இன்னோவா எல்லாம் ஓரம்போ! இனி இந்த காரை தான் ஊரே வாங்கப்போகுது! விலை இவ்வளவு கம்மியா?

இந்தியாவில் 2025 ஜீப் மெரிடியன் அறிமுகப்படுத்தப்பட்டுள்ளது, அதன் தொடக்க விலை ₹24.99 லட்சம். இது நான்கு வேரியன்ட்களில் கிடைக்கிறது: லாங்ஜிட்டியூட், லாங்ஜிட்டூட் பிளஸ், லிமிடெட் (ஓ), மற்றும் ஓவர்லேண்ட் ஆகிய வேரியன்ட்களில் கிடைக்கிறது. வாடிக்கையாளர்கள் ஐந்து அல்லது ஏழு இருக்கை அமைப்புகளைத் தேர்வு செய்யலாம். ₹50,000 க்கு முன்பதிவு தொடங்கியுள்ளது, மேலும் டெலிவரிகள் அக்டோபர் 2024 இறுதியில் தொடங்கும் என எதிர்பார்க்கப்படுகிறது. இது குறித்த விரிவான விபரங்களை காணலாம் வாருங்கள்.

அப்டேட் செய்யப்பட்ட ஜீப் மெரிடியன் கார் புதிய ஃபேஸ்லிஃப்ட் உடன் புதுப்பிக்கப்பட்ட தோற்றத்தை கொண்டுள்ளது. இது எல்இடி ஹெட்லைட்களின் கீழ் கருப்பு பகுதிகள் மற்றும் முன் பகுதியின் கீழ் ஒரு குரோம் பட்டையை கொண்டுள்ளது. தனித்துவமான ஏழு-ஸ்லாட்ட கிரில் மாறாமல் உள்ளது. பின்புறத்தில், சாடின் குரோம் அம்சங்கள் எல்இடி டெயில்லைட்களை மேம்படுத்துகின்றன, இது ஒரு பம்பரால் நிரப்பப்பட்டுள்ளது.

பக்கவாட்டு பகுதியை பொறுத்தவரை டிராபீசாய்டல் வீல் ஆர்ச் வழங்கப்பட்டுள்ளது. அது இந்த காருக்கு ஒரு வலுவான தோற்றத்திற்கு பங்களிக்கிறது. இந்த வடிவமைப்பு கூறுகள் வாகனத்தின் நவீன மற்றும் பாரம்பரிய ஜீப் அழகியலுக்கு பங்களிக்கின்றன. ஒட்டு மொத்தத்தில் வெளிப்பபுற மாற்றங்கள் மக்கள் விரும்பும்படி மாற்றப்பட்டுள்ளது.

உள்ளே, 2025 மெரிடியன் புதிய தாவரவகை லெதர் அப்ஹோல்ஸ்டரியை பொருத்தியுள்ளது மற்றும் தாமிர தையலுடன் வழங்குகிறது. பிரீமியம் மென்மையான டச் கொண்ட லெதரை கொண்டு இருக்கைகள், டேஷ்போர்டு மற்றும் ஆர்ம்ரெஸ்ட்கள் பொருத்தப்பட்டுள்ளன. கேபினில் ஒரு 10.25-இன்ச் டிஜிட்டல் இன்ஸ்ட்ரூமென்ட் கிளஸ்டர் மற்றும் 10.1-இன்ச் எச்டி டச் ஸ்கிரீன் இன்ஃபோடெயின்மென்ட் சிஸ்டம் உள்ளிட்ட மேம்பட்ட தொழில்நுட்பம் பொருத்தப்பட்டுள்ளது.

வயர்லெஸ் ஸ்மார்ட்போன் சார்ஜிங், மில்டி யூஎஸ்பி போர்ட்கள், இரட்டை ஸோன் கிளைமேட் கண்ட்ரோல், எலெக்ட்ரிக்கலி அட்ஜெஸ்ட் செய்யக்கூடிய முன் இருக்கைகள் மற்றும் ஒரு பனோரமிக் சன்ரூஃப் ஆகியவை இந்த தொகுப்பில் அடங்கும். இந்த அம்சங்கள் அனைத்து பயணிகளுக்கும் வசதி மற்றும் பல தேவைகள் அனைத்தும் கிடைப்பதை உறுதி செய்கின்றன.

