்டமைப்புக் கொள்கையில் உருவாக்கப்பட்டு இருக்கிறது. மீண்டும் கார் பந்தய களத்தில் மஸேரேட்டி இந்த காருடன் நுழைய இருக்கிறது. அதாவது, எம்சி12 கார் போன்றே, இந்த கார் சாலையில் செல்லத்தக்கதாகவும், பந்தய களங்களில் பயன்படுத்துவதற்கான ரேஸ் வெர்ஷன் என இரண்டு மாடல்களில் வர இருக்கிறது.
புதிய மஸேரட்டி எம்சி20 காரில் 3.0 லிட்டர் வி6 ட்வின் டர்போ எஞ்சின் பயன்படுத்தப்பட்டு இருக்கிறது. நெப்டியூன் என்று குறிப்பிடப்படும் இந்த எஞ்சின் அதிகபட்சமாக 621 பிஎச்பி பவரையும், 730 என்எம் டார்க் திறனையும் வெளிப்படுத்தும். இந்த காரில் ஹைப்ரிட் தொழில்நுட்பத்தை வழங்குவதற்கான வாய்ப்பும் இருப்பதால், விரைவில் ஹைப்ரிட் மாடலிலும் வருவதற்கான வாய்ப்பு உள்ளதாக தெரிகிறது.
ஃபார்முலா-1 உள்ளிட்ட பல்வேறு கார் பந்தயங்களில் பயன்படுத்தப்படும் தொழில்நுட்ப அம்சங்களை இந்த கார் பெற்றிருக்கிறது. கார்பன் சேஸீயுடன் கட்டமைக்கப்பட்டு இருக்கும் இந்த காரில் முதல்முறையாக பட்டர்ஃப்ளை வடிவத்தில் திறக்கும் கதவுகள் அமைப்பை மஸேரட்டி பயன்படுத்தி உள்ளது.
மிகவும் தாழ்வான தோற்றத்துடன் மஸேரட்டியின் முத்தாய்ப்பான ரேடியேட்டர் க்ரில் அமைப்பு, பெரிய ஏர் இன்டேக்குகளுடன் முகப்பு வசீகரிக்கிறது. பக்கவாட்டில் பெரிய அலாய் சக்கரங்கள், வலிமையான தோற்றத்தை தரும் பின்புற வடிவமைப்புடன் கவர்கிறது.
இந்த காரில் 10.1 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம் உள்ளது. மஸேரட்டியின் கனெக்ட்டிவிட்டி தொழில்நுட்பத்துடன், மேம்படுத்தப்பட்ட ஓட்டுதல் அனுபவத்தை தரும் தொழில்நுட்பங்களுடன் உருவாக்கப்பட்டு இருக்கிறது.
இந்த ஸ்போர்ட்ஸ் கார் மாடலானது மஸேரட்டியின் விலே சிரோ மெனோட்டி கார் ஆலையில் உற்பத்தி செய்யப்பட உள்ளது. இந்த ஆலை நவீன தொழில்நுட்ப கட்டுமானம், எஞ்சின் ஆய்வுப் பிரிவு மற்றும் பெயிண்ட்டிங் பிரிவுடன் மேம்படுத்தப்பட்டு இருப்பதும் குறிப்பிடத்தக்கது.
அடுத்த ஆண்டு இந்த புதிய ஸ்போர்ட்ஸ் கார் உற்பத்திக்கு செல்ல இருக்கிறது. இந்த காரின் கேப்ரியோலே உள்ளிட்ட மாடல்களும் அறிமுகம் செய்யப்பட உள்ளதாக தகவல்கள் தெரிவிக்கின்றன. 2 லட்சம் டாலர்கள் விலையில் இந்த கார் வரும் என்று எதிர்பார்க்கப்படுகிறது.