புதுசா கார் வாங்கப்போறீங்களா? மார்கெட்ல எந்த கார் நல்லா சேல்ஸ் ஆகுது தெரியுமா? டாப் 30 லிஸ்ட் இதோ!

Updated: Wednesday, July 26, 2023, 13:37 [IST]

2023 ம் ஆண்டின் முதல் பாதிக்கான அதிகம் விற்பனையான டாப் 30 கார்களின் பட்டியல் வெளியாகியுள்ளது. எந்தெந்த கார்கள் எந்தெந்த இடத்தை பிடித்துள்ளன. எவ்வளவு கார்கள் இதுவரை விற்பனையாகியுள்ளது. கடந்தாண்டு விற்பனையை ஒப்பிடும் போது விற்பனை அதிகரித்துள்ளதா குறைந்துள்ளதா? விரிவாகக் காணலாம் வாருங்கள்.

2023ம் ஆண்டு ஜனவரி மாதம் முதல் ஜூன் மாத இறுதி வரை விற்பனையான கார்களின் பட்டியல் வெளியாகியுள்ளது.இதில் அதிகம் விற்பனையான கார் முதல் என்ற வரிசையில் டாப் 30 கார்களின் பட்டியல் வெளியாகியுள்ளது. இதன்படி முதல் அரையாண்டில் இந்தாண்டு விற்பனை 16,59,409 ஆக இருக்கிறது. இதுவே கடந்தாண்டு இதே கால கட்டத்தில் 14,25,337 கார்கள் விற்பனையாகியுள்ளது. ஒரே ஆண்டில் 2,34,072 கார்கள் அதிகமாக விற்பனையாகியுள்ளது. இது 16.42 சதவீத வளர்ச்சியாகும்.

இதில் டாப் 10 இடங்களை எடுத்துக்கொண்டால் அதில் 7 இடங்களில் மாருதி நிறுவனத்தின் கார் தான் இருக்கிறது. 2 டாடா நிறுவனத்தின் கார்களும், 1 ஹூண்டாய் நிறுவனத்தின் காரும் இருக்கிறது. ஒட்டு மொத்த பட்டியலில் ஹேட்ச் பேக், எஸ்யூவி/கிராஸ் ஓவர் கார் தான் அதிகம் இடம் பெற்றுள்ளன. செடான் ரக கார் 2 தான் இருக்கிறது.மாருதி டிசையர் மற்றும் ஹூண்டாய் ஆரா, இனி டாப் 30 பட்டியலை விரிவாகக் காணலாம்.

மாருதி வேகன்ஆர்: இந்த கார் முதல் அரையாண்டில் மொத்தம் 1,09,278 வாகனங்கள் விற்பனையாகியுள்ளது. இதுவே கடந்தாண்டு இதே காலகட்டத்தில் மொத்தம் 1,13,407 கார்கள் விற்பனையாகியிருந்தது. ஒரே ஆண்டில் இந்த காரின் விற்பனை 3.64சதவீதம் சரிவைச் சந்தித்துள்ளது. இருந்தாலும் இந்த கார் பட்டியலில் முதலிடத்தை பிடித்துள்ளது.

மாருதி ஸ்விஃப்ட் : இந்த கார் இரண்டாவதாக அதிகம் விற்பனையான காராகும். இந்த கார் 1,04,465 கார்கள் விற்பனையாகியுள்ளது. இதுவே கடந்தாண்டு இதே காலகட்டத்தில் 91,177 கார்கள் விற்பனையாகியிருந்தது. தற்போது 13,288 கார்கள் அதிகமாக விற்பனையாகி 14.57 சதவீத வளர்ச்சியைப் பெற்றுள்ளது.

மாருதி பலேனோ: மூன்றாவது இடத்தில் பலேனோ கார் இருக்கிறது. இது மொத்தம் 1,00,107 கார்கள் விற்பனையாகியுள்ளது. கடந்தாண்டு இதே காலகட்டத்தில் இந்த கார் 72,892 கார்கள் தான் விற்பனையாகியிருந்தது. தற்போது அதை விட 37.34 சதவீதம் கூடுதலாக விற்பனையாகியுள்ளது. இந்த கார் மக்களுக்கு பிடித்த கார்களில் ஒன்றாக இருக்கிறது.

4வது இடத்தில் டாடா நெக்ஸான் கார் 87,501 கார்களை விற்பனை செய்து இடம் பிடித்துள்ளது. 5வது இடத்தில் ஹூண்டாய் கிரெட்டா மொத்தம் 82,566 கார்களை விற்பனை செய்து இடம் பிடித்துள்ளது. 6வது இடத்தில் மாருதி பிரெஸ்ஸா கார் 82,185 கார்களை விற்பனை செய்து இடம் பிடித்துள்ளது.