ஜீப் ஜிஎஸ்டிபி 2.0 புரோட்டோகோலைப் பயன்படுத்தி யூகனெக்ட் சர்வீஸ்களுடன் இணைப்பை மேம்படுத்தியுள்ளது. முக்கிய அம்சங்களில் தானியங்கி எஸ்ஓஎஸ் அழைப்புகள், ஏசி ப்ரீ கண்டிஷனிங் உடன் தொலைவிலிருந்து இன்ஜின் ஆன் / ஆஃப் சிஸ்டம், அலெக்ஸா ஹோம்-வாகன இன்டகரேஷன், ஸ்மார்ட்வாட்ச் எக்ஸ்டென்ஷன், எச்சரிக்கைகளுடன் வாகன ஹெல்த் அறிக்கைகள், நேரடி போக்குவரத்து அப்டேட்கள், வானிலை தகவல், ஈவென்ட் அப்டேட் மற்றும் ஓடிஏ பர்ம்வேர் அப்டேட்கள் ஆகியவை உள்ளன.

ஓவர்லேண்ட் டிரிம் இந்திய சாலைகளுக்கு ஏற்றவாறு வடிவமைக்கப்பட்ட அடாஸ் திறன்களை உள்ளடக்கியது. இந்த அமைப்பு ரேடார் மற்றும் கேமராவைப் பயன்படுத்தி ஸ்டாப்-மற்றும்-கோ செயல்பாட்டுடன் கூடிய அடாப்டிவ் க்ரூஸ் கன்ட்ரோல், இன்டலிஜென்ட் ஸ்பீடு அசிஸ்ட், முன் மோதல் எச்சரிக்கை, லேன் டிஃபார்ச்சர் அலர்ட் மற்றும் உதவி, போக்குவரத்து அடையாள அங்கீகாரம், சுற்றியுள்ள காட்சி கண்காணிப்பு, ஸ்மார்ட் பீம் உதவி, பிளைன்ட் ஸ்பாட் கண்டறிதல் மற்றும் டிரைவர்களுக்கான கவன எச்சரிக்கைகள் ஆகியவற்றை வழங்குகிறது.

இந்த காரின் இன்ஜினை பொருத்தவரை 168 பிஎச்பி பவரை 3,750 rpm-மிலும் மற்றும் 350 Nm டார்க் திறனை 1,750-2,500 rpm-மிலும் உருவாக்கும் 2.0 லிட்டர் டர்போசார்ஜ் செய்யப்பட்ட டீசல் இன்ஜின் பொருத்தப்பட்டுள்ளது. ஜீப் இந்த எஸ்யூவி அதன் வகுப்பில் சிறந்த மைலேஜ் திறன் கொண்டது என்று கூறுகிறது. இந்த கார் ஒரு லிட்டர் டீசலுக்கு 16.25 kmpl மைலேஜை வழங்குகிறது. .

பவர் மற்றும் பெர்ஃபார்மென்ஸ் இந்த இரண்டின் கலவையும் நகர்ப்புற ரைடிங் மற்றும் நீண்ட பயணங்கள் இரண்டிற்கும் ஏற்றது. ஒட்டுமொத்தமாக, 2025 ஜீப் மெரிடியன் இந்தியாவில் மேம்படுத்தப்பட்ட டிரைவிங் அனுபவத்திற்காக மேம்பட்ட தொழில்நுட்பத்தை வழங்குகிறது. அதே நேரத்தில் டிரெண்ட் மற்றும் செயல்பாட்டையும் இணைக்கிறது.

டிரைவ்ஸ்பார்க் கருத்து: ஜீப் நிறுவனம் இந்த காரை அப்டேட் செய்துள்ளது மூலம் புதிதாக ஒரு பெரிய சொகுசு காரை வாங்கும் வாடிக்கையாளர்களின் கவனத்தை திருப்பியுள்ளது. இன்னோவா காரின் வாடிக்கையாளர்களை தன் பக்கம் ஈரக்க இந்த காரை அதற்கு போட்டியான விலையில் களம் இறக்கியுள்ளது. இதன் விற்பனை நிச்சயம் அதிகமாகும் என எதிர்பார்க்கலாம்.