இந்தியாவே எதிர்பார்த்த கார் நாளை அறிமுகம்! இதுல என்ன புதுசா இருக்கப்போகுது தெரியுமா?

ஹூண்டாய், இந்தியாவில் செப்டம்பர் 9 அன்று புதுப்பிக்கப்பட்ட அல்கஸார் காரை அறிமுகப்படுத்த உள்ளது, அதன் விலை ரூ. 17 லட்சம் (எக்ஸ்-ஷோரூம்) முதல் தொடங்கும் என்று எதிர்பார்க்கப்படுகிறது. ஹூண்டாய் அல்கஸார் காரின் தற்போதைய மாடல் 2021ம் ஆண்டு அறிமுகப்படுத்தப்பட்டது, இப்போது புதுப்பிக்கப்பட்ட மாடல் அறிமுகத்திற்கு தயாராக உள்ளது. ஹூண்டாய் ஏற்கனவே அதன் வெளிப்புறத்தை காட்சிப்படுத்திவிட்டது மற்றும் அதன் புதுப்பிக்கப்பட்ட கேபினின் லுக்கையும் வழங்கியுள்ளது.

புதுப்பிக்கப்பட்ட அல்கஸார் மிகவும் கவர்ச்சிகரமான வெளிப்புற வடிவமைப்பைக் கொண்டுள்ளது. இதில் இரண்டு பக்கமும் H-வடிவ வடிவத்துடன் இணைக்கப்பட்ட LED DRL பட்டை, இரட்டை-பேரல் ஹெட்லைட்கள் மற்றும் செவ்வக ஸ்லேட்டட் கிரில் ஆகியவை வழங்கப்பட்டுள்ளது. அடாஸ் (ADAS) தொழிற்நுட்பத்திற்க்காக மையத்தில் ஒரு ரேடாரை உள்ளடக்கியதற்காக பம்பர் மாற்றியமைக்கப்பட்டுள்ளது.

பக்க வாட்டு பகுதியில், குறிப்பிடத்தக்க மாற்றமாக புதிய மல்டி-ஸ்போக், டூயல் டோன் அலாய் வீல்கள் பொருத்தப்பட்டுள்ளன. முந்தைய பக்க படிகளுக்கு பதிலாக ஸ்கிட் பிளேட்கள் பயன்படுத்தப்படுகின்றன. பின்புறத்தில், அது 'அல்கஸார்' என்று எழுதப்பட்டிருக்கும். கூர்மையான இணைக்கப்பட்ட LED டெயில் லைட்கள் மற்றும் தற்போது விற்பனையாகும் மாடலில் உள்ள அதே டூயல் டிப் எக்ஸாஸ்ட் வடிவமைப்பை தக்கவைத்துக் கொள்கிறது.

புதிய அல்கஸார் காரின் உட்புறம் முன்பை விட மிகவும் ஆடம்பரமானது. இது இப்போது புதிய கிரெட்டாவின் டேஷ்போர்ட் அமைப்பைப் பகிர்ந்து கொள்கிறது. மற்றும் மாற்றியமைக்கப்பட்ட சீட் மெட்டிரியல் டேன் மற்றும் டார்க் ப்ளூ நிற கேபின் கருப்பொருளை வழங்குகிறது. மைய ஏசி வென்ட்கள் மறுவடிவமைப்பு செய்யப்பட்டு மறுசீரமைக்கப்பட்டுள்ளன, மேலும் ஒரு புதிய காலநிலை கட்டுப்பாட்டு பேனல் உள்ளது.

2024 அல்காசர் 6- மற்றும் 7- இருக்கை எடிசன்களில் கிடைக்கும். 6- இருக்கை மாடலில் இரண்டாவது வரிசையில் கேப்டன் இருக்கைகள் இணைக்கப்பட்டுள்ளன, இதில் இறகு வடிவ ஹெட் ரெஸ்ட்கள் மற்றும் வென்டிலேட்டட் அம்சங்கள் உள்ளன. கூடுதல் வசதிகளில் டூயல் ஸோன் ஏசி,

இரண்டு 10.25-இன்ச் டச் ஸ்கிரீன் (ஒன்று இன்ட்ரூமென்ஸ் கிளஸ்டருக்காவும் மற்றொன்று இன்ஃபோடெயின்மென்டிற்காகவும்), முன் மற்றும் பின் பயணிகளுக்கான வயர்லெஸ் ஃபோன் சார்ஜர்கள், ஒரு பனோரமிக் சன்ரூஃப், காற்றோட்டமான முன் இருக்கைகள் மற்றும் டிரைவருக்கான மெமரி அம்சத்துடன் இரண்டு நிலைகளுடன் 8-வழிகளில் அட்ஜெஸ்ட் செய்யக்கூடிய பவர்டு முன் இருக்கைகள் உள்ளன.

பாதுகாப்பு அம்சங்களில் ஒரு 360-டிகிரி கேமரா, அனைத்து வேரியன்ட்களிலும் 6 ஏர்பேக்குகள், ISOFIX குழந்தை இருக்கை மவுண்ட்கள் மற்றும் ADAS ஆகியவை அடங்கும். ஹூண்டாய் தற்போது விற்பனை செய்யும் மாடலில் இருக்கும் பெட்ரோல் மற்றும் டீசல் இன்ஜின் ஆப்ஷன்களையே வழங்கும்.

புதுப்பிக்கப்பட்ட அல்கஸார் கார் இந்தியாவின் SUV சந்தையில் MG Hector Plus, Tata Safari மற்றும் Mahindra XUV700 போன்ற மாடல்களுக்கு போட்டியாக வருகிறது. அதன் புதுப்பிக்கப்பட்ட வடிவமைப்பு மற்றும் மேம்படுத்தப்பட்ட அம்சங்களுடன், பிரீமியம் SUVsக்காக தேடும் அதிக வாடிக்கையாளர்களை ஈர்ப்பதை நோக்கமாகக் கொண்டுள்ளது.

டிரைவ்ஸ்பார்க் கருத்து: இந்த புதுப்பிக்கப்பட்ட மாடலின் அறிமுகம், இந்தியாவின் மோட்டார் வாகன சந்தையில் ஹூண்டாயின் போட்டித்தன்மையைப் பேணுவதில் ஒரு முக்கிய படியாகும். குடும்பத்துடன் பயணிக்கும் ரக கார்கள் மக்கள் மத்தியில் பிரபலமாக இருப்பதால் இந்த காரை பலர் விரும்பி வாங்கி வருகிறார். புதிய அப்டேட்டிற்கு பிறகு இதன் விற்பனை அதிகமாகும் என எதிர்பார்க்கலாம்