ஒரு இவி கூட இல்ல ஆனா மாருதி 25 ஆயிரம் சார்ஜிங் ஸ்டேஷன்கள் அமைக்க போறாங்க ஏன் தெரியுமா?

மாரூதி சுஸுகி நிறுவனம் ஒரு வலுவான எலெக்ட்ரிக் வாகன மார்கெட்டை உருவாக்க அடித்தளத்தை அமைத்து வருகிறது. தனது முதல் எலெக்ட்ரிக் வாகனமான eVX என்ற மிட்-சைஸ் SUV காரை வெளியிடுவதற்கு முன்பே, சுமார் 25,000 EV சார்ஜிங் ஸ்டேஷன்களை நிறுவுவதற்கான திட்டத்தை அறிவித்துள்ளது, இந்த ஸ்டேஷன்கள் நெக்ஸா டீலர்ஷிப்களில் இடம்பெறுகின்றன. இது எலெக்ட்ரிக் கார் விற்பனையை விரைவில் செயல்படுத்துவதற்காக அந்நிறுவனத்தின் உறுதிப்பாட்டை குறிக்கிறது. 2,300 நகரங்களில் 5,100 க்கும் மேற்பட்ட சர்வீஸ் மையங்களில் வலுவான சார்ஜிங் கட்டமைப்பு உள்ளதை உறுதிப்படுத்தும் நோக்கத்துடன் இந்த முயற்சி மேற்கொள்ளப்பட்டுள்ளது,

மாரூதி சுஸுகியின் வரும் எலெக்ட்ரிக் வாகனமான eVX போக, இன்னும் ஒரு எலெக்ட்ரிக் காரை வெளியிட அந்நிறுவனம் திட்டமிட்டுள்ளது. இது அந்நிறுவனம் எலெக்ட்ரிக் வாகன விற்பனையில் எவ்வளவு முனைப்பு காட்டுகிறது என்பதை குறிக்கிறது. வாகனம் வெளியிடுவதற்கு முன்பே சார்ஜிங் நிலையங்களின் விரிவான நெட்வொர்க்கை அமைக்க முடிவு செய்துள்ளது.

இதன் மூலம் மாரூதி சுஸுகி EV ஏற்றுக்கொள்ளலுக்கு ஒரு முக்கிய தடையான - வசதியான சார்ஜிங் ஆப்ஷ்கள் கிடைப்பதை உறுதி செய்கிறது. இந்த கட்டமைப்பு மேம்பாடு, நெக்ஸா டீலர்ஷிப்களில் நிறுவப்பட்டுள்ள சார்ஜிங் ஸ்டேஷன்களுடன், நிறுவனத்தின் எலெக்ட்ரிக் வாகன சுற்றுச்சூழலை மேம்படுத்துவதற்கான யுத்திசார்ந்த நடவடிக்கையின் தெளிவான குறியீடாகும்.

மாரூதி சுஸுகி eVX-ன் வடிவமைப்பு மற்றும் விவரக்குறிப்புகள் அதன் கான்செப்ட் மாடலில்இருந்து சற்று மாற்றி வடிவமைக்கப்படுகிறது. அதன் பின்புறத்தில் தனித்துவமான LED லைட் பார், உயரத்தில் மவுண்ட் செய்யப்பட்ட ஸ்டாப் லேம்ப் மற்றும் ஷார்க் ஃபின் ஆண்டெனா ஆகியவை அதன் நேர்த்தியான தோற்றத்திற்கு பங்களிக்கின்றன.

அதன் வெளிப்புறம் ஒரு ஸ்லோப்பிங் ஏர் வென்ட் பகுதி உள்ளது, இது ஸ்டிராங்கான மற்றும் ஸ்டைலான வடிவமைப்பை குறிக்கிறது. eVX 17 இன்ச் அலாய் வீல்களில் வெளிவரும் என்று எதிர்பார்க்கப்படுகிறது, இது அதன் பிரீமியம் தோற்றத்தை மேலும் அதிகரிக்கிறது. இந்த காரும் ஒரு பிரீமியம் காராக விற்பனைக்கு வரும் என எதிர்பார்க்கப்படுகிறது.

