ரூ.25,000 வரையில் பணம் தள்ளுபடி அறிவிப்பு- இந்த பிப்ரவரியில் மாருதி கார்களை வாங்க வேண்டியதுதான்!!

இந்தியாவின் முன்னணி கார் தயாரிப்பு நிறுவனமாக விளங்கும் மாருதி சுஸுகி கடந்த மாதத்தில் அதன் கார்களின் விலைகளை கணிசமாக உயர்த்தி இருந்தது.

இந்த நிலையில் தற்போது விலை அதிகரிப்பை ஈடுசெய்யும் வகையிலும், விற்பனையை அதிகரிக்கும் நோக்கிலும் அதன் அரேனா கார்களுக்கு சிறப்பு சலுகைகளை மாருதி சுஸுகி நிறுவனம் அறிவித்துள்ளது.

இந்த பிப்ரவரி மாதம் வரையில் மட்டுமே செல்லுபடியாகும் வகையில் அறிவிக்கப்பட்டுள்ள இந்த அறிவிப்பின்படி கடந்த மாதத்தில் இந்தியாவில் அதிகளவில் விற்பனையான காராக முதலிடத்தில் உள்ள ஆல்டோ ஹேட்ச்பேக் காருக்கு ரூ.20,000 வரையில் பணம் தள்ளுபடி வழங்கப்பட்டுள்ளது.

இதற்கு எக்ஸ்சேன்ஞ் போனஸ் ரூ.20,000 என்ற அளவில் நிர்ணயிக்கப்பட்டுள்ளது. அதுவே எஸ்-பிரெஸ்ஸோவிற்கு பணம் தள்ளுபடி ரூ.25,000-லும், எக்ஸ்சேன்ஞ் போனஸ் ரூ.20,000 மதிப்பிலும் அறிவிக்கப்பட்டுள்ளது.

ஈக்கோவிற்கு பணம் தள்ளுபடி மற்றும் எக்ஸ்சேன்ஞ் போனஸ் ரூ.20,000ஆக வழங்கப்பட்டுள்ளது. வேகன்-ஆர் உயரமிக்க ஹேட்ச்பேக் காரின் பெட்ரோல் வேரியண்ட்களுக்கு ரூ.8,000லும், சிஎன்ஜி வேரியண்ட்களுக்கு ரூ.13,000-லும் பணம் தள்ளுபடி நிர்ணயிக்கப்பட்டுள்ளது.

ரூ.15,000 எக்ஸ்சேன்ஞ் போனஸ் வேகன்ஆரின் வேரியண்ட்கள் அனைத்திற்கும் வழங்கப்பட்டுள்ளது. செலேரியோவிற்கு அறிவிக்கப்பட்டுள்ள பணம் தள்ளுபடி ரூ.10,000ஆகவும், எக்ஸ்சேன்ஞ் போனஸ் ரூ.20,000 ஆகவும் உள்ளது.

மாருதி டிசைர் ரூ.8,000ல் பணம் தள்ளுபடியையும், ரூ.20,000ல் எக்ஸ்சேன்ஞ் போனஸையும் பெற்றுள்ளது. ஃபேஸ்லிஃப்ட் அப்கிரேடை பெறாத டிசைர் கார்களுக்கு ரூ.25,000 வரையில் பணம் தள்ளுபடி அறிவிக்கப்பட்டுள்ளது. ஆனால் இந்த ஃபேஸ்லிஃப்ட்-இல்லாத டிசைர் கார்கள் இந்தியாவில் குறிப்பிட்ட ஷோரூம்களில் மட்டுமே விற்பனைக்கு கிடைக்கின்றன.

மாருதி விட்டாரா பிரெஸ்ஸாக்கு ரூ.10,000ல் பணம் தள்ளுபடியையும் ரூ.20,000 எக்ஸ்சேன்ஞ் போனஸையும் மாருதி சுஸுகி வழங்கியுள்ளது. மேற்கூறப்பட்டுள்ள மாருதி கார்களுக்கு அந்தந்த சலுகைகளுடன் ரூ.4,000 மதிப்பில் கார்பிரேட் போனஸும் அறிவிக்கப்பட்டுள்ளது.

மாருதியின் கமர்ஷியல் பயன்பாட்டிற்கான கார்களை பொறுத்தவரையில், டூர் வி மற்றும் டூர் எச்2 கார்கள் ரூ.20,000 மதிப்பில் பணம் தள்ளுபடி மற்றும் எக்ஸ்சேன்ஞ் போனஸை ஏற்றுள்ளன. டூர் எஸ் காரை வாங்கும் வாடிக்கையாளர்களுக்காக ரூ.10,000 பணம் தள்ளுபடி மற்றும் ரூ.25,000 எக்ஸ்சேன்ஞ் போனஸை மாருதி அறிவித்துள்ளது.

அதுவே டூர் எம் காருக்கு ரூ.20,000 பணம் தள்ளுபடி மட்டுமே வழங்கப்பட்டுள்ளது. எக்ஸ்சேன்ஞ் போனஸ் இல்லை. ஆனால் கார்பிரேட் போனஸ் ரூ.20,000 என்ற அளவில் நிர்ணயிக்கப்பட்டுள்ளது. மற்ற டூர் வி, டூர் எச்2 மற்றும் டூர் எஸ் கார்களுக்கு கார்பிரேட் போனஸாக ரூ.15,000 கொடுக்கப்பட்டுள்ளது.