Just In
- 7 min ago அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- 46 min ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- 1 hr ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- 1 hr ago ரோடு இல்லாத இடத்துக்கு கூட தைரியமா கொண்டு போகலாம்!! விலை மட்டும் கொஞ்சம் கம்மியா இருந்தால் எல்லாரும் வாங்கலாம்
Don't Miss!
- Lifestyle மாம்பழம் வாங்க போறீங்களா? இப்படி பார்த்து வாங்குங்க... அப்பதான் ஏமாறாம நல்ல டேஸ்ட்டான பழமா வாங்கலாம்...!
- Finance ஆக்சிஸ் வங்கி சிஇஓ-க்கு அடித்தது யோகம்.. அடுத்த 3 வருடத்திற்கு ராஜ வாழ்க்கை..!
- News ஒரே காரில் 4 ஆண்களுடன் இளம்பெண் பயணம்.. குமரி போலீஸ் கேட்ட கேள்வி.. கேரள இளைஞர்கள் கடும் வாக்குவாதம்
- Technology பொளக்குது விற்பனை.. பட்ஜெட்ல 3D டிஸ்பிளே.. 108MP கேமரா.. 100W சார்ஜிங்.. 4500mAh பேட்டரி.. எந்த மாடல்?
- Movies தங்கலான் திரைப்பட இசை..ஜிவி பிரகாஷ் என்ன சொல்றாரு பாருங்க.. சம்பவம் இருக்காம்
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
ஸ்கிராட்ச் விழுந்தாகூட தானா சரி ஆகிடும்... புதிய கார் கோட்டிங் அறிமுகம்!
ஸ்கிராட்சை தானாக சரி செய்யும் கார் கோட்டிங் அறிமுகம் செய்யப்பட்டிருக்கின்றது. இந்த சூப்பரான கார் கோட்டிங் (Car Coating) குறித்த மேலும் பல சுவாரஷ்ய தகவல்களை இந்த பதிவில் பார்க்கலாம், வாங்க.
வாகன உரிமையாளர்கள் மத்தியில் காணப்படும் மிக முக்கியமான கவலைகளில் ஒன்றே இந்த ஸ்கிராட்ச். இது எப்போ?.. எப்படி?.. வாகனங்களில் ஏற்படும்னு யாராலும் கணிக்கவே முடியாது. நம்ம காரு நல்ல இருக்க மாதிரி தெரியும், திடீருனு ஒரு நாள் சுத்தம் செய்யும்போது பாத்தா நமக்கே தெரியாம பெரிய கோடு விழுந்து கிடக்கும். அத பார்த்த அந்த நாள் அவ்ளோ தூக்கமே போய்ரும்.
இதுமட்டுமில்லைங்க, நம்ம ஊருல சும்மா போய்க் கொண்டிருக்கின்ற நேரத்துல, மரக்கிளை ஒன்னு வந்து விழுந்த காரணத்தாலகூட பெரியளவிலான ஸ்கிராட்ச் ஏற்பட்டிருக்கு. இந்த மாதிரியான ஸ்கிராட்ச்களை சரி செய்ய ஒர்க்ஷாப் சென்றால், அங்கிருக்கும் பணியாளர்களோ இதுதான் நேரம் என பில்லை போட்டு தீட்டி விடுவார்கள்.
இந்த மாதிரியான அவல நிலைக்கு முற்று புள்ளி வைக்கும் பொருட்டு ஓர் 'கார் கோட்டிங்' (Car Coating) கண்டுபிடிக்கப்பட்டுள்ளது. அது, கார் மீது விழும் ஸ்கிராட்ச்களை தானாக சரி செய்து கொள்ளுமாம். அதாவது, மனிதனின் உடலில் ஏற்படும் காயம் எப்படி சிறிது நாட்களில் தானாக சரியாகிவிடுமோ, அதுபோல், கீரல் (ஸ்கிராட்ச்) ஏற்பட்ட உடனே இந்த கார் கோட்டிங் அக்கீரலை தானாக அது சரி செய்துக் கொள்ளுமாம்.
ஆனால், மனிதனின் உடலைபோல் இது நீண்ட நாட்களை எடுத்துக் கொள்ளாது. ஒரு சில நிமிடங்களிலேயே அது கீரல்களை சரி செய்து கொள்ளும் என கூறப்படுகின்றது. தெளிவாகக் கூற வேண்டும் என்றால் வெறும் 30 நிமிடங்களிலேயே அது கீரல்களைச் சரி செய்துக்கொள்ளும் வல்லமை வாய்ந்ததாக உருவாக்கப்பட்டுள்ளது. இதற்கு சூரிய ஒளி ஒன்று மட்டும் இருந்தால் போதும். சூரிய ஒளியின் வாயிலாக கிடைக்கும் வெப்பத்தின் மூலமாகவே கீரல்களை சரி செய்யும் பணியை அந்த கார் கோட்டிங் செய்கின்றது.
