வழி தவறி வந்தவரை பார்த்து மிரண்டுபோன ஆட்டோக்காரர்... அந்த இடத்துல நீங்க இருந்தாகூட அப்படிதான் ஆடிப்போயிருப்பீங்க!

இப்போது வேண்டுமானால் ரூட் சொல்வதில் கூகுள் மேப் பெரிய ஆளாக இருக்கலாம். ஆனால், ஸ்மார்ட் போன் பயன்பாட்டிற்கு வருவதற்கு முன்னால் நம்ம ஊர் ஆட்டோக்காரர்கள்தான் சிறந்த வழிகாட்டிகள் என்பது யாராலும் மறுக்க முடியாத உண்மை. சாலையோரத்தில் சிறிய பிள்ளையார் கோவில் முதல் ஏரிய மிகப்பெரிய மசூதி, தேவாலயம் வரை அனைத்தும் இவர்களுக்கு அத்துப்படியே. எனவேதான் பாதையை தவறவிடும் பயணிகள் இவர்களையே (ஆட்டோ ஓட்டுநர்களை) மேப்பாக பயன்படுத்திக் கொள்கின்றனர்.

அந்தவகையில், இந்தியா மட்டுமின்றி உலக நாடுகள் சிலவற்றிலும் மிகப்பெரிய ரசிக பட்டாளத்தை வைத்திருக்கும் பிரபலம் ஒருவர், ஆட்டோ ஓட்டுநரின் உதவியுடன் சேர வேண்டிய இடத்தை அடைந்துள்ளார். இந்திய கிரிக்கெட் அணியின் முன்னாள் வீரர் சச்சின் டெண்டுல்கரே அவர். இவர் வெறுமனே இந்திய கிரிக்கெட் அணியின் வீரர் மட்டும் என்று கூறிவிட முடியாது. இந்திய கிரிக்கெட் உலகில் இவர் படைத்த சாதனைகள் பல.

எனவேதான், இந்திய கிரிக்கெட் அணியில் தற்போது இவர் இடம்பெறவில்லை என்றாலும், இவருக்கான ரசிகப் பட்டாளம் தற்போது இருந்த வண்ணம் இருக்கின்றது. இவரே தனது சொந்த மாநிலமான மஹாராஷ்டிராவில் பாதை மாறி தடுமாறி நின்றபோது ஆட்டோஓட்டுநர் ஒருவரின் உதவியைப் பெற்று இலக்கைச் சேர்ந்திருக்கின்றார்.

ஆட்டோ ஓட்டுநரின் உதவியைப் பெறும்போது அவர் பிஎம்டபிள்யூவின் எக்ஸ்5எம் காரைப் பயன்படுத்தியதாகக் கூறப்படுகின்றது. இக்கார் இந்தியாவின் சொகுசு அம்சங்கள் நிறைந்த மிக விலையுயர்ந்த காராகும். இக்கார், இந்தியாவில் ரூ. 1.94 கோடி என்ற விலையில் விற்பனைக்குக் கிடைக்கின்றது. இது வெறும் ஆரம்ப நிலை மாடலின் விலை மட்டுமே ஆகும். இதன் உயர்நிலை மாடல்களின் விலை இன்னும் பல கூடுதலாக சில கோடிகளைக் கொண்டிருக்கின்றது.

இத்தகைய விலையுயர்ந்த காரில் சென்றுக் கொண்டிருக்கையிலேயே பாதையை தவற விட்டிருக்கின்றார் சச்சின். ஆனால், நல்ல வேலையாக ஆட்டோ ஓட்டுநர் ஒருவர் உரிய நேரத்தில் வாழி காட்டி உதவியிருக்கின்றார். முதலில், தன்னிடம் வழி கேட்க வந்தவர் யார் என அறிந்த உடன் அவர் அடைந்த சந்தோஷம், இன்ப அதிர்ச்சியாக இருந்ததாக அவர் தெரிவித்திருக்கின்றார். திடீரென கிரிக்கெட் உலகின் கடவுளாக பார்க்கப்படும் சச்சினைப் பார்த்தால் யார்தான் குதூகலிக்க மாட்டார்கள்.

சரி இவர் பயன்படுத்திய காரை பற்றிய சிறப்பு தகவலைப் பார்ப்போம். இந்த காரை சச்சின் டெண்டுல்கர் தனக்கு பிடித்த வகையில் லேசாக மாற்றியமைத்திருக்கின்றார். அதாவது, காரின் உட்பகுதியில் சிவப்பு நிறம் கொண்ட இருக்கைகளைப் பயன்படுத்தியிருக்கின்றார். இத்துடன், மேலும் பல சொகுசு அம்சங்களை அவர் சேர்த்துள்ளார்.

சச்சின் டெண்டுல்கரிடத்தில் பிஎம்டபிள்யூ நிறுவனத்தின் எக்ஸ்5எம் காரைப் போலவே இன்னும் பல சொகுசு கார்கள் பயன்பாட்டில் இருக்கின்றன. அந்தவகையில், பிஎம்டபிள்யூ 7-செரீஸ், பிஎம்டபிள்யூ ஐ8 மற்றும் ஃபெர்ராரி நிறுவனத்தின் சில கார்களும் அவரிடத்தில் இருக்கின்றது.

சச்சின் டெண்டுல்கர் வழி தவறி செல்ல கூகுள் மேப்-ம் ஓர் காரணமாக. ஆமாங்க, சில நேரத்தில் கூகுள் மேப் தவறான பாதையைக் காண்பிப்பது உண்டு. அதாவது, வழி இருப்பதாக கூறி ஓர் முட்டு சந்தையோ அல்லது வேறு ஏதேனும் தேவைப்படாத பாதைக்கோ வழி நடத்துவதுண்டு. அந்தவகையில், கூகுள் மேப் கூறிய தவறான பாதையை சென்று சிக்கலடைந்தநிலையிலேயே ஆட்டோ ஓட்டுநர், சச்சினுக்கு உதவியிருக்கின்றார்.