Just In
- 3 hrs ago இந்த கிளட்ச் இல்லாத கியர் பைக் ஏன் இப்பொழுது விற்பனையில் இல்லை தெரியுமா? இதுக்கு பின்னாடி இவ்வளவு நடந்துச்சா?
- 5 hrs ago இவரு நெனச்சா 10 ரோல்ஸ் ராய்ஸ் காரை ஒரே நேரத்துல இறக்க முடியும்! ஆட்டோவை ஓட்டிட்டு வந்தது அவ்ளோ பெரிய மனுசனா!!
- 10 hrs ago இந்தியால ஒரு ஃபோக்ஸ்வேகன் கார் இந்தளவிற்கு சேல்ஸ் ஆகுதா! மாருதிக்குலாம் இந்நேரம் குளிர் காச்சலே வந்திருக்கும்!
- 12 hrs ago ஒரு கிமீக்கு வெறும் ரூ3.3 தான் செலவு! 10 பேர் தாராளமா போகலாம்! டாடா மேஜிக் பை ஃப்யூயல் வந்தாச்சு!
Don't Miss!
- News 320 ஆக உயர்ந்த சர்க்கரை அளவு.. திகார் சிறையில் கெஜ்ரிவாலுக்கு முதல் முறையாக இன்சுலின் ஊசி
- Movies தக் லைஃப் பட ஷூட்டிங்.. சிம்புவை பார்த்து ஆடிப்போன மணிரத்னம்.. அப்படி என்ன நடந்தது?
- Lifestyle சித்ரா பெளர்ணமி.. திருவண்ணாமலையில் குவியும் பக்தர்கள்.. கிரிவலம் செல்ல நல்ல நேரம் எது?
- Technology இது தெரியாம போச்சே.. இன்டர்நெட் இல்லாமல் UPI கட்டணம் செலுத்தலாமா? Google Pay, PhonePe, Paytm மக்களே கவனியுங்க!
- Finance தங்கம் விலை இன்று 1450 ரூபாய் சரிவு.. இதுதான் திரில்லிங்கான நேரம்.. தங்கத்தை இப்போ வாங்கலாமா..?
- Sports IPL 2024 : ஐபிஎல் வரலாற்றிலேயே வேறு எந்த வீரரும் செய்யாத செஞ்சுரி சாதனை படைத்த ஜெய்ஸ்வால்
- Education மாணவர்களுக்கோர் ஓர் நற்செய்தி.. நான்கு ஆண்டு இளங்கலை பட்டப்படிப்பு படித்தவர்கள் பிஎச்.டி.யில் சேர
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
இதை யாரும் எதிர்பாக்கவே இல்ல... ஹூண்டாய் நிறுவனத்தை பாக்கவே பாவமா இருக்கு... என்ன ஆச்சு தெரியுமா?
ஹூண்டாய் நிறுவனம் இக்கட்டான நிலைமையில் சிக்கியுள்ளது. இதுகுறித்த விரிவான தகவல்களை இந்த செய்தியில் பார்க்கலாம்.
இந்திய சந்தையில் முன்னணி கார் நிறுவனங்களில் ஒன்றாக இருந்து வருவது ஹூண்டாய். மாருதி சுஸுகி நிறுவனத்திற்கு அடுத்தபடியாக இந்திய சந்தையில் அதிக கார்களை விற்பனை செய்யும் நிறுவனமாக ஹூண்டாய் திகழ்கிறது. ஆனால் சமீப காலமாக ஹூண்டாய் நிறுவனத்தின் 2வது இடத்திற்கு டாடா மோட்டார்ஸ் நிறுவனம் குடைச்சல் கொடுத்து வருகிறது.
இதற்கு இரண்டு மிக முக்கியமான காரணங்கள் இருக்கின்றன. ஒன்று உண்மையிலேயே டாடா மோட்டார்ஸ் நிறுவனத்தின் கார்களுக்கு இந்திய சந்தையில் நல்ல வரவேற்பு கிடைக்க தொடங்கியுள்ளது. இரண்டாவது, செமி கண்டக்டர் சிப் பற்றாக்குறையால் ஹூண்டாய் நிறுவனத்தின் உற்பத்தி கடுமையாக பாதிக்கப்பட்டுள்ளது.
உற்பத்தி குறைவு காரணமாக, விற்பனையும் குறைந்து, இந்தியாவில் அதிக கார்களை விற்பனை செய்யும் நிறுவனங்களின் பட்டியலில் 2வது இடத்திற்கு டாடா மோட்டார்ஸ் நிறுவனத்துடன் மல்லுக்கட்ட வேண்டிய சூழ்நிலைக்கு ஹூண்டாய் தள்ளப்பட்டுள்ளது. ஹூண்டாய் நிறுவனத்தின் உற்பத்தி குறைந்திருப்பதை தற்போது வெளியாகியுள்ள புள்ளி விபரங்கள் தெளிவாக எடுத்து காட்டுகின்றன.
ஹூண்டாய் நிறுவனம் நடப்பு காலாண்டர் ஆண்டின் முதல் காலாண்டில், அதாவது 2022ம் ஆண்டின் ஜனவரி - மார்ச் வரையிலான காலகட்டத்தில், இந்தியாவில் ஒட்டுமொத்தமாக 1.76 லட்சம் கார்களை மட்டுமே உற்பத்தி செய்துள்ளது. ஆனால் கடந்த 2021ம் ஆண்டின் இதே காலகட்டத்தில் ஹூண்டாய் நிறுவனம் இந்தியாவில் ஒட்டுமொத்தமாக 2.05 லட்சம் கார்களை உற்பத்தி செய்திருந்தது என்பது குறிப்பிடத்தக்கது.
