Just In
- 1 hr ago ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
- 1 hr ago விமானம் தரையிறங்கும் முன் எரிபொருளை விமானிகள் வேண்டுமென்றே திறந்துவிடுவார்கள்.. நாடுவானில் ஏன் இத செய்யுறாங்க?
- 2 hrs ago லியோ படத்தில் விஜய்யுடன் நடிச்சாரு, இப்போது விலையுயர்ந்த டொயோட்டா காரில்!! கேரள நடிகையின் புது கார்!
- 4 hrs ago போன தடவ சிவப்பு நிற சைக்கிள்.. இந்த முறை இன்னோவா கார்.. இந்த கார் வாயிலாக அவர் என்ன சொல்லியிருக்கார்?
Don't Miss!
- News மாலையில் திடீரென வாக்குச்சாவடியில் குவிந்த 1000 பேர்.. மரக்காணம் அருகே பரபரப்பு.. என்ன நடந்தது!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Finance ப்ளே ஸ்கூல் பையனுக்கு ரூ. 4,30,000 கட்டணமா.. ட்ரெண்ட் ஆகும் தந்தையின் கதறல் போஸ்ட்!
- Lifestyle தினமும் எவ்வளவு சர்க்கரை உட்கொள்வது பாதுகாப்பானது தெரியுமா? இத்தனை ஸ்பூனுக்கு மேல தெரியாம கூட சாப்பிடாதீங்க...
- Technology யாருமே எதிர்பார்க்கல.. 8ஜிபி ரேம்.. 50எம்பி கேமரா.. புதிய Samsung 5ஜி மாடல் அறிமுகம்.. என்ன விலை?
- Movies Actor Vijay Antony: பணத்திற்காக வாக்கை விற்காதீர்கள்.. தெளிவுபடுத்திய நடிகர் விஜய் ஆண்டனி!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
- Sports ஹர்திக் பாண்டியாவுக்கு அடுத்த அடி.. கடும் அதிருப்தியில் மும்பை இந்தியன்ஸ் அணியின் அனுபவ வீரர்
எடுத்த எடுப்பிலேயே டாப் கியரை போட்ட Tata Punch... குறைவான விலை, 5 ஸ்டார் ரேட்டிங்... வேற என்னங்க வேணும்?
டாடா பன்ச் கார் எடுத்த எடுப்பிலேயே டாப் கியரை போட்டுள்ளது. இதுகுறித்த தகவல்களை இந்த செய்தியில் பார்க்கலாம்.
இந்தியாவில் கடந்த அக்டோபர் மாதம் அதிகம் விற்பனை செய்யப்பட்ட டாப்-10 எஸ்யூவி கார்களின் பட்டியல் வெளியாகியுள்ளது. இதில், ஹூண்டாய் வெனியூ முதலிடத்தை பிடித்துள்ளது. ஹூண்டாய் நிறுவனம் கடந்த 2020ம் ஆண்டு அக்டோபர் மாதம் வெறும் 8,828 வெனியூ கார்களை மட்டுமே விற்பனை செய்திருந்தது. ஆனால் இந்த எண்ணிக்கை தற்போது 10,554 ஆக உயர்ந்துள்ளது.
இதன் மூலம் 19.5 சதவீத வளர்ச்சியுடன், கடந்த அக்டோபர் மாதம் அதிகம் விற்பனையான டாப்-10 எஸ்யூவி கார்களின் பட்டியலில் ஹூண்டாய் வெனியூ முதலிடத்தை பிடித்துள்ளது. இந்த பட்டியலில் கியா செல்டோஸ் இரண்டாவது இடத்தை பிடித்துள்ளது. கடந்த 2020ம் ஆண்டு அக்டோபர் மாதம் 8,900 ஆக இருந்த கியா செல்டோஸ் காரின் விற்பனை எண்ணிக்கை நடப்பாண்டு அக்டோபரில் 10,448 ஆக உயர்ந்துள்ளது.
