டாடா கம்பெனிக்கு கோவில் கட்டி கும்பிடனும்... கியாவின் புது செல்டோஸ் கூட கிட்ட நெருங்க முடியல!

புதிய 2026 கியா செல்டோஸ் (Kia Seltos) கார், ஒரு பெரிய வெளிப்புற புதுப்பிப்பு மற்றும் பல புதிய அம்சங்களுடன் அறிமுகப்படுத்தப்பட்டுள்ளது. இதன் பவர்டிரெய்ன் ஆப்ஷன்கள் அப்படியே தொடரப்பட்டுள்ளன. கியா நிறுவனம், புதிய செல்டோஸ் காரை, பெரிய, துணிச்சலான மற்றும் அதிக பிரீமியம் தோற்றத்துடன் வெளியிட்டுள்ளது. புதிய 2026 கியா செல்டோஸின் அதிகாரப்பூர்வ அறிமுகம், அதன் விலை அறிவிப்புடன், ஜனவரி 2, 2026 அன்று நடைபெற உள்ளது.

புதுமையான தோற்றமும், மேம்படுத்தப்பட்ட தொழிற்நுட்ப அம்சங்களும், இதன் போட்டி கார்களுக்கு எதிராக சிறந்த திறன்களைக் கொண்டுள்ளன. புதிய கியா செல்டோஸ், அதன் போட்டியாளர்களான ஹூண்டாய் க்ரெட்டா, மாருதி சுஸுகி விக்டோரிஸ், மாருதி சுஸுகி கிராண்ட் விட்டாரா, டொயோட்டா ஹைரைடர் மற்றும் டாடா சியரா ஆகியவற்றுடன் ஒப்பிடுகையில், பரிமாணங்களில் பெரிய மாற்றத்தைக் கண்டுள்ளது.

4,460மிமீ நீளத்துடன், புதிய கியா செல்டோஸ் அதன் போட்டியாளர்கள் அனைவரையும் விட நீளமானது. தற்போது விற்பனையில் இருக்கும் செல்டோஸ் காரை விட இதன் நீளம் 95 மிமீ அதிகரித்துள்ளது. புதிய செல்டோஸ் 1,830 மிமீ அகலமும், 2,690 மிமீ வீல்பேஸையும் கொண்டுள்ளது. முந்தைய செல்டோஸை விட இதன் அகலம் 30 மிமீ அதிகரித்துள்ளது, வீல்பேஸ் 80 மிமீ கூடியுள்ளது.

அதிகரித்த பரிமாண அளவுகள், செல்டோஸ் காரின் உட்புறத்தில் அதிக இடவசதியை வழங்கியுள்ளன. காரின் பின்பக்க பூட் ஸ்பேஸ் கொள்ளளவு இப்போது 447 லிட்டராக அதிகரித்துள்ளது, இது முந்தைய 433 லிட்டருடன் ஒப்பிடும்போது 14 லிட்டர் அதிகம் ஆகும். சாலையில் மேலும் மெல்லியதானதாகவும், உறுதியாகவும் காட்சியளிக்க, காரின் உயரம் 10 மிமீ சரிசெய்யப்பட்டுள்ளது.

இந்த பிரிவில் உள்ள மற்ற எஸ்யூவி கார்களில், டொயோட்டா ஹைரைடர் (4,365 மிமீ) மற்றும் மாருதி சுஸுகி விக்டோரிஸ் (4,360 மிமீ) ஆகியவை 4,400 மிமீ-க்கு மேல் நீளத்தை கொண்டில்லாத நிலையில், செல்டோஸ் தனித்துவமாக நிற்கிறது. ஹூண்டாய் க்ரெட்டா 4,330 மிமீ நீளம் கொண்டதாக இருப்பதால், இப்போது சிறியதாகத் தெரிகிறது. சமீபத்தில் அறிமுகப்படுத்தப்பட்ட டாடா சியரா 4,340 மிமீ நீளம் கொண்டது.

அகலத்தைப் பொருத்தவரை, புதிய கியா செல்டோஸ் 1,830 மிமீ அகலத்துடன், இந்த பிரிவில் இரண்டாவது பெரிய காராக உள்ளது. 1,841 மிமீ அகலத்துடன் டாடா சியரா முன்னணியில் உள்ளது. பெரும்பாலான மற்ற எஸ்யூவி கார்கள் 1,800 மிமீ அளவை நெருங்குகின்றன. உயரத்தைப் பொருத்தவரை, புதிய செல்டோஸ் மற்றும் க்ரெட்டா இரண்டும் 1,635 மிமீ உயரம் கொண்டவை.

விக்டோரிஸ், கிராண்ட் விட்டாரா மற்றும் ஹைரைடர் ஆகியவை 1,645 மிமீ முதல் 1,655 மிமீ வரை சற்று உயரமானவை. இந்த குழுவில் மிகவும் உயரமான எஸ்யூவி என்றால் அது புதிய சியரா ஆகும், இதன் உயரம் 1,715 மிமீ. வீல்பேஸ் (முன் & பின் சக்கரங்களுக்கு இடையேயான தூரம்) மற்றும் பூட் ஸ்பேஸ் விஷயத்தில், புதிய 2026 கியா செல்டோஸ் 2,690 மிமீ வீல்பேஸுடன் இரண்டாவது சிறந்த காராக உள்ளது.

டாடா சியரா 2,730 மிமீ வீல்பேஸ் உடன் இந்த வரிசையில் முன்னணியில் உள்ளது. க்ரெட்டா 2,610 மிமீ வீல்பேஸ் கொண்டிருக்கிறது. மாருதி மற்றும் டொயோட்டா கார்கள் அனைத்தும் 2,600 மிமீ வீல்பேஸ் உடன் ஒரே மாதிரியாக இருக்கின்றன. பூட் ஸ்பேஸ் அளவைப் பொறுத்தவரை, புதிய கியா செல்டோஸ் பின்பக்கத்தில் பொருட்களை வைத்து கொண்டு செல்ல 447 லிட்டர் கொள்ளளவில் இடவசதியை வழங்குகிறது.

இது முந்தைய தலைமுறை செல்டோஸை விட சுமார் 14 லிட்டர் அதிகம். இது க்ரெட்டா (433 லிட்டர்), விக்டோரிஸ் (439 லிட்டர்), கிராண்ட் விட்டாரா (373 லிட்டர்) மற்றும் டொயோட்டா ஹைரைடர் (373 லிட்டர்) ஆகியவற்றின் பூட் ஸ்பேஸை விட அதிகமாகும். இருப்பினும், புதிய சியரா சுமார் 622 லிட்டர் பூட் ஸ்பேஸ் உடன் இந்த வரிசையில் முதலிடத்தில் உள்ளது.

டிரைவ்ஸ்பார்க் கருத்து: விற்பனையில் போட்டியாக உள்ள மற்ற கார்களை விட ஸ்பெஷல் ஆனதாக தெரிய வேண்டும் என்பதற்காக புதிய செல்டோஸ் காரை கியா பார்த்து பார்த்து உருவாக்கியுள்ளது. இருப்பினும், பரிமாண அளவுகளை பொறுத்தவரையில் டாடா சியரா அனைத்து அளவுகளிலும் மற்ற கார்களை விட பெரியதாக உள்ளது. இதில் இருந்து டாடா மோட்டார்ஸ் நிறுவனம் சியராவை எந்த அளவிற்கு கவனத்துடன் வடிவமைத்துள்ளது என்பதை அறிய முடிகிறது.