இந்தியாவில் எலக்ட்ரிக் கார்கள் விற்பனை... டாடா உடன் போட்டிக்கு யாருமே இல்ல!! மஹிந்திரா டஃப் கொடுக்குமா?

Updated: Wednesday, September 14, 2022, 18:42 [IST]

கடந்த 2022 ஆகஸ்ட் மாதத்தில் இந்தியாவில் அதிகளவில் எலக்ட்ரிக் கார்களை விற்பனை செய்த கார் பிராண்ட்களை அட்டவணையுடன் இனி இந்த செய்தியில் பார்ப்போம்.

இந்தியாவில் எலக்ட்ரிக் கார்கள் விற்பனை... டாடா உடன் போட்டிக்கு யாருமே இல்ல!! மஹிந்திரா டஃப் கொடுக்குமா?

இந்தியா, உலகின் மிக பெரும் ஆட்டோமொபைல் சந்தை என்பதில் எந்த மாற்று கருத்தும் இல்லை. இதனால் எதிர்காலத்திலும் எலக்ட்ரிக் கார்களுக்கு நம் நாடு பெரிய மார்க்கெட்டாக விளங்கும் என்பதில் எந்த சந்தேகமும் வேண்டாம்.

இதனாலேயே மஹிந்திரா போன்ற முன்னணி கார் தயாரிப்பு நிறுவனங்கள் வரும் ஆண்டுகளில் அதிக எண்ணிக்கையிலான எலக்ட்ரிக் கார்களை அறிமுகம் செய்ய திட்டமிட்டுள்ளன. சரி, தற்போதைக்கு இந்தியாவில் எலக்ட்ரிக் கார்கள் விற்பனை எந்த அளவிற்கு உள்ளது என்று பார்த்தால், கடந்த 2022 ஆகஸ்ட் மாத விற்பனையில் வழக்கம்போல் டாடா மோட்டார்ஸின் கையே ஓங்கியுள்ளது.

கடந்த மாதத்தில் மொத்தமாக 3,237 எலக்ட்ரிக் கார்கள் இந்தியாவில் விற்பனை செய்யப்பட்டுள்ளன. அதுவே கடந்த 2021ஆம் ஆண்டு ஆகஸ்ட் மாதத்தில் ஆயிரத்திற்கும் ஒரு யூனிட் குறைவாக 999 எலக்ட்ரிக் கார்களே விற்பனை செய்யப்பட்டு இருந்தன. இந்த வகையில் பார்க்கும்போது கடந்த 1 வருடத்தில் எலக்ட்ரிக் கார்கள் விற்பனை ஆனது இந்தியாவில் 224.02% அதிகரித்துள்ளது.

Rank	Electric Car	Aug-22	Aug-21	Growth (%) YoY
1	Tata Nexon / Tigor EV	2,747	575	377.74
2	MG ZS EV	311	377	-17.51
3	Hyundai Kona EV	69	12	475.00
4	BYD e6	44	0	-
5	BMW iX / i4	25	0	-
6	Mahindra eVerito	17	16	6.25
7	Auto etron	13	10	30.00
8	Porsche Taycan	7	0	-
9	Mercedes-Benz EQC	4	2	100.00
10	Others	0	7	-100.00

Rank	Electric Car	Aug-22	Jul-22	Growth (%) MoM
1	Tata Nexon / Tigor EV	2,747	2,878	-4.55
2	MG ZS EV	311	263	18.25
3	Hyundai Kona EV	69	58	18.97
4	BYD e6	44	44	0.00
5	BMW iX / i4	25	5	400.00
6	Mahindra eVerito	17	26	-34.62
7	Auto etron	13	7	85.71
8	Porsche Taycan	7	7	0.00
9	Mercedes-Benz EQC	4	2	100.00
10	Others	0	5	-100.00

கடந்த 2022 ஜூலை மாதத்துடன் ஒப்பிடும்போதும், கடந்த ஆகஸ்ட்டில் 148 எலக்ட்ரிக் கார்கள் அதிகமாக விற்பனை செய்யப்பட்டுள்ளன. தற்போதைக்கு இந்தியாவின் நம்பர்.01 எலக்ட்ரிக் கார்கள் பிராண்டாக விளங்கும் டாடா மோட்டார்ஸ் கடந்த மாதத்தில் மொத்தமாக 2,747 எலக்ட்ரிக் கார்களை இந்தியாவில் விற்பனை செய்துள்ளது.

2021 ஆகஸ்ட்டில் விற்பனை செய்யப்பட்ட 575 டாடா எலக்ட்ரிக் கார்களுடன் ஒப்பிடுகையில் கடந்த மாத விற்பனை எண்ணிக்கை கிட்டத்தட்ட 377.74% அதிகம் என்றாலும், 2022 ஜூலையில் இதனை காட்டிலும் 131 யூனிட்கள் அதிகமாக மொத்தம் 2,878 டாடா எலக்ட்ரிக் கார்கள் விற்பனை செய்யப்பட்டு இருந்தன.

தற்சமயம் இந்தியாவில் விற்பனை செய்யப்படும் மொத்த எலக்ட்ரிக் கார்களில் டாடா மோட்டார்ஸின் பங்கு தான் மிக அதிகமாகும். எந்த அளவிற்கு என்றால், கடந்த ஆகஸ்ட் மாதத்தில் விற்பனை செய்யப்பட்ட மொத்த எலக்ட்ரிக் கார்களில் சுமார் 84.86% டாடா எலக்ட்ரிக் கார்களாகும். டாடா பிராண்டில் இருந்து தற்போதைக்கு நெக்ஸான் இவி & டிகோர் இவி என இரு எலக்ட்ரிக் கார்கள் விற்பனை செய்யப்படுகின்றன.

டாடா மோட்டார்ஸுக்கு அடுத்து மிக பெரும் இடைவெளியுடன் எம்ஜி மோட்டார் 2வது இடத்தில் உள்ளது. எம்ஜி பிராண்டில் இருந்து விற்பனை செய்யப்படும் ஒரேயொரு எலக்ட்ரிக் காரான இசட்.எஸ் இவி கடந்த மாதத்தில் 311 யூனிட்கள் விற்பனை செய்யப்பட்டுள்ளது. கடந்த ஒரு வருடமாகவே எம்ஜி எலக்ட்ரிக் கார்களின் விற்பனை ஆனது இந்த அளவில் தான் உள்ளது.ஹூண்டாய் மோட்டார்ஸின் கோனா இவி 69 யூனிட்களின் விற்பனை உடன் 3வது இடத்தை பிடித்துள்ளது.