இது 17.8 சதவீத வளர்ச்சியாகும். இந்த பட்டியலில் டாடா நெக்ஸான் மூன்றாவது இடத்தை பிடித்துள்ளது. டாடா மோட்டார்ஸ் நிறுவனம் கடந்த 2020ம் ஆண்டு அக்டோபர் மாதம் வெறும் 6,888 நெக்ஸான் கார்களை மட்டுமே விற்பனை செய்திருந்தது. இந்த எண்ணிக்கை நடப்பாண்டு அக்டோபர் மாதம் 10,096 ஆக உயர்ந்துள்ளது. இது 46.5 சதவீத வளர்ச்சியாகும்.
டாப்-10 பட்டியலில் இடம்பெற்றுள்ள எஸ்யூவி கார்களில் மிக அதிக விற்பனை வளர்ச்சியை பெற்ற கார் என்ற பெருமை டாடா நெக்ஸானை சேரும். குளோபல் என்சிஏபி மோதல் சோதனைகளில் முழுமையாக 5 ஸ்டார் பாதுகாப்பு ரேட்டிங்கை பெற்ற முதல் 'மேட் இன் இந்தியா' கார் என்ற பெருமை டாடா நெக்ஸானுக்கு உள்ளது. இதன் காரணமாகவே டாடா நெக்ஸான் காரின் விற்பனை தற்போது கிடுகிடுவென உயர்ந்து வருகிறது.
இந்த பட்டியலில் டாடா பன்ச் கார் நான்காவது இடத்தை பிடித்துள்ளது. டாடா பன்ச் கார் கடந்த அக்டோபர் மாதம்தான் விற்பனைக்கு அறிமுகம் செய்யப்பட்டது. எடுத்த எடுப்பிலேயே டாப் கியரை போட்டுள்ள டாடா பன்ச், கடந்த அக்டோபர் மாதம் அதிகம் விற்பனையான எஸ்யூவி கார்களின் பட்டியலில் நான்காவது இடத்தை பிடித்து அசத்தியுள்ளது.
கடந்த அக்டோபர் மாதம் டாடா நிறுவனம் 8,453 பன்ச் கார்களை விற்பனை செய்துள்ளது. முதல் மாதத்திலேயே இவ்வளவு அதிகமான கார்கள் விற்பனை செய்யப்பட்டிருப்பது உண்மையிலேயே மிக சிறப்பான விஷயம். டாடா நெக்ஸான் காரை போலவே, டாடா பன்ச் காரும் குளோபல் என்சிஏபி மோதல் சோதனைகளில் முழுமையாக 5 ஸ்டார் பாதுகாப்பு ரேட்டிங்கை பெற்றுள்ளது.
அத்துடன் மிகவும் குறைவான விலையில் டாடா பன்ச் கார் விற்பனைக்கு அறிமுகம் செய்யப்பட்டுள்ளது (ஆரம்ப விலை 5.49 லட்ச ரூபாய்). இதன் காரணமாக வரும் மாதங்களில் டாடா பன்ச் காரின் விற்பனை இன்னும் உயரும் என எதிர்பார்க்கப்படுகிறது. இந்த பட்டியலில் மாருதி சுஸுகி விட்டாரா பிரெஸ்ஸா ஐந்தாவது இடத்தை பிடித்துள்ளது.
கடந்த 2020ம் ஆண்டு அக்டோபர் மாதம் 12,087 ஆக இருந்த மாருதி சுஸுகி விட்டாரா பிரெஸ்ஸா காரின் விற்பனை எண்ணிக்கை நடப்பாண்டு அக்டோபர் மாதம் 8,032 ஆக உயர்ந்துள்ளது. இது 33.5 சதவீத வீழ்ச்சியாகும். இந்த பட்டியலில் ஹூண்டாய் கிரெட்டா ஆறாவது இடத்தை பிடித்துள்ளது. கடந்த 2020ம் ஆண்டு அக்டோபர் மாதம் ஹூண்டாய் நிறுவனம் 14,023 கிரெட்டா கார்களை விற்பனை செய்திருந்தது.
