32 கிமீ மைலேஜ் தரும் காரை விட 26 கி.மீ மைலேஜ் தரும் காரை தான் எல்லாரும் வாங்குறாங்க ஏன் தெரியுமா?

மாரூதி ஸ்விஃப்ட் சிஎன்ஜி மற்றும் டாடா பஞ்ச் சிஎன்ஜி ஆகிய இரண்டும் இந்தியாவில் பிரபலமானவை. இதில் டாடா பஞ்ச் கார் குறைவான மைலேஜை வழங்குகிறது. ஸ்விஃப்ட் சிஎன்ஜி கார் அதிக மைலேஜை வழங்குகிறத. இருந்தாலும் மக்கள் மத்தியில் பஞ்ச் சிஎன்ஜி காருக்கு தான் நல்ல விற்பனை இருக்கிறது. இதற்கான காரணத்தை பற்றி தெரிந்து கொள்ள வேண்டுமானால், அவற்றின் முக்கிய அம்சங்களை பற்றி தெரிந்து கொள்ள வேண்டியது அவசியம். இது குறித்த விரிவான விபரங்களை காணலாம் வாருங்கள்.

மாரூதி ஸ்விஃப்ட் சிஎன்ஜி கார் சுமார் 32.85 கிமீ மைலேஜை வழங்கும் ARAI சான்றளித்துள்ளது, இது அதிக மைலேஜ் திறன் வாய்ந்தது. மறுபுறம், டாடா பஞ்ச் சிஎன்ஜி சுமார் 26.99 கிமீ மைலேஜை வழங்குகிறது, இது சற்று குறைவாக இருந்தாலும் அதிக குறைவாக இல்லை. மற்ற கார்களை ஒப்பிடும் போது அதிகமாக தான் உள்ளது.

மாரூதி ஸ்விஃப்ட் சிஎன்ஜி காருக்கா தொடக்க விலை ரூ. 9.19 லட்சம். மாறாக, டாடா பஞ்ச் சிஎன்ஜி ரூ. 8.12 லட்சத்தில் தொடங்குகிறது, இது ஆரம்பத்தில் மிகவும் மலிவு விலை. விலையை பொருத்தவரை டாடா பஞ்ச் சிஎன்ஜி கார் தான் குறைவான விலையில் விற்பனைக்கு கிடைக்கிறது.

மாரூதி சுவிஃப்ட் சிஎன்ஜியில் பூட் இடத்தில் சிஎன்ஜி கிட் வைக்கப்பட்டுள்ளதால் பூட் பகுதியில் இடம் குறைக்கப்பட்டுள்ளது. மாறாக, டாடா பஞ்ச் சிஎன்ஜி அதன் மிகவும் குறைவான இடத்தை எடுக்கும் டூயல் டேங்க் செட்டப்புடன் சிஎன்ஜி டேங்க் இருப்பதால் சற்று சிறந்த பூட் இடத்தை வழங்குகிறது. இட வசதியிலும் டாடா பஞ்ச் கார் தான் சிறந்ததாக உள்ளது.

மாரூதி சுவிஃப்ட் சிஎன்ஜி-க்கான சர்வீஸ் செலவு பொதுவாக மலிவானது, ஸ்பேர் பாகங்கள் எளிதில் கிடைக்கும். டாடா பஞ்ச் சிஎன்ஜி அதன் ஸ்விஃப்ட் காருடன் ஒப்பிடும்போது சற்று அதிக பராமரிப்பு செலவுகளை ஏற்படுத்தலாம். ஆனால் இது ஒவ்வொரு தனி நபருக்கும் சர்வீஸ் கால இடைவெளி மற்றும் பிற அம்சங்களை சார்ந்து மாறுபடும் வாய்ப்புகளும் உள்ளன.

மாரூதி ஸ்விஃப்ட் சிஎன்ஜி காரில் டச் ஸ்கிரீன் இன்ஃபோடெயின்மென்ட் மற்றும் ஆட்டோமேட்டிக் கிளைமேட் கண்ட்ரோல் போன்ற அம்சங்களுடன் வருகிறது. அதே நேரத்தில், டாடா பஞ்ச் சிஎன்ஜி சிறந்த கிரவுண்ட் கிளியரன்ஸ் கொண்ட எஸ்யூவி போன்ற உணர்வை வழங்குகிறது மற்றும் புதிய தொழில்நுட்பத்தையும் இந்த காரில் ஒருங்கிணைக்கிறது.

நீங்கள் முக்கியமாக மைலேஜ் திறன் மற்றும் குறைந்த பராமரிப்பு செலவை பற்றி கவலைப்படுகிறீர்களானால், மாரூதி ஸ்விஃப்ட் சிஎன்ஜி, குறிப்பாக நீண்ட தூர பயணத்திற்கு ஒவ்வொரு மாதமும் அதிக சேமிப்பை வழங்கும். டாடா பஞ்ச் சிஎன்ஜி சற்று குறைந்த எரிபொருள் திறன் மற்றும் சாத்தியமான அதிக பராமரிப்பு செலவுகளைக் கொண்டிருந்தாலும், அதன் எஸ்யூவி போன்ற வடிவமைப்பு மற்றும் கூடுதல் இடத்தால் ஈடுசெய்கிறது.

சிறந்த மைலேஜ் மற்றும் குறைந்த பராமரிப்புச் செலவை நீங்கள் முன்னுரிமைப்படுத்தினால், மாரூதி ஸ்விஃப்ட் சிஎன்ஜி உங்கள் முதல் தேர்வாக இருக்க வேண்டும். இருப்பினும், நீங்கள் எஸ்யூவி போன்ற தோற்றம் மற்றும் கொஞ்சம் அதிக இடத்தை விரும்பினால், டாடா பஞ்ச் சிஎன்ஜி உங்களுக்கு மிகவும் பொருத்தமானதாக இருக்கலாம்.

இன்று வாகனங்கள் விற்பனையாகும் டிரெண்டை வைத்து பார்க்கும் போது டாடா பஞ்ச் சிஎன்ஜி காரை மக்கள் அதிகம் விரும்புவது தெரிகிறது. இதனால் மக்கள் மத்தியில் மைலேஜை விட அதிக அம்சங்கள் காரின் லுக் மற்றும் மற்ற வசதிகளை அதிகம் எதிர்பார்க்கிறார்கள் என்பது தெளிவாக தெரிகிறது. மக்கள் ஓரளவிற்கு மைலேஜ் குறித்து அக்கறை கொண்டாலும் மற்ற வசதிகளையும் பார்க்க துவங்கிவிட்டனர்.

டிரைவ்ஸ்பார்க் கருத்து: வாகன தயாரிப்பு நிறுவனங்கள் இன்று மைலேஜ் அதிகம் தரும் வாகனங்களை விற்பனை செய்ய சிஎன்ஜி வாகனங்களை அறிமுகப்படுத்தினாலும் வாடிக்கையாளர்கள் மத்தியில் கார்களில் குறிப்பிட்ட அம்சங்களில் எதிர்பார்ப்பதால் அதன் விற்பனை அதிகமாக இருப்பது குறிப்பிடத்தக்கது