குழந்தை வெச்சிருப்பவங்க முக்கிய கவனிக்கனும்... 10 லட்ச ரூபாயில் கார் வாங்கும்போது இந்த வசதி இருக்கானு பாருங்க!

ரூபாய் 10 லட்சத்திற்கும் குறைவான எக்ஸ்-ஷோரூம் விலையில், மோதலை உணர்ந்து கதவுகளைத் தானாக திறக்கும் வசதியுடன் கிடைக்கும் கார்கள் பட்டியலில் டாடா அல்ட்ராஸ், டாடா பன்ச் இவி, கியா சைரோஸ், ஹூண்டாய் ஐ20 என் லைன் மற்றும் நிசான் மேக்னைட் போன்ற கார்கள் உள்ளன. மேம்பட்ட பாதுகாப்பு அம்சங்களுடன், பட்ஜெட் விலையில் பல வாகனங்களில் இந்த வசதி தற்போது அதிகரித்து வருகிறது. மோதலை உணர்ந்து கதவுகளைத் தானாக திறக்கும் வசதியுடன் கூடிய கார்களை இங்கே காணலாம்.

டாடா அல்ட்ராஸ் (Tata Altroz): இந்த பிரீமியம் ஹேட்ச்பேக் கார், குளோபல் NCAP பாதுகாப்பு சோதனையில் 5 நட்சத்திர மதிப்பீட்டைப் பெற்றுள்ளது. இதன் அனைத்து வேரியண்ட்களிலும், மோதலை உணர்ந்து கதவுகளைத் தானாக திறக்கும் பாதுகாப்பு அம்சம் நிலையான வசதியாக கிடைக்கிறது. இந்த காரின் விலை குறைவான அடிப்படை வேரியண்ட்களில் கூட ஆறு ஏர்பேக்குகள், ABS உடன் EBD மற்றும் எலக்ட்ரானிக் ஸ்டெபிலிட்டி கண்ட்ரோல் போன்ற பாதுகாப்பு அம்சங்கள் வழங்கப்படுகின்றன.

டாடா பன்ச் இவி (Tata Punch EV): பிரபலமான பன்ச் எஸ்யூவி காரின் எலெக்ட்ரிக் மாடலான பன்ச் இவி, பாரத் NCAP சோதனையில் 5 நட்சத்திர பாதுகாப்பு மதிப்பீட்டைப் பெற்றுள்ளது. மோதலை உணர்ந்து கதவுகளைத் தானாக திறக்கும் வசதி, ஆறு ஏர்பேக்குகள், ABS உடன் EBD மற்றும் டயர் பிரஷர் மானிட்டரிங் சிஸ்டம் ஆகியவை இதன் அனைத்து வேரியண்ட்களிலும் நிலையான அம்சமாக வழங்கப்படுகின்றன.

கியா சைரோஸ் (Kia Syros): கியாவின் இந்த புதிய பி-பிரிவு எஸ்யூவி கார், பாரத் NCAP சோதனையில் 5 நட்சத்திர மதிப்பீட்டைப் பெற்றுள்ளது. இதன் அனைத்து வேரியண்ட்களிலும் மோதலை உணர்ந்து கதவுகளைத் திறக்கும் வசதி, ஆறு ஏர்பேக்குகள், ABS உடன் EBD மற்றும் எலக்ட்ரானிக் ஸ்டெபிலிட்டி கண்ட்ரோல் ஆகியவை நிலையான பாதுகாப்பு அம்சங்களாக வழங்கப்படுகின்றன.

ஹூண்டாய் ஐ20 என்-லைன் (Hyundai i20 N Line): இந்த செயல்திறன்மிக்க ஹூண்டாய் காரில், மோதலை உணர்ந்து கதவுகளைத் தானாக திறக்கும் பாதுகாப்பு அம்சம் இடம்பெறுகிறது. மேலும், இந்த காரில் ஆறு ஏர்பேக்குகள், ABS உடன் EBD மற்றும் ரிவர்ஸ் பார்க்கிங் கேமரா/ சென்சார் சிஸ்டம் போன்ற வசதிகளும் உள்ளன.

நிசான் மேக்னைட்/ ரெனால்ட் கைகர் (Nissan Magnite/ Renault Kiger): இந்த இரண்டு காம்பாக்ட் எஸ்யூவி கார்களின் உயர் ரக வேரியண்ட்களில் மோதலை உணர்ந்து கதவுகளைத் தானக திறக்கும் வசதி கிடைக்கிறது. நிசான் மேக்னைட், குளோபல் NCAP சோதனையில் 4 நட்சத்திர மதிப்பீட்டைப் பெற்றுள்ளது.

இதன் உயர் ரக வேரியண்ட்களில் 360-டிகிரி கேமரா மற்றும் டயர் பிரஷர் மானிடரிங் சிஸ்டம் போன்ற வசதிகள் உள்ளன. ரெனால்ட் கைகர் காரும், குளோபல் NCAP சோதனையில் 4 நட்சத்திர மதிப்பீட்டைப் பெற்றுள்ளது. இதன் உயர் ரக வேரியண்ட்களில் பக்கவாட்டு ஏர்பேக்குகள் மற்றும் ஹில்-ஸ்டார்ட் அசிஸ்ட் போன்ற பாதுகாப்பு அம்சங்கள் இடம்பெறுகின்றன.

ஹூண்டாய் வென்யூ (Hyundai Venue): இந்த ஹூண்டாய் காரின் சில வேரியண்ட்களில், வேகத்தை உணர்ந்து தானாக கதவுகளைப் பூட்டும் வசதியும், மோதலை உணர்ந்து தானாக கதவுகளைத் திறக்கும் வசதியும் வழங்கப்படுகின்றன. ஆறு ஏர்பேக்குகள், ABS உடன் EBD, ஹில்-ஸ்டார்ட் அசிஸ்ட் மற்றும் எலக்ட்ரானிக் ஸ்டெபிலிட்டி கண்ட்ரோல் போன்ற பல பாதுகாப்பு அம்சங்கள் இதில் சேர்க்கப்படுகின்றன.

டிரைவ்ஸ்பார்க் கருத்து: காரின் வேகத்தை உணர்ந்து தானாக கதவுகளை பூட்டும் வசதி ஆனது எந்தவொரு காரிலும் முக்கியமான பாதுகாப்பு அம்சம் ஆகும். குறிப்பாக, சிறுவர், சிறுமியர் உடனும், வயதானவர்கள் உடனும் பயணிக்கும் போது கட்டாயமாக இந்த வசதி காரில் இருக்க வேண்டும். ஆனால், இந்த வசதி உடன் ரூ.10 லட்சத்திற்கு உள்ளாகவே இத்தனை கார்கள் கிடைப்பது மகிழ்ச்சி அளிக்கிறது.