7வது இடத்தில் மாருதி ஆல்டோ கார் 80,903 கார்களை விற்பனை செய்து இடம் பிடித்துள்ளது. 8வது இடத்தில் டிசையர் செடான் கார் 80,903 கார்களை விற்பனை செய்து இடம் பிடித்துள்ளது. 9வது இடத்தில் ஈக்கோ கார் 67,732 கார்களை விற்பனை செய்து இடம் பிடித்துள்ளது. 10வது இடத்தில் டாடாவின் பஞ்ச் கார் மொத்தம் 67,732 கார்களை விற்பனை செய்து இடம் பிடித்துள்ளது.

Rank	Cars	H1 2023	H1 2022	Growth (%) YoY
1	Maruti Wagonr	1,09,278	1,13,407	-3.64
2	Maruti Swift	1,04,465	91,177	14.57
3	Maruti Baleno	1,00,107	72,892	37.34
4	Tata Nexon	87,501	82,770	5.72
5	Hyundai Creta	82,566	67,421	22.46
6	Maruti Brezza	82,185	57,751	42.31
7	Maruti Alto	80,903	68,680	17.80
8	Maruti Dzire	72,278	85,929	-15.89
9	Maruti Eeco	67,732	60,705	11.58
10	Tata Punch	67,117	60,932	10.15
11	Hyundai Venue	62,920	57,822	8.82
12	Maruti Grand Vitara	54,995	-	-
13	Mahindra Bolero	53,812	45,994	17.00
14	Kia Sonet	53,491	40,687	31.47
15	Mahindra Scorpio / N	52,036	22,888	127.35
16	Maruti Ertiga	49,732	68,922	-27.84
17	Tata Tiago	48,574	28,619	69.73
18	Hyundai Grand i10 NIOS	47,244	52,333	-9.72
19	Hyundai i20	42,796	34,119	25.43
20	Kia Carens	40,771	30,953	31.27
21	Kia Seltos	39,892	48,320	-17.44
22	Toyota Innova	34,647	30,551	13.41
23	Tata Altroz	30,820	28,808	6.98
24	Mahindra XUV700	30,792	29,882	3.05
25	Mahindra XUV300	29,300	26,886	8.98
26	Hyundai Aura	28,631	22,224	28.83
27	Mahindra Thar	27,919	23,612	18.24
28	Maruti Fronx	26,638	-	-
29	Maruti Ignis	26,240	24,289	8.03
30	Maruti Celerio	24,027	46,764	-48.62

11வது இடம் முதல் 20 இடம் வரை முறையே வென்யூ, கிராண்ட் விட்டாரா, பொலேரோ, சோனட், ஸ்கார்பியோ, எர்டிகா, டியாகோ, ஐ10 நியோஸ், ஐ20, கேரன்ஸ் ஆகி கார்கள் இடம் பிடித்துள்ளது. இதில் எர்டிகா, ஐ10 நியோஸ் ஆகிய கார்கள் மட்டுமே விற்பனையில் வீழ்ச்சியைச் சந்தித்துள்ளது. மற்ற கார்கள் எல்லாம் சிறப்பான வளர்ச்சியையே பெற்றுள்ளது.

21ம் இடம் முதல் 30ம் இடம் வரை முறையே செல்டோஸ், இன்னோவா, ஆலட்ராஸ், எக்ஸ்யூவி 700, எக்ஸ்யூவி 300, ஆரா, தார், ஃப்ராங்க்ஸ், இக்னீஷ், செலிரியோ ஆகிய கார்கள் தான் இடம் பிடித்துள்ளது. இதில் செல்டோஸ் மற்றும் செலிரியோ ஆகிய கார்கள்தான் விற்பனையைச் சரிவைச் சந்தித்துள்ளது. மற்ற கார்கள் சிறப்பான விற்பனையைப் பெற்றுள்ளது.

டிரைவ்ஸ்பார்க் கருத்து: இந்தியாவின் முதல் அரையாண்டு கார்கள் விற்பனையில் 16.42 சதவீத வளர்ச்சி அடைந்துள்ளது இந்தியாவின் வளர்ச்சியைக் காட்டுகிறது. ஒவ்வொரு ஆண்டும் இந்த வளர்ச்சி இந்திய மக்கள் பொருளாதார ரீதியாக வளர்ந்து வருவதைக் காட்டுகிறது. இந்தியாவில் தனி நபர்களுக்கான வருவாய் வெகுவாக அதிகரித்துள்ளது. இதன் மூலம் தெரிகிறது.