இந்த எண்ணிக்கை நடப்பாண்டு அக்டோபரில் வெறும் 6,455 ஆக குறைந்துள்ளது. இது 53.9 சதவீத வீழ்ச்சியாகும். இந்த பட்டியலில் கியா சொனெட் ஏழாவது இடத்தை பிடித்துள்ளது. கடந்த 2020ம் ஆண்டு அக்டோபரில் 11,721 ஆக இருந்த கியா சொனெட் காரின் விற்பனை எண்ணிக்கை நடப்பாண்டு அக்டோபரில் 5,443 ஆக குறைந்துள்ளது. இது 53.5 சதவீத வீழ்ச்சியாகும்.
இந்த பட்டியலில் மஹிந்திரா எக்ஸ்யூவி300 எட்டாவது இடத்தை பிடித்துள்ளது. கடந்த 2020ம் ஆண்டு அக்டோபரில் 4,882 ஆக இருந்த எக்ஸ்யூவி300 காரின் விற்பனை நடப்பாண்டு அக்டோபரில் 4,203 ஆக குறைந்துள்ளது. இது 13.9 சதவீத வீழ்ச்சியாகும். மஹிந்திரா எக்ஸ்யூவி300 காரும் குளோபல் என்சிஏபி மோதல் சோதனைகளில் 5 ஸ்டார் பாதுகாப்பு ரேட்டிங்கை பெற்றுள்ளது.
ஆனால் இதன் விற்பனை இன்னும் பெரிய அளவில் உயரவில்லை. இந்த பட்டியலில் மஹிந்திரா எக்ஸ்யூவி700 ஒன்பதாவது இடத்தை பிடித்துள்ளது. மஹிந்திரா எக்ஸ்யூவி700 சமீபத்தில்தான் விற்பனைக்கு கொண்டு வரப்பட்டது. நடப்பாண்டு அக்டோபரில் மஹிந்திரா நிறுவனம் 3,407 எக்ஸ்யூவி700 கார்களை விற்பனை செய்துள்ளது.
இந்த காருக்கு ஏற்கனவே 65 ஆயிரத்திற்கும் மேற்பட்ட முன்பதிவுகள் குவிந்து விட்டன. எனவே வரும் மாதங்களில் மஹிந்திரா டெலிவரி செய்யும் எண்ணிக்கையை பொறுத்து, இதன் விற்பனை எண்ணிக்கை உயரலாம். இந்த பட்டியலில் பத்தாவது மற்றும் கடைசி இடத்தை நிஸான் மேக்னைட் பிடித்துள்ளது. நடப்பாண்டு அக்டோபரில் நிஸான் நிறுவனம் 3,389 மேக்னைட் கார்களை விற்பனை செய்துள்ளது.
நிஸான் மேக்னைட் கார் கடந்த 2020ம் ஆண்டு டிசம்பர் மாதம்தான் விற்பனைக்கு அறிமுகம் செய்யப்பட்டது. எனவே இதன் விற்பனை எண்ணிக்கையை நடப்பாண்டு அக்டோபர் மாதத்துடன் ஒப்பிட முடியாது. தற்போது பண்டிகை காலம் என்பதால், நடப்பு நவம்பர் மாதத்தில் கார்களின் விற்பனை மேலும் உயர்வதற்கான வாய்ப்புகள் உள்ளன. ஆனால் செமி கண்டக்டர் பற்றாக்குறை மிகப்பெரும் பிரச்னையாக உள்ளது.
-
என்னதான் பைக் காதலரா இருந்தாலும் இதெல்லாம் ஓவருங்க.. நடிகர் ஜான் ஆபிரகாம் வாங்கிய இந்த பைக்கின் விலை இவ்வளவா!!
-
ரிமோட் சாவியுடன் யமஹா ஸ்கூட்டர் அறிமுகம்.. வெறும் 3 ஆயிரம் ரூபாதான் அதிகமா!.. ஆக்டிவா பொழப்புல மண்ணை போடதான்!
-
ஒருத்தர், ரெண்டு பேர் இல்ல, ஒரு குடும்பத்தையே ஏற்றி செல்லலாம்!! ரூ.11.40 லட்சத்தில் கிடைக்கும் பொலேரோ கார்...