10 லட்ச ரூபாய் கார்களில் இந்த வசதியை எதிர்பார்த்திருக்க மாட்டீங்க! கூட்டி பார்த்தால் பெரிய செலவு மிச்சமாகும்!

இந்தியச் சந்தையில் பத்து லட்சம் ரூபாய்க்கும் குறைவான எக்ஸ்-ஷோரூம் விலையில் தன்னிச்சையாக மடங்கி மூடிக்கொள்ள கூடிய வெளிப்புற ரியர் வியூ மிரர்கள் (ORVMs) கொண்ட பல கார்கள் தற்போது கிடைக்கின்றன. அதாவது, காரில் இருந்து வெளியே வந்து காரை லாக் செய்யும் போது இந்த மிரர்கள் தானாக மடங்கிக் கொள்ளும். இந்த கார்கள் பெரும்பாலும் ஹேட்ச்பேக்குகள், காம்பாக்ட் செடான்கள் மற்றும் காம்பாக்ட் எஸ்யூவிகளின் நடுத்தர அல்லது உயர் ரக வகைகள் என எல்லா விதமான கார்களிலும் ரூ.10 லட்சத்திற்குள் கிடைக்கின்றன.

ஹேட்ச்பேக் கார்கள்: ஆட்டோ-ஃபோல்ட் (Auto-fold) ORVM-கள் கொண்ட ஹேட்ச்பேக்குகள் பட்டியலில், மாருதி சுஸுகி பலேனோ காரின் மிட்-ரேஞ்ச் ஸீட்டா வேரியண்ட் மற்றும் அதற்கு மேற்பட்ட வேரியண்ட்களில் பவர்-ஃபோல்டிங் ORVMகள் உள்ளன. ஸீட்டா பெட்ரோல் மேனுவல் வேரியண்ட் பத்து லட்சம் ரூபாய் பட்ஜெட்டுக்குள் அடங்கும்.

பலேனோவின் ரீ-பேட்ஜ் செய்யப்பட்ட பதிப்பான டொயோட்டா க்ளான்ஸாவும் மிட்-ரேஞ்ச் வேரியண்ட்களில் ஆட்டோ-ஃபோல்ட் ORVMகளை வழங்குகிறது. இதுவும் பத்து லட்சம் ரூபாய்க்கும் குறைவான விலையில் கிடைக்கிறது. மாருதி சுஸுகி ஸ்விஃப்ட் காரின் இசட்.எக்ஸ்.ஐ (ZXi) மற்றும் இசட்.எக்ஸ்.ஐ+ (ZXi+) வேரியண்ட்களில் எலெக்ட்ரிக்கலாக மடக்கக்கூடிய ORVMகள் உள்ளன. இவை இரண்டும் பத்து லட்சம் ரூபாய்க்கும் குறைவான விலையில் உள்ளன.

மாருதி சுஸுகி இக்னிஸ் காரின் டாப்-எண்ட் ஆல்ஃபா வேரியண்ட்டில் பவர்-ஃபோல்டிங் ORVMகள் ஒரு சிறப்பு அம்சமாகும். இதுவும் பட்ஜெட்டுக்குள் சரியாகப் பொருந்துகிறது. இதேபோல், ஹூண்டாய் கிராண்ட் ஐ10 நியோஸ் காரின் உயர் ரக வேரியண்ட்களிலும் ஆட்டோ-ஃபோல்ட் ORVMகள் வழங்கப்படுகின்றன. இவை பத்து லட்சம் ரூபாய்க்கும் குறைவான விலையில் கிடைக்கின்றன.

