காரில் சின்ன விஷயம் தான்... 10 லட்ச ரூபாய்க்குள் கார் வாங்கினாலும் இதை கவனிக்கனும்!

இந்தியாவில் ரூ.10 லட்சத்துக்கும் குறைவான விலையில் கிடைக்கும் டாடா பன்ச், மாருதி சுஸுகி பலேனோ மற்றும் ஹூண்டாய் கிராண்ட் ஐ10 நியோஸ் போன்ற பிரபல கார்களில், அனைத்து கதவுகளிலும் தண்ணீர் பாட்டில் வைப்பதற்கான இடவசதி உட்பட, பல பயனுள்ள சேமிப்பு இடவசதிகள் உள்ளன. ரூ.10 லட்சம் விலை வரம்பிற்குள் உள்ள இந்த சில கார்களைப் பற்றி இங்கு காணலாம்.

டாடா பன்ச் (Tata Punch): டாடா மோட்டார்ஸின் இந்த மைக்ரோ-எஸ்யூவி கார், நடைமுறை பயன்பாட்டிற்கும் பாதுகாப்புக்கும் பெயர் பெற்றது ஆகும். இது 5 நட்சத்திர குளோபல் NCAP மதிப்பீட்டைப் பெற்றுள்ளது. இதன் கேபினில் பல ஸ்மார்ட்டான சேமிப்பு இட வசதிகள் உள்ளன. இந்த கார்களில் 1 லிட்டர் பாட்டில்களைக் கதவுகளில் எளிதாக வைக்கலாம்.

மாருதி சுஸுகி பலேனோ / டொயோட்டா கிளான்ஸா (Maruti Suzuki Baleno/ Toyota Glanza): இந்த இரு பிரீமியம் ஹேட்ச்பேக் கார்களும் ஒரே மாதிரியானவை. இவற்றின் நான்கு கதவுகளிலும் 1 லிட்டர் தண்ணீர் பாட்டில்களை வைப்பதற்கான இடவசதி உள்ளது. விசாலமான கேபின் மற்றும் பெரிய பூட் ஸ்பேஸ் (Boot Space) ஆகியவை குடும்பமாக பயணிப்பதற்கு ஏற்ற தேர்வாக இந்த காரில் அமைகின்றன.

ஹூண்டாய் கிராண்ட் ஐ10 நியோஸ் (Hyundai Grand i10 NIOS): ஹூண்டாயின் இந்த பிரபலமான மற்றும் விலை குறைவான ஹேட்ச்பேக் கார், தொழிற்நுட்ப அம்சங்கள் நிறைந்த மற்றும் நேர்த்தியான உட்புற கேபினைக் கொண்டுள்ளது. தண்ணீர் பாட்டில்களை வைக்கக்கூடிய இடவசதி உட்பட, பல நடைமுறை சேமிப்பு இடங்கள் இந்த காரில் கிடைக்கின்றன.

ரெனால்ட் டிரைபர் (Renault Triber): இந்தியாவின் மலிவான 7 இருக்கைகள் கொண்ட எம்பிவி ரக காரான டிரைபர், நடைமுறை பயன்பாட்டிற்கு ஏற்ப வடிவமைக்கப்பட்டுள்ளது. குறிப்பாக, மூன்று வரிசைகளில் இருக்கைகளை கொண்டிருப்பது இதன் முக்கிய சிறப்பம்சம் ஆகும். இதில், எளிதாக பயன்படுத்துவதற்கு ஏற்ற நெகிழ்வான இருக்கைகள் மற்றும் மூன்று வரிசைகளிலும் பாட்டில் ஹோல்டர்கள் உட்பட ஏராளமான சேமிப்பு இடவசதிகள் வழங்கப்படுகின்றன.

மாருதி சுஸுகி எர்டிகா (Maruti Suzuki Ertiga): இந்த வரிசையில் நாம் பார்க்கும் மற்றொரு எம்பிவி ரக காரான எர்டிகா, பெரிய குடும்பங்களுக்கு ஏற்றது. ஆனால், டிரைபரை காட்டிலும் சற்று விலைமிக்கது. இந்த காரின் உட்புறம் விசாலமானது. பாட்டில் ஹோல்டர்கள் உட்பட, பல நடைமுறை சேமிப்புத் தீர்வுகளுடன் வருகிறது.

டாடா அல்ட்ராஸ் (Tata Altroz): மேலே கண்ட மாருதி சுஸுகி பலேனோ மற்றும் டொயோட்டா கிளான்ஸா கார்களுக்கு போட்டியாக விற்பனை செய்யப்படும் இந்த பிரீமியம் ஹேட்ச்பேக் கார் 5 நட்சத்திர பாதுகாப்பு மதிப்பீட்டைக் கொண்டுள்ளது. இது ஆடம்பரமான உட்புறம், நடைமுறை ஸ்டோரேஜ் (Storage) இடவசதிகள் மற்றும் பெரிய பூட் ஸ்பேஸ் உடன் வருகிறது.

நிசான் மேக்னைட்/ ரெனால்ட் கைகர் (Nissan Magnite/ Renault Kiger): இந்த இரு கார்களையும் ஒன்றாக பார்ப்பதற்கு காரணம் இவை இரண்டும் ஒரே பிளாட்ஃபாரத்தில் உருவாக்கப்படுபவை ஆகும். இந்த காம்பாக்ட் எஸ்யூவி கார்கள், நல்ல மதிப்புள்ளவை. பயனுள்ள சேமிப்பு அம்சங்கள் மற்றும் பாட்டில்களுக்கான ஸ்டோரேஜ்களை கதவுகளில் கொண்ட நடைமுறைக்கு ஏற்ற கேபின்களைக் கொண்டுள்ளன.

டிரைவ்ஸ்பார்க் கருத்து: இந்த விலை பிரிவில் உள்ள பெரும்பாலான மாடர்ன் கார்கள், இந்தியக் குடும்பங்களின் நடைமுறைத் தேவைகளைப் பூர்த்தி செய்யும் வகையில் வடிவமைக்கப்பட்டுள்ளன. எனவே, போதுமான சேமிப்பு இட வசதியும், பாட்டில் ஹோல்டர்களும் இவற்றில் நிலையான அம்சங்களாக இருக்கின்றன. பாட்டில் ஹோல்டர் அளவு அல்லது எண்ணிக்கை குறித்த குறிப்பிட்ட விவரங்களுக்கு, காரின் அதிகாரப்பூர்வ விவரக்குறிப்புகளை அல்லது நீங்கள் கருத்தில் கொள்ளும் வேரியண்ட்டின் விரிவான உட்புற கேபின் மதிப்பாய்வைப் பார்ப்பது நல்லது.