வெறும் 7 பேர் தான் இந்த காரை வாங்கியிருக்காங்க! குடும்பத்துடன் பயணிக்கும் இந்த காரை மக்கள் ஏன் விரும்பல?

மஹிந்திராவின் 7- இருக்கை MPV, மராஸோ, மார்கெட்டில் விற்பனை பெற போராடி வருகிறது. செப்டம்பர் 2024ல், வெறும் 7 கார்கள் மட்டுமே விற்பனையாகியுள்ளன. ஜூலை மாதத்தில் புதிய மாடல் வெளியான போதிலும், விற்பனை குறைவாகவே உள்ளது. அறிமுகப்படுத்தப்பட்டதிலிருந்து, மூன்று மாதங்களில் வெறும் 29 கார்கள் மட்டுமே விற்பனையாகியுள்ளன இது குறித்த விரிவான விபரங்களை காணலாம்

புதிய மாடல் வெளியிடப்படுவதற்கு முன்பு, மஹிந்திரா அதன் அதிகாரப்பூர்வ வலைத்தளத்தில் இருந்து மராஸோவை நீக்கியது, அப்பொழுது இந்த கார் நிறுத்தப்படும் என வதந்தி பரவியது. மாரூதி எர்டிகா மற்றும் மாரூதி XL6 போன்ற மாடல்களுடன் போட்டியிடுவதால், மராஸோ அதன் பிரிவில் கடுமையான போட்டியை எதிர்கொள்கிறது. கடந்த ஆறு மாதங்களுக்கான விற்பனை புள்ளிவிவரங்கள் விற்பனை தொடர்ந்து மந்தமாக இருப்பதை காட்டுகிறது.

கீழே உள்ள அட்டவணை ஏப்ரல் முதல் செப்டம்பர் 2024 வரையிலான மகிந்திரா மராஸோவின் விற்பனையை விளக்குகிறது:

இந்த 6 மாதங்களில் மொத்த விற்பனை வெறும் 77 கார்கள் மட்டுமே. ஆச்சரியப்படுவதற்குரிய விஷயம் என்னவென்றால், புதிய மாதிரியின் விற்பனை அதன் முந்தைய மாடலையை விட குறைவாக உள்ளது. பகுப்பாய்வாளர்கள் இந்த வீழ்ச்சிக்கு முக்கிய காரணமாக அதிக விலை நிர்ணயம் தான் என கூறுகிறார்கள்.

பல்வேறு மஹிந்திரா மராஸோ வேரியண்டுகளின் விலை சமீபத்தில் அதிகரித்துள்ளது. M2 7s மற்றும் M2 8s வேரியண்டுகள் இப்போது ரூ. 14,59,400 என்ற விலையில் விற்பனையாகிறது இது முந்தைய விலையான ரூ. 14,39,400 இல் இருந்து ஒப்பிடும் போது ரூ. 20,000 அதிகரித்துள்ளது. இதேபோல், M4 Plus வேரியண்டுகளில் விலை உயர்வு ஏற்பட்டுள்ளது.

M4 Plus 7s வேரியண்ட் இப்போது ரூ. 15,86,000 என்ற விலையில் விற்பனையாகிறது. அதன் பழைய விலையான ரூ. 15,66,001-ஐ ஒப்பிடும் போது அதை விட ரூ20 ஆயிரம் அதிகம் ஆகும். அதே நேரத்தில், M4 Plus 8s வேரியண்ட் ரூ. 15,94,200 என்ற விலையில் விற்பனையாகிறது. இதுவும் பழைய மாடல் விலையை விட ரூ. 20,000 அதிகரித்துள்ளது.

மஹிந்திரா மராஸோ 1.5 லிட்டர் கொள்ளளவு கொண்ட ஒரு வலிமையான டீசல் இன்ஜினால் இயக்கப்படுகிறது, இது 121 எச்பி பவரும் மற்றும் 300 என்எம் வரை டார்க் திறனை உற்பத்தி செய்கிறது. இது மென்மையான ஓட்டுநர் அனுபவங்களுக்காக 6 ஸ்பீடு கியர்பாக்ஸுடன் பொருத்தப்பட்டுள்ளது.

இந்த MPV இல் ஏர்பேக்குகள் மற்றும் இபிடியுடன் கூடிய ABS போன்ற பாதுகாப்பு அம்சங்கள் அனைத்து வேரியண்டுகளிலும் இடம்பெற்றுள்ளன, மேலும் பின்புற பார்க்கிங் சென்சார்கள், குறுகலான இடங்களில் ரிவர்ஸில் செல்லும் போது அல்லது பார்க்கிங் செய்யும் போது கூடுதல் பாதுகாப்பிற்காக சென்சார்கள் உள்ளன.

இந்த வாகனம் ஆண்ட்ராய்டு ஆட்டோ மற்றும் ஆப்பிள் கார்பிளே ஆகிய அப்ஷன்களுடன் வருகிறது. இதற்காக இந்த காரில் 7 இன்ச் இன்ஃபோடெயின்மென்ட் சிஸ்டம் அமைப்பு போன்ற நவீன வசதிகளை வழங்குகிறது, பயன்பாட்டு நோக்கங்களுக்காக தொலைதூர கீலெஸ் எண்ட்ரி செயல்பாட்டைத் தவிர மற்ற வசதிகள் எல்லாம் இந்த காரில் உள்ளன.

இந்த பிரிவில் அதிகரித்து வரும் போட்டியின் மத்தியில் குறைந்து வரும் விற்பனையை அதிகரிக்க இந்நிறுவனம் இந்த மாதம் சில தள்ளுபடிகளை அறிவித்துள்ளது. அதன்படி இந்த காருக்கு இந்த அக்டோபர் மாதம் முழுவதும் ரூ. 65 ஆயிரம் வரையிலான தள்ளுபடிகளை அந் நிறுவனம் வழங்கி வருகிறது.

டிரைவ்ஸ்பார்க் கருத்து: இந்திய சாலைகளில் இன்று பயனர் அனுபவத்தை மேம்படுத்த வடிவமைக்கப்பட்ட மேம்பட்ட அம்சங்களை கொண்டிருந்தாலும், போட்டி விலை நிர்ணய பிரச்சனைகளால் மஹிந்திரா மராஸோவின் விற்பனை சவாலானதாக உள்ளது. குடும்பத்துடன் பயணிக்கும் ரக காரான இது இருந்தாலும் போதுமான தொழிற்நுட்ப வசதிகள், மற்றும் மக்கள் எதிர்பார்க்கும் லுக் இல்லாததால் இந்த காரின் விற்பனை சரிவை சந்தித்துள்ளது.