10 லட்ச ரூபாய்க்குள் கார் வாங்கும்போது பலர் இதை எதிர்பார்ப்பது இல்ல! ஸ்டைலான தோற்றத்திற்கு இது அவசியம்!

இந்தியாவில் ரூ.10 லட்சம் விலைக்குள் பல சிறந்த கார்கள் கவர்ச்சிகரமான க்ரோம் கிரில் (Chrome Grille) உடன் கிடைக்கின்றன. பெரும்பாலும் செடான் மற்றும் ஹேட்ச்பேக் கார்கள் பிரிவுகளில், இந்த பட்ஜெட்டில் ஸ்டைலான வெளிப்பக்க தோற்றத்தை வழங்கும் கார்கள், தனித்துவமான க்ரோம் கிரில் அம்சத்துடன் வருகின்றன. அவை என்னென்ன என்பதை பற்றி தான் இனி இந்த தொகுப்பில் பார்க்க போகிறோம்.

கியா சொனெட் (Kia Sonet): இந்த தென் கொரியன் ஸ்டைல் எஸ்யூவி கார் அதன் ஸ்டைலான மற்றும் பிரீமியம் வடிவமைப்பிற்குப் பெயர் பெற்றது. கியாவின் தனித்துவமான புலி மூக்கு டிசைனிலான கிரில், குறிப்பாக உயர் வேரியண்ட்களில் கவனிக்கத்தக்க க்ரோம் வேலைப்பாடுகள் உடன் வருகிறது.

மாருதி சுஸுகி பலேனோ (Maruti Suzuki Baleno): இந்த மாருதி காரில், அதன் முகப்பு பகுதியின் கீழ்பகுதியில் நீக்கக்கூடிய க்ரோம் பட்டை கொண்ட அகலமான, தாழ்வான கிரில் வழங்கப்படுகிறது. இந்த வடிவமைப்பு ஹெட்லேம்ப்களுடன் இணக்கமாக ஒருங்கிணைந்து, காரின் முன்பகுதிக்கு அகன்ற மற்றும் நேர்த்தியான தோற்றத்தை அளிக்கிறது.

ஹூண்டாய் வென்யூ (Hyundai Venue): இந்த ஹூண்டாய் சப்-காம்பாக்ட் எஸ்யூவி காரின் சில வேரியண்ட்களில், கம்பீரமான மற்றும் அடர் க்ரோம் ரேடியேட்டர் கிரில் வழங்கப்படுகிறது. இது காரின் நவீன மற்றும் உயர்தர தோற்றத்திற்கு பங்களிக்கிறது. கியா சொனெட் காரை போன்று, வென்யூவும் கொரியன் ஸ்டைல் எஸ்யூவி கார் ஆகும்.

மாருதி சுஸுகி டிசையர் (Maruti Suzuki Dzire): தடிமனான க்ரோம் பார்டர் மற்றும் கிடைமட்ட ஸ்லாட்களுடன் ஒரு பெரிய, ஒற்றை-சட்ட எண்கோண வடிவ கிரில்லை கொண்ட டிசையர் காரின் முகப்புப் பகுதி திடமானதாகவும், கவர்ச்சியானதாகவும் காட்சியளிக்கிறது. இந்த விலைப் பிரிவில், நேர்த்தியான தோற்றம் மற்றும் நம்பகத்தன்மைக்காக இது ஒரு பிரபலமான தேர்வாகும்.

டொயோட்டா கிளான்சா (Toyota Glanza): இது மாருதி சுஸுகி பலேனோவின் மறுபெயரிடப்பட்ட பதிப்பாகும். எந்த அளவிற்கு என்றால், கிரில்லைச் சுற்றியுள்ள நுட்பமான மற்றும் பயனுள்ள க்ரோம் அம்சங்கள் உட்பட பல வடிவமைப்பு ஹைலைட்களை பலேனோ உடன் கிளான்சா பகிர்ந்து கொள்கிறது. இதன் மூலமாக, ஹேட்ச்பேக் கார்கள் பிரிவில் இது ஒரு பிரீமியம் தோற்றத்தை தக்கவைக்கிறது.

மஹிந்திரா எக்ஸ்யூவி 3எக்ஸ்ஓ (Mahindra XUV 3XO): மஹிந்திராவின் சமீபத்திய காம்பாக்ட் எஸ்யூவி காரான எக்ஸ்யூவி 3எக்ஸ்ஓ சாலைகளில் திடமான தோற்றத்தை வழங்குகிறது. இதன் கிரில் வடிவமைப்பில் பெரும்பகுதியில் க்ரோம் ஹைலைட்கள் இடம்பெறுகின்றன. மேலும் இதை மேம்படுத்தும் வகையில் கூடுதல் ஆக்சஸரீஸ்களும் இந்த காரில் கிடைக்கின்றன.

ஹூண்டாய் கிராண்ட் ஐ10 நியோஸ் மற்றும் மாருதி சுஸுகி இக்னிஸ் (Hyundai Grand i10 NIOS & Maruti Suzuki Ignis): இந்த இரு ஹேட்ச்பேக் கார்களும் ஸ்டைலான கிரில் பகுதியை கொண்டுள்ளன. இவற்றின் க்ரில், உயர் வேரியண்ட்களில் நுட்பமான க்ரோம் அல்லது 'U-வடிவ' க்ரோம் இன்செர்ட்களைக் கொண்டிருக்கின்றன. அளவில் சிறியதான காம்பாக்ட் காரில் இத்தகைய தனித்துவமான ஸ்டைலை விரும்புபவர்களுக்கு இந்த கார்கள் கவர்ச்சிகரமான விருப்பங்களாக அமைகின்றன.

ஹூண்டாய் அவ்ரா (Hyundai Aura): இந்த ஹூண்டாய் செடான் கார் அதன் பெரிய, அடர்நிற கிரில் மூலம் தனித்து நிற்கிறது. இந்த காரின் கிரில்லின் கீழ் மற்றும் பக்கவாட்டுப் பகுதிகளில் தாராளமாக க்ரோம் வழங்கப்படுகிறது. இந்த வடிவமைப்பு ஒரு நவீன மற்றும் ஸ்போர்டியான தோற்றத்தை அவ்ராவுக்கு வழங்குகிறது.

டிரைவ்ஸ்பார்க் கருத்து: காரின் க்ரில்லில் க்ரோம் வழங்கப்படுவது மற்றும் அதன் அளவு பல்வேறு வேரியண்ட்களில் வேறுபடலாம் என்பதை காரை தேர்ந்தெடுக்கும்போது நினைவில் கொள்ளவும். குறைந்த விலையிலான அடிப்படை வேரியண்ட்களில் க்ரோம் குறைவாக இருக்கலாம், ஆனால் விரும்பிய தோற்றத்தைப் பெற உண்மையான அல்லது ஸ்பேர் மார்க்கெட்டில் கிடைக்கும் ஆக்சஸரீஸ்களைச் சேர்க்க முடியும்.