Just In
- 55 min ago இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- 7 hrs ago பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- 7 hrs ago உத்தர பிரதேசத்தை இந்த விஷயத்தில் தமிழ்நாடு முந்த இன்னும் பல காலம் ஆகும்!! மாநில அரசு கொஞ்சம் வேகமா செயல்படனும்
- 10 hrs ago ஒரே ஆளா வந்து வாங்கிட்டு போயிட்டாங்க.. 2,000 டாடா எலெக்ட்ரிக் கார்களை வாங்கி ஒற்றை ஆளு!
Don't Miss!
- Lifestyle Today Rasi Palan 25 April 2024: இன்று இந்த ராசிக்காரர்களுக்கு புதிய நபர்களுடன் பழகும் போது கவனம் தேவை...
- News அரசு புறம்போக்கு நிலம் என கைவிரித்த அதிகாரிகள்.. பட்டா வழங்க மறுப்பு.. ஹைகோர்ட் அதிரடி உத்தரவு
- Sports IPL 2024: ஏமாந்து போன ப்ரித்வி ஷா.. அது அவுட்டே இல்லை.. கொந்தளித்த டெல்லி ரசிகர்கள்.. என்ன நடந்தது?
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Movies வருஷத்துக்கு ஒரு படமாவது பண்ணுங்க.. விஜய்யை சந்தித்து அதிரடியாக கோரிக்கை வைத்த பிரபலம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
மிக சவாலான விலையில் புதிய டாடா நெக்ஸான் எலெக்ட்ரிக் கார் விற்பனைக்கு அறிமுகம்!
மிக சவாலான விலையில் புதிய டாடா நெக்ஸான் எலெக்ட்ரிக் கார் விற்பனைக்கு அறிமுகம் செய்யப்பட்டு இருக்கிறது. விரிவானத் தகவல்களை தொடர்ந்து பார்க்கலாம்.
எலெக்ட்ரிக் கார்களுக்கான வரவேற்பு அதிகரித்து வரும் நிலையில், ஹூண்டாய், எம்ஜி மோட்டார்ஸ் வரிசையில் தனி நபர் பயன்பாட்டுக்கு ஏற்ற அம்சங்கள் கொண்ட எலெக்ட்ரிக் காரை டாடா மோட்டார்ஸ் களமிறக்கி உள்ளது.
ஏற்கனவே, டிகோர் கார் மாடலை விற்பனையில் வைத்திருந்தாலும், தனிநபர் பயன்பாட்டுக்கு ஏற்ற அதிக சிறப்பம்சங்களுடன் புதிய நெக்ஸான் எலெக்ட்ரிக் கார் வந்துள்ளது. இந்த கார் XM, XZ+, XZ+ Lux என மூன்று வேரியண்ட்டுகளில் விற்பனைக்கு கிடைக்கும்.
டாடா நெக்ஸான் எலெக்ட்ரிக் காரில் 95kW மின் மோட்டார் உள்ளது. இந்த மின் மோட்டார் அதிகபட்சமாக 129 பிஎச்பி பவரையும், 245 என்எம் டார்க் திறனையும் வெளிப்படுத்தும். இது சிறப்பான செயல்திறன் கொண்ட மின்சார மாடலாக இறுப்பதால், வாடிக்கையாளர்களை வெகுவாக கவரும் வாய்ப்புள்ளது.
டாடா நெக்ஸான் எலெக்ட்ரிக் எஸ்யூவி காரில் 30.2kWh லித்தியம் அயான் பேட்டரி பொருத்தப்பட்டு இருக்கிறது. இந்த பேட்டரியை முழுமையாக சார்ஜ் செய்தால் 312 கிமீ தூரம் வரை பயணிக்க முடியும் என்று அராய் சான்றளித்துள்ளது.
இந்த காரின் பேட்டரியை சாதாரண சார்ஜர் மூலமாக சார்ஜ் ஏற்றுவதற்கு 8 மணிநேரம் பிடிக்கும். ஃபாஸ்ட் சார்ஜர் மூலமாக சார்ஜ் ஏற்றும்போது 60 நிமிடங்களில் 80 சதவீதம் அளவுக்கு பேட்டரியில் சார்ஜ் ஏற்றிவிடலாம்.
தனது டீலர்கள் மற்றும் பொது இடங்களில் ஃபாஸ்ட் சார்ஜர்கள் கட்டமைப்பை உருவாக்கும் முயற்சிகளில் டாடா மோட்டார்ஸ் ஏற்கனவே இறங்கிவிட்டது.
