Just In
- 10 min ago 5 வருஷத்துக்கு எந்தவொரு பிரச்சனையும் இல்லாமல் ஓட்டலாம்!! வாரண்டியை வாரி வழங்கும் இவி நிறுவனம்!
- 1 hr ago டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- 4 hrs ago அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- 5 hrs ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
Don't Miss!
- Lifestyle இந்த பட்டனை அழுத்தினால் கார் உடனடியாக கூலிங் ஆகிடும்... இது பலருக்கும் தெரியாத விஷயம்..!
- Sports ஐதராபாத் ரசிகர்களுக்கு அதிர்ச்சி.. ஹெட், அபிஷேக் சர்மா சோலி முடிஞ்ச்.. நம்ம ஆர்சிபி பவுலிங்கா இது!
- News மற்றொரு "வேங்கைவயல்" சம்பவம்? குடிநீர் தொட்டியில் மாட்டு சாணம்? கந்தவர்கோட்டை அருகே பகீர்
- Movies Actor Dhanush: ஜூலை மாதத்திற்கு தள்ளிப்போகும் தனுஷின் ராயன் பட ரிலீஸ்.. கமல்தான் காரணமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
"சாதாரண மக்களுக்கும் உதவ வேண்டும்"... மக்களுக்காக ஹெக்டர் எஸ்யூவி காரை ஆம்புலன்ஸாக மாற்றிய எம்ஜி...
சாதாரண மக்களுக்கும் உதவும் விதமாக தனது ஹெக்டர் காரை ஆம்புலன்ஸாக மாற்றி எம்ஜி நிறுவனம் வழங்கியிருக்கின்றது. இதுகுறித்த கூடுதல் தகவலைத் தொடர்ந்து பார்க்கலாம்.
எம்ஜி நிறுவனத்தின் புகழ்வாய்ந்த கார் மாடல்களில் ஹெக்டரும் ஒன்று. இங்கிலாந்து நாட்டை மையமாகக் கொண்டு இயங்கும் இந்நிறுவனம் ஹெக்டர் எஸ்யூவி-யை கடந்த 2019ம் ஆண்டு ஜூன் 27ம் தேதி அன்றே இந்தியாவில் முதல் முறையாக விற்பனைக்கு அறிமுகப்படுத்தியது. இந்த மாடல் நிறுவனத்திற்கு நல்ல வெற்றி வாய்ப்பை ஏற்படுத்திக் கொடுத்த வாகனமாகும்.
இந்த ஒற்றை மாடலின் வாயிலாகவே நாட்டின் அதிகம் விற்பனையாகும் கார் நிறுவனங்களின் பட்டியலில் எம்ஜியும் ஒன்றாக மாறியது. இத்தகைய சிறப்பு வாய்ந்த காரையே நிறுவனம் தற்போது ஆம்புலன்ஸாக மாற்றி நாக்பூர் மருத்துவமனைக்கு வழங்கியிருக்கின்றது. 'எம்ஜி சேவா' (MG SEWA) திட்டத்தின்கீழ் இந்த கார்களை நாக்பூர் எம்ஜி கார் விற்பனையாளர் வழங்கியிருக்கின்றார்.
ஒட்டுமொத்தமாக ஐந்து ஹெக்டர் கார்கள் இதற்காக ஆம்புலன்ஸாக மாற்றப்பட்டு வழங்கப்பட்டிருக்கின்றன. நாக்பூரில் உள்ள நாஞ்ஜியா ஸ்பெஷாலிட்டி மருத்துவமனைக்கே இந்த கார்கள் வழங்கப்பட்டிருக்கின்றன. ஆம்புலன்ஸாக மாற்றப்பட்ட ஹெக்டர் கார்களை வழங்கும் நிகழ்வில், சாலை போக்குவரத்து மற்றும் நெடுஞ்சாலை துறை மற்றும் மைக்ரோ, சிறு மற்றும் நடுத்தர நிறுவனங்கள் ஆகிய துறைகளின் அமைச்சர் நிதின் கட்கரி கலந்துக் கொண்டார் என்பது குறிப்பிடத்தகுந்தது.
இவரே கார்களை கொடியசைத்து பயன்பாட்டிற்கு அனுப்பி வைத்தார். மத்திய அமைச்சர் மற்றும் மாநிலத்தின் சில முக்கிய அரசு அதிகாரிகளும் இந்நிகழ்வில் பங்கேற்றனர். சாதாரண மக்களுக்கும் உதவும் நோக்கில் இந்த ஆம்புலன்ஸ் கார்களை வழங்கியிருப்பதாக எம்ஜி நிறுவனம் தகவல் வெளியிட்டிருக்கின்றது.
எம்ஜி நிறுவனம் இதுபோன்று ஆம்புலன்ஸாக மாற்றியமைக்கப்பட்ட ஹெக்டர் கார்களை மருத்துவமனைக்கு வழங்குவது முதல் முறையல்ல. முன்னதாக வதோதராவில் உள்ள ஜிஎம்இஆர்எஸ் மருத்துவமனைக்கும், குஜராத் ஹலோல் பகுதியில் இருக்கும் சிஎச்சி மருத்துவமனைக்கும் இதுபோன்ற ஆம்புலன்ஸ் ஹெக்டர் கார்கள் வழங்கப்பட்டன என்பது குறிப்பிடத்தகுந்தது.
இந்த மருத்துவமனைகளிடத்தில் இருந்து ஹெக்டர் ஆம்புலன்ஸ் கார்குறித்து நல்ல சாதகமான கருத்து கிடைத்திருக்கின்றன. இந்த நிலையிலேயே உயிர்காக்கும் கருவிகள் அடங்கிய ஹெக்டர் கார்களை எம்ஜி நிறுவனம் நாக்பூர் மருத்துவமனைக்கும் வழங்கியிருக்கின்றது.
இக்காரில் ஆக்ஸிஜன் சிலிண்டர், மருந்துகள், வெண்டிலேட்டர், இன்வெர்டர், ஸ்ட்ரெட்சர் மற்றும் 5 கூடுதல் பாராமீட்டார் சாக்கெட்டுகள் என பல்வேறு அவசரகால கருவிகள் வழங்கப்பட்டிருக்கின்றன. இதுதவிர தீயணைப்பான், சைரன் மற்றும் ஃபிளாஷர் மின் விளக்குகள் உள்ளிட்டவையும் இக்காரில் இடம் பெற்றிருக்கின்றன.
ஆகையால், மிகப்பெரிய உருவம் கொண்ட ஆம்புலன்ஸ்களுக்கு சற்றும் சளைத்ததல்ல என்பதை ஹெக்டர் நிரூபித்திருக்கின்றது. எம்ஜி ஹெக்டர் கார் இந்தியாவில் ரூ. 12.89 லட்சம் தொடங்கி 18.42 லட்ச ரூபாய் வரையிலான விலையில் விற்பனைக்குக் கிடைத்து வருகின்றது. இது எஸ்யூவி காரின் டெல்லி எக்ஸ் ஷோரூம் விலை என்பது குறிப்பிடத்தகுந்தது.