இப்போதெல்லாம் காருக்கு பின்னால் ஸ்பேர் சக்கரம் வழங்கப்படாததற்கு இதுதான் காரணமா? 10 லட்சத்தில் இத்தனை கார்களா!!

இன்றைய கால கார்களில், குறிப்பாக ரூ.10 லட்சத்துக்கும் குறைவான விலை கொண்ட கார்களில், முழு அளவிலான ஸ்பேர் சக்கரங்கள் அரிதாகிவிட்டன. அதாவது, முந்தைய காலங்களில் காருக்கு பின்பக்கத்தில் வழங்கப்படுமே அந்த ஸ்பேர் சக்கரங்களை தான் சொல்கிறோம். காரின் உற்பத்தி செலவுகளைக் குறைக்கும் நோக்கத்துடன், ஸ்பேர் சக்கரங்களுக்கு பதிலாக தற்காலிக ஸ்பேர் சக்கரங்கள் வழங்கப்பட்டு வருகின்றன.

எப்படியோ ஸ்பேர் சக்கரங்களை வழங்குகிறார்களே என சந்தோஷப்படாதீர்கள். ஏனெனில், முந்தைய காலங்களில் வழங்கப்பட்ட ஸ்பேர் சக்கரங்கள் வழக்கமான மற்ற சக்கரங்களை போலவே இருந்தன. ஆனால், இன்றைய கால தற்காலிக ஸ்பேர் சக்கரங்கள் சில கிமீ தொலைவிற்கு மட்டுமே பயன்படுத்தக் கூடியவைகளாக இருக்கின்றன. இருப்பினும், இப்போதும் சில கார்களில் முழு அளவிலான ஸ்பேர் சக்கரங்கள் கிடைக்கின்றன. அவை என்னென்ன என்பதை பற்றி தான் இந்த தொகுப்பில் காணலாம்.

மஹிந்திரா பொலிரோ (ரூ. 7.99 லட்சம் எக்ஸ்-ஷோரூம் விலையில் இருந்து): பொலிரோ ஒரு உறுதியான எஸ்யூவி வாகனம் ஆகும். கிராமப்புற மற்றும் கடினமான சாலைகளுக்கு மிகவும் பொருத்தமானது. இதன் பல்வேறு வேரியண்ட்களில் முழு அளவிலான ஸ்பேர் சக்கரங்கள் பின்புற கதவில் பொருத்தப்படுகிறது.

இந்த காரின் குறைந்த விலை வேரியண்ட்கள் ரூ.10 லட்சம் பட்ஜெட்டுக்குள் கிடைக்கின்றன. பொலிரோவில் 1.5 லிட்டர் டீசல் என்ஜின் உள்ளது. இதன் சில வேரியண்ட்கள் 7-சீட்டர் ஆப்ஷன் உடனும் கிடைக்கின்றன. நீண்ட காலம் உழைக்கும் வகையில் வலிமையான கட்டுமானம் மற்றும் சக்திவாய்ந்த என்ஜின் இதன் முக்கிய சிறப்பம்சங்கள் ஆகும்.

மஹிந்திரா பொலிரோ நியோ (ரூ. 8.49 லட்சம் எக்ஸ்-ஷோரூம் விலையில் இருந்து): பொலிரோ நியோ ஆனது மேலே கண்ட பொலிரோவின் நவீனமான, நகரப் பயன்பாட்டுக்கு ஏற்ற பதிப்பாகும். ஆனால், உண்மையில் இது முன்பு விற்பனையில் இருந்த மஹிந்திரா டியூவி300 காரின் அப்டேட் வெர்சன் ஆகும்.

மேம்படுத்தப்பட்ட வடிவமைப்பு மற்றும் வசதியான உட்புறத்தை கொண்டிருந்தாலும், பொலிரோவின் உறுதியான கட்டமைப்பையும், முழு அளவிலான ஸ்பேர் சக்கரத்தையும் இது தக்கவைத்துக் கொள்கிறது. இந்த வாகனத்தில் 1.5 லிட்டர் டீசல் என்ஜின் பொருத்தப்பட்டுள்ளது. மேலும், பின்பக்கத்தில் ஜம்ப் சீட்களுடன் கூடிய ஏழு இருக்கை வசதியும் உண்டு. இது நவீன உட்புறத்தையும், மஹிந்திரா எஸ்யூவியின் நீடித்த உழைப்பையும் ஒருங்கிணைக்கிறது.

ரெனால்ட் டிரைபர் (ரூ. 5.76 லட்சம் எக்ஸ்-ஷோரூம் விலையில் இருந்து): இந்த மலிவு விலையிலான எம்பிவி கார், மாடுலர் இருக்கை அமைப்புடன் இந்த விலை வரம்பிற்குள் முழுமையான ஸ்பேர் சக்கரத்தை வழங்குவதில் தனித்துவமானதாக விளங்குகிறது. டிரைபரின் அனைத்து வேரியண்ட்களிலும் முழு அளவிலான ஸ்பேர் சக்கரம் வழங்கப்படுகிறது.

இது பெரிய குடும்பங்களுக்கு ஒரு சிறந்த மதிப்பை வழங்குகிறது. இதில் 1.0 லிட்டர் பெட்ரோல் என்ஜின் உள்ளது. நீக்கக்கூடிய மூன்றாவது வரிசை இருக்கைகளுடன் கூடிய மாடுலர் ஏழு இருக்கை அமைப்பு இதன் சிறப்பம்சம் ஆகும். பயணிகளையும், பொருட்களையும் ஏற்றிச் செல்ல இது மிகவும் பன்முகத்தன்மை கொண்ட மற்றும் நடைமுறைக்குரிய வாகனமாகும்.

டிரைவ்ஸ்பார்க் கருத்து: அவசர காலங்களில் ஸ்பேர் சக்கரத்தின் தேவை இன்றியமையாதது ஆகும். இதனால்தான், 10 லட்ச ரூபாய்க்குள் விலை கொண்ட கார்களிலும் ஸ்பேர் சக்கரத்தை சில கார் நிறுவனங்கள் இன்னமும் தொடர்ந்து வழங்குகின்றன. அத்தகைய காரை வாங்க விரும்புபவர்கள் மேலே கூறப்பட்ட கார்களுள் ஒன்றை வாங்கலாம். ஆனால், பலர் ஸ்பேர் சக்கரம் இல்லாமல் தான் இந்த கார்களை வாங்குகின்றனர்.