இந்த காருல போறதுக்கு எல்லாம் கொடுத்து வச்சுருக்கணும்... சூப்பரான காரில் ரசிகையை ரவுண்டு அழைத்து சென்ற நடிகர்!

பாலிவுட் திரையுலகின் பிரபலமான நடிகர்களில் வித்யுத் ஜம்வால்-ம் ஒருவர். கமேண்டோ சீரிஸில் நடித்ததன் வாயிலாகவே பாலிவுட்டின் ஸ்டார் ஆக்டர்களில் ஒருவராக அவர் மாறினார். இவர் தமிழ் திரையுலகிலும் சில படங்களில் நடித்திருக்கின்றார் என்பது குறிப்பிடத்தகுந்தது. அஜித்தின் பில்லா 2, விஜயின் துப்பாக்கி ஆகிய படங்களில் அவர் நடித்திருக்கின்றார்.

இதுதவிர நடிகர் சூர்யாவுக்கு நெருங்கிய நண்பனாக அஞ்ஜான் திரைபடத்திலும் அவர் நடித்துள்ளார். இதேபோல், தெலுங்கு திரையுலகிலும் அவர் சில படங்களில் அவர் நடித்திருக்கின்றார். எனவே, தமிழ், இந்தி, தெலுங்கு என பல மொழி மக்கள் இவருக்கு ரசிகர்களாக உள்ளனர்.

இந்த நிலையிலேயே தன்னுடைய ரசிகர்களை ஆரவாரப்படுத்தும் வகையில் தன்னுடைய ரசிகை ஒருவரை விலையுயர்ந்த காரில் அழைத்து சென்று உற்சாகப்படுத்தியிருக்கின்றார். இதுகுறித்த வீடியோ தற்போது இணையத்தில் மிக வேகமாக வைரலாகிக் கொண்டிருக்கின்றது. நடிகர் தனது ரசிகையை அழைத்துச் செல்ல பயன்படுத்தியது அஸ்டன் மார்ட்டின் டிபி9 கார் ஆகும்.

இந்தியாவின் மிக மிக விலையுயர்ந்த கார் மாடல்களில் இதுவும் ஒன்றாகும். ரூ. 3.5 கோடிக்கும் அதிகமான விலையில் இந்த அல்ட்ரா லக்சூரி கார் விற்கப்படுகின்றது. இத்தகைய விலையுயர்ந்த காரிலேயே வித்யுத் ஜம்வால் அவரது ரசிகரை ஒரு ரவுண்டு அழைத்துச் சென்றார். அந்த பெண் மகிழ்ச்சியுடன் அவருடன் செல்வதை நம்மால் காண முடிகின்றது. வித்யுத் ஜம்வால் தற்போது குதா ஹாபிஸ் பாகம் இரண்டுக்கான புரமோஷனை பணிகளை மேற்கொண்டு வருகின்றார். அவ்வாறு, இந்த பணிக்காக வந்த இடத்திலேயே இத்தகைய செயலை அவர் செய்திருக்கின்றார்.

அஸ்டன் மார்ட்டின் ஓர் கிராண்ட் டூரர் ரக காராகும். இந்த காரில் அதிக திறனை வெளிப்படுத்தக் கூடிய 6.0 லிட்டர் வி12 எஞ்ஜின் பயன்படுத்தப்பட்டுள்ளது. இந்த மோட்டார் அதிகபட்சமாக 510 பிஎச்பி மற்றும் 600 என்எம் டார்க்கை வெளியேற்றும். தானியங்கி டிரான்ஸ்மிஷனே இந்த மோட்டாரில் இணைக்கப்பட்டுள்ளது.

காரின் டாப் ஸ்பீடு மணிக்கு 295 கிமீ ஆகும். இது, மணிக்கு 100 கிமீ எனும் வேகத்தை வெறும் 4.6 செகண்டுகளிலேயே தொட்டுவிடும் திறனையும் கொண்டிருக்கின்றது. அஸ்டன் மார்ட்டின் டிபி9 கார் சார்ந்து இன்னும் பல்வேறு சுவாரஷ்ய தகவல்கள் உள்ளன. அவற்றில் ஒன்று, இந்த கார் புகழ்பெற்ற ஜேம்ஸ் பாண்ட் திரைப்படங்களில் இடம் பெற்றது என்பதாகும்.

இத்தகைய சூப்பரான வரலாற்றைக் கொண்ட அல்ட்ரா லக்சூரி காரையே நடிகர் வித்யுத் இந்தியாவில் பயன்படுத்தி வருகின்றார். இதுமட்டுமின்றி அண்மையில் டிரையம்ப் நிறுவனத்தின் ராக்கெட் 3ஆர் பைக்கை வாங்கி அவரது ரசிகர்கள் அனைவரையும் ஆச்சரியத்தில் உறைய வைத்தார்.

இது ஓர் க்ரூஸர் ரக மோட்டார்சைக்கிள் ஆகும். இந்த பைக்கில் 2.5 லிட்டர் இன்-லைன் 3 சிலிண்டர் எஞ்ஜின் பயன்படுத்தப்பட்டுள்ளது. இது லிக்யூடு கூல்டு அம்சம் கொண்ட மோட்டாராகும். 167 பிஎஸ் மற்றும் 221 என்எம் டார்க்கை இது வெளியேற்றும். இந்த திறன் சிறிய எஞ்ஜின் கொண்ட கார்களுக்கு இணையானது என்பது குறிப்பிடத்தகுந்தது.

இந்த மோட்டார்சைக்கிளின் விலை ரூ. 19 லட்சத்திற்கும் அதிகமாக உள்ளது. நடிகர் வித்யுத் ஜம்வால் இதுபோன்று இன்னும் சில விலையுயர்ந்த பைக்குகளை பயன்படுத்தி வருகின்றார். அந்தவகையில், டுகாட்டி டியாவல் 1260 பைக்கையும் அவர் வைத்திருக்கின்றார். இந்த மோட்டார்சைக்கிளின் விலை ரூ. 19.45 லட்சம் ஆகும். இது ஆரம்ப நிலை தேர்வின் எக்ஸ்-ஷோரூம் விலை மட்டுமே என்பது குறிப்பிடத்தகுந்தது.

மேலே பார்த்த இரு பைக்குகளிலேயே மிக மிக அதிக சிறப்பம்சங்களைக் கொண்ட டூ-வீலராக டிரையம்ப் ராக்கெட் 3ஆர் இருக்கின்றது. இந்த பைக்கில் ஐஎம்யூ அடிப்படையிலான கார்னரிங் டிராக்சன் கன்ட்ரோல், ஏபிஎஸ், ரைடு-பை-ஒயர், ஹில் ஹோல்டு அசிஸ்ட், க்ரூஸ் கன்ட்ரோ, சாவியில்லாமல் ஆன் செய்யும் வசதி, வண்ண டிஎஃப்டி திரை, இன்டெக்ரேடட் கோ-ப்ரோ கன்ட்ரோல்கள் மற்றும் பன்முக ரைடிங் மோட்கள் உள்ளிட்ட அம்சங்கள் வழங்கப்பட்டுள்ளன.