பட்டி தொட்டியெங்கும் பட்டையை கிளப்பும் இவி சேல்ஸ்! இதை தானே இவ்வளவு நாளா எதிர்பார்த்தோம்!

எலெக்ட்ரிக் வாகனங்கள் (EVs) இந்தியாவில் அதிகமாக விற்பனையாக துவங்கியுள்ளன, ஆனால் வளர்ச்சி இந்தியா முழுவதும் முழுவதும் ஒரே மாதிரியாக இல்லை. முக்கிய நகரங்கள் அதிகமாக இருந்தாலும், சமீபகாலமாக ஒரு புதிய போக்கு உருவாகி வருகிறது: டயர் 2 நகரங்கள் EV வாகனங்களின் விற்பனை அதிகமாகி வருகின்றன. தனியார் நிறுவனத்தின் சமீபத்திய அறிக்கையில், 10 இந்திய மாநிலங்களில் உள்ள 207 நகரங்களில் எலெக்ட்ரிக் இரு சக்கர வாகனம் மற்றும் கார் விற்பனையை ஆய்வு செய்ததில் இந்த மாற்றம் நடந்தள்ளது தெரியவந்துள்ளதாக தெரிவித்தனர். இது குறித்த விரிவான விபரங்களை காணலாம்.

சில டயர் 2 மார்கெட்களில் எலெக்ட்ரிக் இரு சக்கர வாகன விற்பனையில் வியக்கத்தக்க வளர்ச்சி ஏற்பட்டுள்ளதை அறிக்கை வெளிப்படுத்துகிறது. இந்த நகரங்கள் இந்த பிரிவில் உள்ள பெருநகரங்களை விட விற்பனை அதிகமாக உள்ளன. குறிப்பிட்ட மாடல்கள் விற்கப்படவில்லை என்றாலும், இந்த சிறிய நகரங்களில் இரு சக்கர வாகனம் பயன்படுத்துபவர்களிடையே எலெக்டரிக் வாகனங்களுக்கு மாறுவதற்கான தெளிவான விருப்பம் உள்ளது.

சுவாரஸ்யமாக, டயர் 2 நகரங்கள், மாநில தலைநகரங்கள் எலெக்ட்ரிக் கார் விற்பனையில் முன்னணியில் உள்ளன. அதிக செலவழிப்பு வருமானம் மற்றும் சிறந்த உள்கட்டமைப்பு போன்ற காரணங்கள் இந்த போக்கை உருவாக்கியிருக்க வாய்ப்புள்ளது. ஜெய்ப்பூர், லக்னோ, திருவனந்தபுரம் மற்றும் குர்கிராம் போன்ற நகரங்கள் இந்த இவி விற்பனையில் குறிப்பிடத்தக்க வளர்ச்சியை சந்தித்து வருகின்றன.

இதற்கிடையில், பணக்காரர்கள் அதிகம் வாழும் டயர் 1 நகரங்கள் பல காரணங்களில் வலுவான EV விற்பனை தொடர்ந்து அதிகரிக்கிறது. செலவழிப்பு வருமானம் கொண்ட ஒரு இளைஞர்கள் இதற்கு முக்கிய காரணமாக இருக்கிறார்கள். கூடுதலாக, மின்சார டாக்ஸி சேவைகளின் விரிவாக்கம் மற்றும் EV மாடல்களின் அதிகரித்துவருவதும் பலரை இவி நோக்கி ஈர்க்கிறது என சொல்லாம்.

டயர் 2 நகரங்கள், டயர் 1 நகரங்களின் சகாக்கள் போன்ற வலுவான எலெக்ட்ரிக் டாக்ஸி சந்தையை இன்னும் உருவாக்கவில்லை. இந்த சிறிய நகரங்களில் EV விற்பனை முதன்மையாக தனிநபர் வாகன விற்பனையால் வளர்ந்து வருகிறது என்பதை இது குறிக்கிறது. குறிப்பிடத்தக்க வகையில், 2023ல் வாங்கப்பட்ட பெரும்பாலான தனியார் எலெக்ட்ரிக் கார்களின் விலை மானியங்களுக்கு ஏற்றதாக இல்லை, இது அரசாங்க ஊக்குவிப்புகளிலிருந்து தனியாக மக்கள் மத்தியில் EVகளுக்கான தேவை வளர்வதை காட்டுகிறது.