செயல்திறன் அடிப்படையில், சுஸுகி eVX இந்தியாவுக்கு வெளியே உள்ள ஐரோப்பா மற்றும் ஜப்பான் போன்ற மார்கெட்டில் மட்டுமே இருக்கக்கூடிய ஒற்றை மற்றும் இரட்டை எலெக்ட்ரிக் மோட்டார் அமைப்புகளுடன் பல்வேறு ஆப்ஷன்களுக்கு ஏற்ப இருக்கும். 500 கி.மீ வரை ரேஞ்சை கொண்டுள்ளன. இது 60 kWh லித்தியம் அயான் பேட்டரி பேக்கை வைத்திருக்கும் என்று கூறப்படுகிறது.

இது போட்டி எலெக்ட்ரிக் வாகன சந்தையில் அதை தனித்து நிற்கச் செய்யக்கூடிய வகையில் வடிவமைக்கப்பட்டது. கண்டறியப்பட்ட சோதனை மாடல்களில் இரட்டை-ஸ்போக் கொண்ட ஸ்டீயரிங் வீல் மற்றும் இரட்டை ஸ்கிரீன்அமைப்பு கொண்ட நவீன உட்புறத்தை வெளிப்படுத்துகின்றன, இது மாரூதி சுஸுகி அதிக தொழிற்நுட்ப ஆப்ஷன்களில் கவனம் செலுத்தும்.

இதன் அளவுகளை பொருத்தவரை சுமார் 4,300 மி.மீ நீளம், 1,800 மி.மீ அகலம் மற்றும் 1,600 மி.மீ உயரம் கொண்ட அளவுகளுடன், eVX கார் மஹிந்திரா XUV700, ஹூண்டாய் கிரெட்டா, டாடா கர்வ், ஹோண்டா எலவேட் மற்றும் கியா செல்டோஸ் ஆகியவற்றின் வரும் எலெக்ட்ரிக் எடிசன்கள் போன்ற இந்தியாவில் உள்ள பிற எலெக்ட்ரிக் மாடல்களுடன் போட்டியிட தயாராகி வருகிறது.

2025 மற்றும் 2026 க்கு இடையே வெளியிடப்பட உள்ள பூஜ்ஜிய-புகை வெளியீட்டு eVX, டொயோட்டாவின் 40PL இலிருந்து பெறப்பட்ட 27L கட்டமைப்பில் கட்டப்படும், இந்த எலெக்ட்ரிக் SUV வின் வளர்ச்சியில் கூட்டு முயற்சிகளைக் காட்டுகிறது.இந்த கார் டொயோட்டா பிராண்டில் வேறு பெயரிலும் வெளியாக வாய்ப்புள்ளன.

இந்த தயாரிப்பு-குறிப்பிட்ட eVX SUV காரின் வெளியீடு, ஜனவரி 17 முதல் 22 வரை புது தில்லியில் நடைபெறும் இந்திய மொபிலிட்டி குலோபல் எக்ஸ்போ 2025-ல் இருக்கும் என ஆவலுடன் எதிர்பார்க்கப்படுகிறது. இந்த நிகழ்வு மாரூதி சுஸுகியின் எலெக்ட்ரிக் வாகன வரிசைக்கான முதல் காராக இருக்கும், இந்நிறுவனத்தின் ஆட்டோமொபைல் துறையில் நிலைத்தன்மை மற்றும் புதுமைக்கான யுக்திசார்ந்த நடவடிக்கையைப் பற்றி வலியுறுத்துகிறது.

டிரைவ்ஸ்பார்க் கருத்து: முடிவில், விரிவான EV சார்ஜிங் கட்டமைப்பை நிறுவுவதற்கான மாரூதி சுஸுகியின் தீவிர நடவடிக்கைகள், eVX இன் வாக்குறுதி அளிக்கும் அம்சங்கள் மற்றும் விவரக்குறிப்புகள் ஆகியவற்றுடன் இணைந்து, எலெக்ட்ரிக் வாகன இயக்கத்தில் நிறுவனத்தின் உண்மையான தயாரிப்புகளை எடுத்துக்காட்டுகின்றன. ஆட்டோமொபைல் தொழில் மிகவும் நிலையான ஆப்ஷன்களுக்கு மாறும்போது, மாரூதி சுஸுகியின் முயற்சிகள் இந்தியாவில் எலெக்ட்ரிக் வாகனங்கள் ஏற்றுக்கொள்ளப்படுவதில் குறிப்பிடத்தக்க தாக்கத்தை ஏற்படுத்தும்.