கொரியாவைச் சேர்ந்த ஓர் ஆராய்ச்சி நிறுவனமே இந்த சூப்பரான கார் கோட்டிங்கை கண்டுபிடித்திருக்கின்றது. கண்ணாடி போன்ற ஓர் கோட்டிங்கையே அது கண்டுபிடித்துள்ளது. தற்போது பயன்பாட்டில் இருக்கும் பெரும்பாலான கோட்டிங்குகள் வாகனத்தை புதிதுபோல் பாதுகாக்கும் வகையில் மட்டுமே செயல்படுகின்றன. குறிப்பாக, சூரிய ஒளியால் ஏற்படும் புதுப்பொலிவு இழத்தல், நிறம் மங்குதல், ஸ்கிராட்ச் ஏற்பட்டாலும் அதை பெயிண்ட் வரை செல்ல விடாமல் தடுத்தல் போன்றவற்றிற்காக கார் கோட்டிங் செய்யப்படுகின்றது.
இந்த மாதிரியான சூழலிலேயே முதல் முறையாக ஸ்கிராட்ச் ஏற்பட்டாலும் அவற்றை தானாக சரி செய்யும் கோட்டிங் உருவாக்கப்பட்டிருக்கின்றது. வெகு விரைவில் இந்த கோட்டிங் பொது பயன்பாட்டிற்கு வரும் என எதிர்பார்க்கப்படுகின்றது. 1,000 முதல் 1,100 என்எம் வரையிலான அளவுள்ள ஸ்கிராட்ச்களைக் கூட இது சரி செய்து கொள்ளும் என்பது குறிப்பிடத்தகுந்தது.
ஆராய்ச்சி நிறுவனம் இதுகுறித்து ஆய்வு மேற்கொள்வதற்காக ஓர் கார் மாடலை தேர்வு செய்து, அந்த கார் மாடலில் புதிய செல்ஃப் ஹீலிங் திறன் கொண்ட கார் கோட்டிங்கை பூசியது. இதைத்தொடர்ந்து, ஆங்காங்கே ஸ்கிராட்ச்களை ஏற்படுத்தி அது ஆய்வு மேற்கொண்டது. இந்த ஆய்வின்போது மிக சிறப்பாக அக்கார் கோட்டிங் செயல்பட்டதாக ஆராய்ச்சியாளர்கள் தெரிவித்துள்ளனர்.
குறிப்பாக, சூரிய ஒளியைப் பயன்படுத்தி வெறும் 30 நிமிடங்களிலேயே அது கீரல்களை சரி செய்திருக்கின்றது. கார் கோட்டிங்கில் சூரிய ஒளி படும்போது மீண்டும் இணையக் கூடிய பாலிமர் கட்டமைப்பு பயன்படுத்தப்பட்டுள்ளது. இந்த செயலை அது ஒவ்வொரு முறையும் வெயில்படும்போது செய்யும். ஆகையால், சிறு கீரல் ஏற்பட்டால்கூட அது உடனடியாக சரியாகிவிடும்.
இந்த சூப்பரான கண்டுபிடிப்பை வாகனங்களுக்கு மட்டுமல்லாமல் வீடுகள், செல்போன்கள், கணினி உள்ளிட்டவற்றிலும் பயன்படுத்துகின்ற வகையிலான ஆராய்ச்சிகள் மேற்கொள்ளப்பட்டு வருகின்றன. ஆனால், முதலில் வாகனங்களுக்கான கோட்டிங்கே பயன்பாட்டிற்கு வரும் என எதிர்பார்க்கப்படுகின்றது.
குறிப்பு: படங்கள் அனைத்தும் உதாரணத்திற்கு வழங்கப்பட்டவை.
-
இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
-
உலக அரங்கில் இந்திய தயாரிப்புகளுக்கு ஓர் தலைக்குனிவு!! மேட்-இன்-இந்தியா ஹோண்டா கார் மொத்தமா சொதப்பிடுச்சு!
-
ராயல் என்பீல்டு, ஹோண்டா பைக்கை ஓட்டி ஓட்டி போரடிச்சு போச்சா.. இந்தியாவில் கால் தடம் பதிக்கிறது புதிய பிராண்டு!