செடான் கார்கள்: ஆட்டோ-ஃபோல்ட் ORVMகள் கொண்ட காம்பாக்ட் செடான்கள் பிரிவில், மாருதி சுஸுகி டிசையரின் இசட்.எக்ஸ்.ஐ (ZXi) மற்றும் இசட்.எக்ஸ்.ஐ+ (ZXi+) வேரியண்ட்களில் பவர்-ஃபோல்டிங் ORVMகள் இடம்பெறுகின்றன. இவற்றின் மேனுவல் வெர்ஷன்கள் பத்து லட்சம் ரூபாய்க்கும் குறைவான விலையில் கிடைக்கின்றன. இதேபோல், ஹோண்டா அமேஸ் காரின் விலையுயர்ந்த டாப்-ஸ்பெக் இசட்.எக்ஸ் வேரியண்ட்டில் பவர்-ஃபோல்டிங் ORVMகள் உள்ளன.

விலையுயர்ந்த வேரியண்ட்டாக இருப்பினும் இதன் எக்ஸ்-ஷோரூம் விலை ரூ.10 லட்சத்திற்குள் ரூ.9.15 லட்சம் ஆக உள்ளது. ஹூண்டாய் அவ்ரா காரின் நடுத்தர முதல் உயர் ரக வேரியண்ட்கள் வரையில் பவர்-ஃபோல்டிங் மிரர்களைக் பெறலாம். இதன் விலை ரூ.10 லட்சம் பட்ஜெட்டுக்குள் நன்றாகவே அடங்குகிறது.

காம்பாக்ட் எஸ்யூவி கார்கள்: ஆட்டோ-ஃபோல்ட் ORVMகள் கொண்ட காம்பாக்ட் எஸ்யூவிகளைப் பொறுத்தவரையில், டாடா பஞ்ச் காரின் உயர் ரக வேரியண்ட்களில் இந்த அம்சம் வழங்கப்படுகிறது. AMT கியர்பாக்ஸ் கொண்ட கிரியேட்டிவ் வேரியண்ட் மற்றும் கிரியேட்டிவ் +எஸ் வேரியண்ட் என இரண்டும் பத்து லட்சம் ரூபாய்க்குள் வருகின்றன. நிசான் மேக்னைட்டின் எக்ஸ்.வி வேரியண்ட் மற்றும் அதற்கு மேற்பட்ட வேரியண்ட்களில் எலெக்ட்ரிக்கலாக மடக்கக்கூடிய ORVMகள் பொருத்தப்படுகின்றன.

இதன் பல வேரியண்ட்கள் பத்து லட்சம் ரூபாய் பட்ஜெட்டுக்குள் பொருந்துகின்றன. ரெனால்ட் கைகரின் RXT(O) வேரியண்ட்டில் இருந்து எலெக்ட்ரிக்கலாக மடக்கக்கூடிய ORVMகள் கிடைக்கின்றன. இதுவும் பத்து லட்சம் ரூபாய்க்கும் குறைவான விலையில் உள்ளது. இதேபோல், ஹூண்டாய் எக்ஸ்டர் காரின் உயர் ரக SX மற்றும் SX(O) வேரியண்ட்களில் பவர்-ஃபோல்டிங் மிரர்கள் வழங்கப்படுகின்றன. இவையும் பத்து லட்சம் ரூபாய்க்கும் குறைவான விலையில் கிடைக்கின்றன.

டிரைவ்ஸ்பார்க் கருத்து: தானாக மடங்கிக்கொள்ளக் கூடிய மிரர்களினால் தேவையற்ற சேதங்களால் ஏற்படும் செலவுகள் மிச்சமாகுவது மட்டுமின்றி, தேவையான சரியான நேரத்தில் அவற்றை பயன்படுத்தவும் முடிகிறது. முந்தைய காலங்களில் எல்லாம் காரில் அடிக்கடி சேதமடையும் பாகம் என்றால் 'இறக்கை மிரர்கள்' எனப்படும் இந்த கண்ணாடிகள் தான். இத்தகைய சிறப்புமிக்க ஆட்டோ-ஃபோல்ட் வசதி கொண்ட ORVM-களை ரூ.10 லட்சத்திற்குள் வாங்கலாம் என்பதுதான் இதில் சிறப்பானது.