இது உற்பத்தியில் ஏற்பட்டுள்ள 13 சதவீத சரிவாகும். ஆனால் இங்கே மற்றொரு விஷயத்தையும் கண்டிப்பாக குறிப்பிட வேண்டும். கடந்த 2021ம் ஆண்டு ஜனவரி - மார்ச் வரையிலான காலகட்டத்தில் ஹூண்டாய் நிறுவனம் இந்தியாவில் 15 மாடல்களை உற்பத்தி செய்து கொண்டிருந்தது. ஆனால் நடப்பாண்டு ஜனவரி - மார்ச் இடையிலான காலகட்டத்தில் ஹூண்டாய் நிறுவனம் 11 மாடல்களை மட்டுமே உற்பத்தி செய்தது.
நடப்பாண்டின் முதல் காலாண்டில் ஹூண்டாய் நிறுவனம் இந்தியாவில் அதிகம் உற்பத்தி செய்த கார்களின் பட்டியலில் க்ரெட்டா முதலிடத்தை பிடித்துள்ளது. இது மிட்-சைஸ் எஸ்யூவி ரக கார் ஆகும். ஹூண்டாய் நிறுவனம் நடப்பாண்டின் முதல் 3 மாதங்களில் 42,658 க்ரெட்டா எஸ்யூவி கார்களை இந்தியாவில் உற்பத்தி செய்துள்ளது.
இந்த பட்டியலில் இரண்டாவது இடத்தில் இருப்பது வெனியூ. இதுவும் எஸ்யூவி கார்தான். ஆனால் இது சப்-4 மீட்டர் காம்பேக்ட் எஸ்யூவி ரகத்தை சேர்ந்தது. இதனை 'பேபி க்ரெட்டா' என்று சொல்லலாம். நடப்பாண்டின் முதல் 3 மாதங்களில் ஹூண்டாய் நிறுவனம் இந்தியாவில் 39,201 வெனியூ கார்களை உற்பத்தி செய்திருக்கிறது.
இந்தியாவில் ஹூண்டாய் நிறுவனத்தின் ஒட்டுமொத்த உற்பத்தி வீழ்ச்சியடைந்திருந்தாலும் கூட, ஏற்றுமதி சற்றே உயர்ந்துள்ளது. ஆனால் இது சிறிய அளவிலான வளர்ச்சிதான். நடப்பாண்டின் முதல் காலாண்டில் இந்தியாவில் இருந்து ஹூண்டாய் நிறுவனம் ஏற்றுமதி செய்த கார்களின் எண்ணிக்கை 41,401 ஆகும். ஆனால் கடந்த 2021ம் ஆண்டின் முதல் காலாண்டில் ஹூண்டாய் நிறுவனம் 40,522 கார்களை மட்டுமே ஏற்றுமதி செய்திருந்தது.
இதன்படி பார்த்தால் ஹூண்டாய் நிறுவனம் 879 கார்களை அதிகமாக ஏற்றுமதி செய்துள்ளது. ஹூண்டாய் நிறுவனம் வரும் மாதங்களில் பல்வேறு கார்களை அப்டேட் செய்ய திட்டமிட்டுள்ளது. இதன்படி வெனியூ, க்ரெட்டா மற்றும் கோனா எலெக்ட்ரிக் எஸ்யூவி ஆகிய கார்களை ஃபேஸ்லிஃப்ட் மாடல்களை விற்பனைக்கு கொண்டு வரும் பணிகளில் ஹூண்டாய் நிறுவனம் ஈடுபட்டு வருகிறது.
சமீபத்தில்தான் ஹூண்டாய் நிறுவனம் க்ரெட்டா எஸ்யூவியின் நைட் எடிசன் என்ற புதிய வெர்ஷனை விற்பனைக்கு அறிமுகம் செய்தது. அதை தொடர்ந்து க்ரெட்டா எஸ்யூவியின் ஃபேஸ்லிஃப்ட் மாடலும் விற்பனைக்கு வரவுள்ளது. இதேபோல் வெனியூ மற்றும் கோனா எலெக்ட்ரிக் எஸ்யூவி ஆகிய கார்களும், ஃபேஸ்லிஃப்ட் அப்டேட்களை பெறவுள்ளன.
இதன் மூலம் அதிகரித்து கொண்டே வரும் போட்டியை சமாளித்து, விற்பனை எண்ணிக்கையை உயர்த்த முடியும் என ஹூண்டாய் நிறுவனம் நம்புகிறது. இந்தியாவின் சப்-4 மீட்டர் காம்பேக்ட் எஸ்யூவி, மிட்-சைஸ் எஸ்யூவி மற்றும் எலெக்ட்ரிக் எஸ்யூவி என அனைத்து செக்மெண்ட்களிலும் தற்போது போட்டி கடுமையாகி கொண்டே வருகிறது என்பது குறிப்பிடத்தக்கது.
-
பைக்க விட அதிக மைலேஜ் தரும் ஹூண்டாய் கார்.. பொய் சொல்லல.. ஸ்ட்ராங்கான ஆதாரத்தோடதான் சொல்றாங்க!
-
வெறும் 136 பேர் தான் இந்த காரை வாங்கியிருக்காங்க! நல்ல காரா இருந்தாலும் மக்கள் வெறுக்க காரணம் இது தான்!
-
பைக் கவரின் விலை ரூ.16 ஆயிரமா... எதில் தயாரித்து கொடுப்பார்கள் என்று தெரியலயே!! பைக்குடன் இதெல்லாம் கிடைக்கும்