Just In
- 17 min ago 21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
- 5 hrs ago இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
- 5 hrs ago 7 பேர் போற கார் இவ்ளோ மைலேஜ் குடுக்குமா! விலை அதை விட ஆச்சரியம்! எவ்ளோனு தெரிஞ்சா அடுத்த நிமிஷமே வாங்கீருவீங்க
- 6 hrs ago இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
Don't Miss!
- Lifestyle Today Rasi Palan 24 April 2024: இன்று இந்த ராசிக்காரர்கள் பிறர் பிரச்சனைகளில் தலையிடாமல் இருந்தால் நல்லது...
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Movies Actor Vijay: ஐ லவ் விஜய்.. கில்லி படத்தின் ரீ ரிலீசை கொண்டாடும் சீன ரசிகர்!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
மூன்லிட் சில்வர் நிறத்தேர்வை இழந்தது டாடா நெக்ஸான் எலக்ட்ரிக் கார்!! இனி இந்த 3 நிறங்களில் மட்டுமே கிடைக்கும்!
டாடா மோட்டார்ஸ் நிறுவனம் நெக்ஸான் எலக்ட்ரிக் காரின் மூன்லிட் சில்வர் நிறத்தேர்வை அகற்றியுள்ளது. இதன்படி டாடா மோட்டார்ஸ் நிறுவனத்தின் வெப்சைட்டில், நெக்ஸான் இவி-யின் பக்கத்தில் இருந்து இந்த நிறத்தேர்வின் பெயர் நீக்கப்பட்டுள்ளது. இதுகுறித்த கூடுதல் விபரங்களை தொடர்ந்து பார்ப்போம்.
டாடா மோட்டார்ஸின் சிறந்த விற்பனை கார்களுள் நெக்ஸானும் ஒன்று. அதிகளவில் விற்பனையாகும் காம்பெக்ட் எஸ்யூவி கார்களில் முதலிடத்தில் இருக்கும் நெக்ஸானின் எலக்ட்ரிக் வெர்சனுக்கும் மாதத்தோறும் கணிசமான வாடிக்கையாளர்கள் கிடைத்து வருகின்றனர்.
இதற்கு வழங்கப்பட்டு வந்த நிறத்தேர்வுகளில் ஒன்றின் விற்பனை தான் தற்போது நிறுத்தப்பட்டுள்ளது. மூன்லிட் சில்வர் நிறத்தேர்வு அகற்றப்பட்டுள்ளதால், இனி காட்டு வாத்தின் சிக்னெச்சர் நீலம், கிளாசியர் வெள்ளை மற்றும் மிட்நைட் கருப்பு என்ற 3 நிறத்தேர்வுகளில் மட்டுமே விற்பனைக்கு கிடைக்கவுள்ளது.
நெக்ஸான் இவி-யின் வேரியண்ட்களாக, எக்ஸ்.எம், எக்ஸ்.இசட் ப்ளஸ், எக்ஸ்.இசட் ப்ளஸ் டார்க் எடிசன், எக்ஸ்.இசட் ப்ளஸ் லக்ஸ் மற்றும் எக்ஸ்.இசட் ப்ளஸ் லக்ஸ் டார்க் எடிசன் உள்ளிட்டவை வழங்கப்படுகின்றன. வேரியண்ட்களின் பெயர்கள் மட்டுமின்றி இந்த எலக்ட்ரிக் காம்பெக்ட் எஸ்யூவி கார் சில அம்சங்களையும் அதன் எரிபொருள் நெக்ஸான் கார்களில் இருந்து பெறுகிறது.
இந்த அம்சங்களில், டிஆர்எல்களுடன் பிரோஜெக்டர் ஹெட்லேம்ப்கள், 16-இன்ச் அலாய் சக்கரங்கள், 7-இன்ச் ஹர்மன் தொடுத்திரை இன்ஃபோடெயின்மெண்ட் சிஸ்டம், கூல்டு க்ளோவ்பாக்ஸ், எலக்ட்ரிக் சன்ரூஃப், லெதர் உள்ளமைவு, ஆட்டோமேட்டிக் க்ளைமேட் கண்ட்ரோல், இரட்டை முன்பக்க காற்றுப்பைகள் மற்றும் ஐசோஃபிக்ஸ் குழந்தை இருக்கைக்கான கொக்கி உள்ளிட்டவை அடங்குகின்றன.
சில மாதங்களுக்கு முன்பு டாடா நிறுவனம் அதன் நெக்ஸான் மாடலின் டார்க் எடிசனை அறிமுகப்படுத்தி இருந்தது. மிட்நைட் கருப்பு நிறத்தில் வழங்கப்படும் இந்த பெயிண்ட் தேர்வில் காரின் உட்புற கேபினும் அடர் கருப்பு நிறத்தில் அலங்கரிக்கப்படுகிறது. இதன் எக்ஸ்-ஷோரூம் விலை ரூ.15.99 லட்சமாக நிர்ணயிக்கப்பட்டுள்ளது.
