சக்கரம் பெருசா இருந்தாலும் பிரச்சனை தான் போலயே... ரூ.10 லட்சத்தில் இத்தனை கார்கள் மார்க்கெட்டில் கிடைக்குதா!!

2025ஆம் ஆண்டில் ரூ.10 லட்சம் எக்ஸ்-ஷோரூம் (Ex-Showroom) விலைக்கும் குறைவான பல கார்களில் 16-இன்ச் அலாய் சக்கரங்கள் இடம்பெறுகின்றன. வழக்கத்தை விட சற்று பெரியதான இந்த சக்கரங்கள் வாகனத்தின் அழகியல் தோற்றத்தையும் நிலைத்தன்மையையும் கணிசமாக மேம்படுத்துகின்றன. ஆதலால், குறைந்த பட்ஜெட்டில் பிரீமியம் தோற்றத்தை விரும்பும் வாடிக்கையாளர்களுக்கு கீழே குறிப்பிடப்பட்ட கார்கள் சிறந்த தேர்வுகளாக இருக்கும். இவை ரூ.10 லட்சத்திற்குள் 16-இன்ச் அலாய் சக்கரங்களுடன் கிடைக்கும் பிரபலமான கார் மாடல்கள் ஆகும்.

மாருதி சுஸுகி ஃபிரான்க்ஸ் (Maruti Suzuki Fronx): மாருதி சுஸுகியின் லேட்டஸ்ட் கார்களுள் ஒன்றான இது, சமீப காலமாக பலரும் மிகவும் விரும்பும் தேர்வுகளில் ஒன்றாக மாறி வருகிறது. இதன் டெல்டா பிளஸ் வேரியண்டில் (சுமார் ரூ.8.04 லட்சம்) இருந்து 16-இன்ச் அலாய் சக்கரங்கள் கிடைக்கின்றன. மேலும், இதன் உயர் ரக ஜெட்டா வேரியண்டிலும் (சுமார் ரூ.9.71 லட்சம்) இந்த அம்சத்தைக் பெறலாம்.

ஸ்கோடா கைலாக் (Skoda Kylaq): ஸ்கோடாவில் இருந்து சமீபத்தில் அறிமுகப்படுத்தப்பட்ட கைலாக் காரின் சிக்னேச்சர் வேரியண்டில் 16-இன்ச் அலாய் சக்கரங்கள் வழங்கப்படுகின்றன. இந்த வேரியண்டின் விலை சுமார் ரூ.8.99 லட்சம் ஆகும். இது வாடிக்கையாளர்களுக்கு ஒரு புதிய மற்றும் ஸ்டைலான ஆப்ஷனாக விளங்குகிறது.

ஹூண்டாய் ஐ20 (Hyundai i20): ஹூண்டாயின் இந்த பிரீமியம் ஹேட்ச்பேக் கார் அதன் அஸ்டா (சுமார் ரூ.8.61 லட்சம்) மற்றும் அஸ்டா (ஓ) (ரூ.9.15 லட்சம்) போன்ற உயர் ரக வேரியண்ட்களில் 16-இன்ச் அலாய் சக்கரங்களை வழங்குகிறது. இதன் மூலம் இந்த காரில் ஸ்போர்ட்டியான தோற்றமும், சிறந்த ஹேண்ட்லிங்கும் உறுதி செய்யப்படுகிறது.

மாருதி சுஸுகி ஸ்விஃப்ட் (Maruti Suzuki Swift): சந்தையில் மிகவும் பிரபலமான மாருதி சுஸுகி ஹேட்ச்பேக் காரின் டாப்-ஸ்பெக் 'இசட்.எக்ஸ்.ஐ பிளஸ்' (ZXi Plus) வேரியண்ட்கள் (சுமார் ரூ.8.20 லட்சம்) 16-இன்ச் அலாய் சக்கரங்களுடன் வருகின்றன. இவை பயணிகளுக்கு மேம்பட்ட பயண அனுபவத்தை வழங்குகின்றன.

மாருதி சுஸுகி பலேனோ (Maruti Suzuki Baleno): இது, மாருதி சுஸுகியின் பிரீமியம் ஹேட்ச்பேக் கார் ஆகும். ஸ்விஃப்ட் காரை போலவே, பலேனோவின் டாப் வேரியண்ட்டான ஆல்பா வேரியண்ட்டிலும் (சுமார் ரூ.8.60 லட்சம்) 16-இன்ச் அலாய் சக்கரங்கள் இடம்பெறுகின்றன. இது பலேனோ காரை மேலும் கவர்ச்சிகரமானதாக மாற்றுகிறது.

டாடா அல்ட்ராஸ் (Tata Altroz): பலேனோவுக்கு போட்டியாக டாடா மோட்டார்ஸின் அல்ட்ராஸ் காரின் கிரியேட்டிவ் மற்றும் அகம்பளிஷ்ட் போன்ற தேர்ந்தெடுக்கப்பட்ட உயர் ரக வேரியண்ட்கள் ரூ.10 லட்சம் பட்ஜெட்டிற்குள் 16-இன்ச் அலாய் சக்கரங்களை வழங்குகின்றன. இது இந்த டாடா கார்களில் ஸ்டைலான அம்சத்தை சேர்க்கிறது.

நிசான் மேக்னைட் (Nissan Magnite): இந்த ஜப்பானிய-ஸ்டைல் நிசான் காம்பாக்ட் எஸ்யூவி காரின் உயர் ரக வேரியண்ட்கள் 16-இன்ச் அலாய் சக்கரங்களுடன் வருகின்றன. இதன் பல வேரியண்ட்கள் ரூ.10 லட்சத்திற்கு கீழ் மற்ற சப்-காம்பாக்ட் எஸ்யூவி கார்களுக்கு சவாலான விலையில் கிடைக்கின்றன.

ரெனால்ட் கைகர் (Renault Kiger): நிசான் மேக்னைட் போன்றே, கைகரின் டெக்னோ (சுமார் ரூ.7.50 லட்சம்) போன்ற உயர் ரக வேரியண்ட்களிலும் 16-இன்ச் சக்கரங்கள் வழங்கப்படுகின்றன. இது பட்ஜெட் விலை கொண்ட எஸ்யூவி கார்கள் பிரிவில் ஒரு சிறந்த தேர்வாக அமைகிறது.

டிரைவ்ஸ்பார்க் கருத்து: சிறிய 14-இன்ச் அல்லது 15-இன்ச் இரும்பு சக்கரங்களுடன் ஒப்பிடும்போது, பெரிய 16-இன்ச் அலாய் சக்கரங்கள் இயல்பாகவே காரிற்கு ஒரு "பிரீமியம்" தோற்றத்தை அளிக்கின்றன. மேலும், பெரிய சக்கர விளிம்புகள் ஹேண்ட்லிங்கையும் நிலைத்தன்மையையும் மேம்படுத்தக்கூடும். எனினும், உயரம் குறைவான டயர்கள் காரணமாக கரடுமுரடான சாலைகளில் பயண வசதி சற்று அசவுகரியப்படலாம். 16-இன்ச் டயர்களை மாற்றுவது சிறிய அளவிலான டயர்களை விட பொதுவாக அதிக செலவாக இருக்கும் நிலையில், இத்தகைய சக்கரங்கள் உடன் மேற்கூறப்பட்ட கார்களை 10 லட்ச ரூபாய்க்குள் வாங்கலாம்.