இந்த காரில் புரொஜெக்டர் ஹெட்லைட்டுகள், எல்இடி பகல்நேர விளக்குகள், க்ரில் அமைப்புக்கு பதிலாக பியானோ பிளாக் சட்டத்துடன் கூடிய முகப்பு வசீகரமாக உள்ளது. மேலும், விசேஷ வண்ண அலங்காரமும் முகப்பை அழகாக காட்டுகிறது. சாதாரண மாடலை போன்றே பக்கவாட்டு டிசைன் இருக்கிறது. இந்த காரில் 16 அங்குல டைமண்ட் கட் அலாய் வீல்கள் உள்ளன. மொத்தத்தில் வசீகரமான எலெக்ட்ரிக் எஸ்யூவியாக இருக்கிறது.
உட்புறத்தில் இன்ஃபோடெயினமென்ட் சிஸ்டம் இன்டர்நெட் வசதியுடன் வர இருக்கிறது. இதன் மூலமாக, கனெக்ட்டெட் கார் என்று சொல்லக்கூடிய 35 விதமான வசதிகளை ஸ்மார்ட்ஃபோன் செயலி மூலமாக பெறும் வாய்ப்பு உள்ளது. புஷ் பட்டன் ஸ்டார்ட், கீ லெஸ் என்ட்ரி, டிரைவிங் மோடுகள், ஆட்டோமேட்டிக் க்ளைமேட் கன்ட்ரோல், எலெக்ட்ரிக் சன்ரூஃப், ஆட்டோமேட்டிக் ஹெட்லைட்டுகள், வைப்பர்களும் உள்ளன.
செமி டிஜிட்டல் இன்ஸ்ட்ரூமென்ட் க்ளஸ்ட்டரும் இதன் முக்கிய அம்சமாக உள்ளது. காரின் பேட்டரியில் இருக்கும் சார்ஜ் அளவு, ரீஜெனெரேட்டிவ் பிரேக்கிங் சிஸ்டத்திடன் பயன்பாடு எந்த அளவு உள்ளது உள்ளிட்ட பல்வேறு தகவல்களை பெற முடியும். சாஃப்ட் டச் பிளாஸ்டிக் கொண்ட டேஷ்போர்டு அமைப்பு கவர்கிறது.
புதிய டாடா நெக்ஸான் எலெக்ட்ரிக் காரில் இரண்டு ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், ஹில் அசென்ட் அசிஸ்ட், ஹில் டிசென்ட் அசிஸ்ட், ரிவர்ஸ் பார்க்கிங் கேமரா, சீட் பெல்ட் ரிமைன்டர், ஹை ஸ்பீடு வார்னிங் அலர்ட், பெடஸ்ட்ரியன் புரொடெக்ஷன் ஆகியவை முக்கிய அம்சங்களாக உள்ளன.
புதிய டாடா நெக்ஸான் கார் நீலம், வெள்ளை மற்றும் சில்வர் என மூன்று விதமான வண்ணத் தேர்வுகளில் கிடைக்கும்.
புதிய டாடா நெக்ஸான் எலெக்ட்ரிக் காரின் பேஸ் வேரியண்ட்டிற்கு ரூ.13.99 லட்சம் விலையும், நடுத்தர எக்ஸ்இசட் ப்ளஸ் வேரியண்ட்டிற்கு ரூ.14.99 லட்சமும், டாப் வேரியண்ட்டிற்கு ரூ.15.99 லட்சமும் எக்ஸ்ஷோரூம் விற்பனைக்கு அறிமுகம் செய்யப்பட்டு இருக்கிறது. ரூ.21,000 முன்பணத்துடன் இந்த காருக்கு முன்பதிவு செய்யப்படுகிறது.
இந்த எலெக்ட்ரிக் எஸ்யூவியின் பேட்டரி மற்றும் மின் மோட்டாருக்கு 8 ஆண்டுகள் அல்லது 1.60 லட்சம் கிலோமீட்டர்களுக்கான வாரண்டி திட்டம் வழங்கப்படுகிறது. ஹூண்டாய் கோனா மற்றும் எம்ஜி இசட்எஸ் எலெக்ட்ரிக் கார்களைவிட விலை குறைவான எலெக்ட்ரிக் எஸ்யூவி தேர்வாக அமையும்.
-
இந்தியாவை தாண்டினால் டாடா கார்களுக்கு மவுசு கிடையாது!! 5-ஸ்டார் ரேட்டிங் கார்களுக்கு இப்படியொரு நிலைமையா!
-
ரூ6.13 லட்சம் விலை, 19 கி.மீ மைலேஜ் தரும் இந்த காரை வாங்க லைன் நின்னாலும் உடனே கிடைக்காது! ஏன் தெரியுமா?
-
ஆக்டிவா எந்த அவதாரம் எடுத்தாலும் இவங்க விட மாட்டாங்க போலையே! விடாது கருப்புபோல விடாது விரட்டும் சுஸுகி!