வீட்டில் இருந்தே புதிய நிஸான் கார்களை வாங்குவதற்கான புதிய வசதி அறிமுகம்!

கொரோனா ஏற்படுத்தியுள்ள பிரச்னையால் சமூக இடைவெளியும், வெளி இடங்களில் செல்வதில் பாதுகாப்பு பிரச்னையும் எழுந்துள்ளது. மேலும், தேசிய ஊரடங்கு அமலில் உள்ளதால், மக்கள் வெளியில் செல்ல முடியாத நிலையில் உள்ளனர்.

இதனை மனதில் வைத்து கார் நிறுவனங்கள் வீட்டில் இருந்தே கார்களை ஆன்லைன் மூலமாக புக்கிங் செய்து டோர் டெலிவிரி பெறும் வசதியை அனைத்து நிறுவனங்களும் கொடுத்து வருகின்றன. அந்த வகையில், நிஸான் கார் நிறுவனமும் ஆன்லைன் மூலமாக கார் வாங்கும் வசதியை அறிமுகப்படுத்தி உள்ளது.

MOST READ : பருவமழை காலம் வருதுங்க... உங்க வண்டி பத்திரம்!

இது சாதாரண மொபைல் ஆப் மூலமாக புக்கிங் செய்து வாங்குவது போல அல்லாமல், கார்களை 360 டிகிரி கோணத்தில் பார்த்து, சிறப்பம்சங்களை தெரிந்து கொண்டு வாங்கும் வகையில் நிஸான் இணையதளத்தில் வசதி ஏற்படுத்தப்பட்டுள்ளது.

மேலும், கார்களை பார்த்து தெரிவு செய்த பின்னர், அங்கேயே முன்பதிவு செய்யவும், பணத்தை ஆன்லைன் மூலமாகவே கட்டுவதற்கான வாய்ப்பும் வழங்கப்படுகிறது. அதேபோன்று, முன்பதிவு செய்த வாடிக்கையாளர்கள் காரை வீட்டிலேயே டெலிவிரி பெற முடியும்.

நிஸான் கிக்ஸ், ஜிடிஆர் கார்களும், டட்சன் கார்களையும் இந்த வசதி மூலமாக இருந்த இடத்தில் இருந்தே முன்பதிவு செய்து வாங்க முடியும். ஷோரூமிற்கு செல்ல வேண்டிய அவசியம் இருக்காது. அருகாமையிலுள்ள ஷோரூமை தேர்வு செய்தால் போதுமானது. டீலரிலிருந்து விற்பனை பணியாளர் விளக்கமும், சந்தேகங்களையும் நிவர்த்தி செய்வார்.

ஆன்லைன் மூலமாகவே நிஸான் கார்களுக்கு அந்நிறுவனத்தின் சொந்த பைனான்ஸ் நிறுவனம் மூலமாக கார் கடன் செய்து தரும் வசதியும் ஆன்லைன் மூலமாகவே செய்வதற்கான வாய்ப்பும் வழங்கப்பட்டுள்ளது. ஆக மொத்தத்தில், ஷோரூமிற்கு செல்வதற்கான அவசியம் தவிர்க்கப்படுகிறது.

அண்மையில்தான் நிஸான் கிக்ஸ் எஸ்யூவியின் பிஎஸ்6 மாடல் அறிமுகம் செய்யப்பட்டது. இந்த எஸ்யூவியில் 1.5 லிட்டர் பெட்ரோல் எஞ்சின் தவிர்த்து, அதிசெயல்திறன் மிக்க 1.3 லிட்டர் டர்போ பெட்ரோல் எஞ்சின் மாடலிலும் அறிமுகம் செய்யப்பட்டுள்ளது.

மேலும், நிஸான் கனெக்ட் என்ற மொபைல் அப்ளிகேஷன் மூலமாக பல்வேறு தகவல்களை பெறுவதற்கும், காரின் எஞ்சின், கதவுகளை ரிமோட் முறையில் இயக்குவதற்கான வசதிகளையும் இந்த அப்ளிகேஷன் வழங்கும். நிஸான் கிக்ஸ் கார் ரூ.9.49 லட்சம் முதல் ரூ.1.4.15 லட்சம் வரையிலான விலையில் விற்பனைக்கு கிடைக்கிறது. இந்த காரை முன்பதிவு செய்ய விழைவோருக்கு இந்த ஆன்லைன் மூலமாக புக்கிங் செய்து வாங்கும் திட்டம் மிகச் சிறப்பானதாக இருக்கும்.