நல்ல செய்தி என்னவென்றால் டயர் 2 நகரங்களுக்கு அப்பாலும் இவி விற்பனை நீண்டுள்ளது. டயர் 1 உடன் ஒப்பிடும்போது டயர் 2 மற்றும் டயர் 3 நகரங்களில் அதிவேக எலெக்ட்ரிக் இரு சக்கர வாகன விற்பனைக்கான வருடாந்திர வளர்ச்சி விகிதங்களை இந்த அறிக்கை எடுத்துக்காட்டுகிறது. சூரத், ஜெய்ப்பூர், நாக்பூர், கோலாப்பூர் மற்றும் இந்தூர் போன்ற நகரங்கள் அனைத்தும் எலெக்ட்ரிக் இருசக்கர வாகன விற்பனையில் ஒரு எழுச்சியைக் காண்கின்றன.

டயர் 2 நகரங்கள் எலெக்ட்ரிக் இரு சக்கர வாகன சந்தையில் தொடர்ச்சியான வளர்ச்சிக்கு தயாராக இருப்பதாகத் தோன்றினாலும், டயர் 3 நகரங்களுக்கு இதேபோன்ற நிலைகளை அடைய கூடுதல் மானியம் தேவைப்படலாம். இவி வாகனங்களின் விலை பெட்ரோல் வாகனங்களுடன் விலைகள் போட்டியாக மாறும் வரை, இந்த நகரங்களில் EVகளை ஊக்குவிப்பதில், தேவை சார்ந்த கொள்கைகள், குறிப்பாக நிதி மானியங்கள் முக்கிய பங்கு வகிக்கலாம் என்று இந்த அறிக்கை தெரிவிக்கிறது.

டயர் 2 நகரங்கள் எலெக்ட்ரிக் இரு சக்கர வாகனங்களுக்கான குறிப்பிடத்தக்க வளர்ச்சி சிறப்பாக உருவாகி வருகின்றன. இருப்பினும், நுகர்வோர் விழிப்புணர்வு மற்றும் அக்ஸஸ்களை மேம்படுத்துவதற்காக EV விற்பனை மற்றும் டீலர்ஷிப் நெட்வொர்க்குகளை விரிவுபடுத்துவதில் தொடர் வளர்ச்சி நடக்கிறது. நிதிச் சலுகைகள் அல்லது விலைக் குறைப்புக்கள் மூலம் விற்பனையை அதிகரிக்க செய்வது மேலும் வளர்ச்சிக்கு முக்கியமாக இருக்கும், குறிப்பாக டயர் 3 நகரங்களில் இதன் தேவை இருக்கிறது.

இந்தியாவின் EV வளர்ச்சியில், டயர் 2 மற்றும் டயர் 3 நகரங்கள் நாடு முழுவதும் நிலையான வளர்ச்சியை வடிவமைப்பதில் முக்கிய பங்கு வகிக்கின்றன. இந்த நகரங்களிலும் அதிகமாக எலெக்ட்ரிக் வாகனங்கள் விற்பனையாவது எதிர்காலத்திற்கு சிறந்ததாக இருக்கும். தற்போது டயர் 2 நகரங்கள் வளர்ச்சியை பெற துவங்கிவிட்டது அப்பட்டமாக தெரிகிறது.

டிரைவ்ஸ்பார்க் கருத்து: கிராமங்களுக்கு புதிய விஷயங்களை கொண்டு சேர்த்துவிட்டால் அதன் பிறகு எந்த விஷயத்தை வளர்ச்சி தடுக்க முடியாத அளவிற்கு இருக்கும். இவி வாகனங்களும் கிராமப்புறங்களில் விற்பனையை அதிகரிக்க நடவடிக்கை வேண்டும். மத்திய அரசு கிராமப்புறங்களில் விற்பனையாகும் இவிகளுக்கு அதிக மானியம் வழங்கினால் இது சாத்தியம் தான்.