ஓட்டி பார்த்தால்தான் எல்லாமே தெரியுது! தமிழ்நாட்டில் உருவாகும் சீன எலக்ட்ரிக் கார் எப்படி உள்ளது?

பிஒய்டி (BYD) நிறுவனத்தில் இருந்து புதிய எலக்ட்ரிக் காராக இமேக்ஸ் 7 (eMax 7) இந்தியாவில் அறிமுகம் செய்யப்பட்டுள்ளது. 2021ஆம் ஆண்டில் முதல்முறையாக இந்தியாவில் களம்புகுந்த சீனாவை சேர்ந்த பிஒய்டி நிறுவனம் அதன் முதல் எலக்ட்ரிக் காராக இ6 மாடலை அறிமுகம் செய்தது. பிஒய்டி இ6 காரின் நெக்ஸ்ட் ஜென்ரேஷன் காராகவே இமேக்ஸ் 7 அறிமுகம் செய்யப்பட்டுள்ளது. பழைய பிஒய்டி இ6 எலக்ட்ரிக் கார் உடன் ஒப்பிடுகையில், புதிய இமேக்ஸ் 7 ஆனது எல்லா விதங்களிலும் மேம்படுத்தப்பட்டதாக உள்ளது.

குறிப்பாக, காரின் வெளிப்பக்கம் வெகுவாக அப்கிரேட் செய்யப்பட்டுள்ளது. இதற்கேற்ப இந்த எலக்ட்ரிக் காரின் விலைகளும் அதிகரிக்கப்பட்டுள்ளன. புதிய பிஒய்டி இமேக்ஸ் 7 காரில் என்னென்ன மாற்றங்கள் கொண்டுவரப்பட்டுள்ளன என்பதை அறிய இந்த எலக்ட்ரிக் காரை சென்னை சாலைகளிலும், நெடுஞ்சாலைகளிலும் ஓட்டி பார்த்தோம். அப்போது எங்களுக்கு கிடைத்த அனுபவங்களை கீழேயுள்ள வீடியோவில் விரிவான ரிவியூவாக வழங்கியுள்ளோம்.

பிரீமியம் மற்றும் சுப்பீரியர் என 2 விதமான வேரியண்ட்களில் அறிமுகம் செய்யப்பட்டுள்ள பிஒய்டி இமேக்ஸ் 7 எலக்ட்ரிக் காரில் அதற்கேற்ப பேட்டரிகளும் வேரியண்ட்டை பொறுத்து வழங்கப்பட்டுள்ளன. அதாவது, பிரீமியம் வேரியண்ட்டில் 55.4kWh பேட்டரியும், சுப்பீரியர் வேரியண்ட்டில் 71.8kWh பேட்டரியும் கிடைக்கும். பேட்டரியின் அளவிற்கு ஏற்ப அவை வழங்கும் ரேஞ்ச் மாறுப்படுகிறது.

அதாவது, பிரீமியம் வேரியண்ட்டில் 420கிமீ வரையிலான ரேஞ்சையும், சுப்பீரியர் வேரியண்ட்டில் 530கிமீ வரையிலான ரேஞ்சையும் பெறலாம். பயணிகளின் பாதுகாப்பிற்கு ஏகப்பட்ட வசதிகள் இந்த எலக்ட்ரிக் காரில் வழங்கப்பட்டுள்ளன. அவற்றுள் முக்கியமானது, அடாஸ் (ADAS) ஆகும். இமேக்ஸ் 7 எலக்ட்ரிக் காரில் லெவல்-2 அடாஸ் வழங்கப்பட்டுள்ளது. மேலும், 6 ஏர்பேக்குகளும் அனைத்து வேரியண்ட்களிலும் வழங்கப்பட்டுள்ளன.