நெக்ஸான் இவி-யில் 30.2 kWh லித்தியம்-இரும்பு பேட்டரி தொகுப்பை டாடா மோட்டார்ஸ் நிறுவனம் வழங்குகிறது. இது அதிகப்பட்சமாக 127 பிஎச்பி மற்றும் 245 என்எம் டார்க் திறனை வெளிப்படுத்தக்கூடியதாக உள்ளது. ஒருமுறை பேட்டரியை சார்ஜ் நிரப்பினால் அதிகப்பட்சமாக 312கிமீ பயணிக்க முடியும். விற்பனையில் டாடா நெக்ஸான் இவி-க்கு எம்ஜி இசட்.எஸ் இவி மற்றும் ஹூண்டாய் கோனா எலக்ட்ரிக் உள்ளிட்டவை போட்டியாக விளங்குகின்றன.
ஆனால் இவற்றில் நெக்ஸான் இவி-யின் விலையே பெரும்பான்மையானோர் வாங்கக்கூடிய வகையில் குறைவாக உள்ளது. நெக்ஸான் எலக்ட்ரிக் காரின் இந்திய எக்ஸ்-ஷோரூம் விலைகள் தற்சமயம் ரூ.13.99 லட்சத்தில் இருந்து ரூ.16.85 லட்சம் வரையில் உள்ளன. அதுவே எம்ஜி இசட்.எஸ் இவி-யின் எக்ஸ்-ஷோரூம் விலை ரூ.21 லட்சத்தில் இருந்தும், கோனா எலக்ட்ரிக்கின் விலை ரூ.24 லட்சத்தில் இருந்தும் துவங்குகின்றன.
ஏற்கனவே கூறியதுதான், இந்தியாவில் தற்சமயம் அதிகம் விற்பனையாகும் டாடா காராக நெக்ஸான் விளங்குகிறது. எந்த அளவிற்கு என்றால், கடந்த அக்டோபரில் மொத்தம் 33,926 கார்களை டாடா மோட்டார்ஸ் விற்பனை செய்துள்ளது. இதில் மூன்றில் ஒரு பங்கு நெக்ஸான் கார்களாகும். அதாவது 10,096 யூனிட் நெக்ஸான் கார்கள் கடந்த மாதத்தில் விற்பனை செய்யப்பட்டுள்ளன.
2020 அக்டோபரில் வெறும் 6,888 நெக்ஸான் கார்களே விற்பனை செய்யப்பட்டு இருந்தன. இந்த வகையில் உள்நாட்டில் நெக்ஸான் கார்களின் விற்பனை சுமார் 46.5% அதிகரித்துள்ளது. இதில் நெக்ஸான் எலக்ட்ரிக் கார்களின் பங்கு தற்போதைக்கு குறைவாக தான் இருக்கிறது என்றாலும், இந்த எண்ணிக்கை வரும் ஆண்டுகளில் விரைவாக அதிகரிக்க பிரகாசமான வாய்ப்புள்ளது.
ஏனெனில் கடந்த செப்டம்பர் மாத இறுதியில் நெக்ஸான் இவி-யின் விற்பனையில் 10,000 என்கிற மைல்கல்லை கடந்துள்ளதாக டாடா மோட்டார்ஸ் நிறுவனம் தெரிவித்திருந்தது. இதுவரையில் இந்தியாவில் ஒட்டுமொத்தமாக விற்பனை செய்யபட்டுள்ள எலக்ட்ரிக் கார்களின் எண்ணிக்கையில் இது சுமார் 70 சதவீதமாகும். அத்துடன் கடந்த ஆகஸ்ட் மாத விற்பனையில் இந்த டாடா எலக்ட்ரிக் கார் ஆயிரத்தை வெற்றிக்கரமாக கடந்துள்ளது.
டாடா மோட்டார்ஸ் நிறுவனம் எலக்ட்ரிக் வாகனங்களின் விற்பனையை ஊக்குவிக்கும் வகையில் இந்தியாவில் சுமார் 120க்கும் மேற்பட்ட நகரங்களில் 700க்கும் அதிகமான அதிநவீன சார்ஜிங் மையங்களை பயன்பாட்டிற்கு கொண்டுவந்துள்ளது. இவ்வாறான நாடு முழுவதும் சார்ஜிங் நிலைய கட்டமைப்பு வேலைகளில் தற்சமயம் அரசு மற்றும் அரசு சாரா நிறுவனங்களும் தீவிரமாக ஈடுப்பட்டு வருகின்றன என்பது குறிப்பிடத்தக்கது.