இந்த வசதி இல்லாத காரே கிடையாது என்றுதான் சொல்ல வேண்டும்! 10 லட்ச ரூபாய்க்குள் எதை வாங்குவது?

இந்தியாவில் பத்து லட்ச ரூபாய்க்குள் சிறந்த கார் வாங்க திட்டமிடுபவர்களுக்காக, பவர் விண்டோஸ் (Power Windows) மற்றும் பவர் மிரர்கள் (Power Mirrors) போன்ற வசதிகளுடன் டாடா பன்ச், மஹிந்திரா எக்ஸ்யூவி 3எக்ஸ்ஓ, ஹூண்டாய் எக்ஸ்டர் மற்றும் ரெனால்ட் கைகர் போன்ற கார்கள் சந்தையில் பிரபலமாக உள்ளன. மேலும், இந்த விலை குறைவான கார்கள் பல்வேறு வசதிகளுடன் வாடிக்கையாளர்களின் தேவைகளைப் பூர்த்தி செய்கின்றன.

ஹூண்டாய் எக்ஸ்டர் (Hyundai Exter): இது ஒரு மைக்ரோ-எஸ்யூவி (Micro-SUV) கார் ஆகும். சிறந்த பாதுகாப்பு மற்றும் எரிபொருள் சிக்கனத்திற்கு பெயர் பெற்றது. பவர் விண்டோஸ் & மிரர்ஸ், சன்ரூஃப், டாஷ்கேம் மற்றும் ஆறு ஏர்பேக்குகள் எக்ஸ்டரின் அனைத்து வேரியண்ட்களிலும் நிலையான அம்சங்களாக உள்ளன. இதன் விலைகள் தற்சமயம் ரூ.6.13 லட்சத்தில் இருந்து தொடங்குகின்றன. பிரீமியம் வசதிகளுடன் பட்ஜெட் விலையில் கார் விரும்புபவர்களுக்கு இது ஒரு சிறந்த தேர்வாகும்.

டாடா பன்ச் (Tata Punch): டாடா பன்ச், குளோபல் என்சிஏபி (Global NCAP) பாதுகாப்பு மதிப்பீட்டில் 5 நட்சத்திரங்களைப் பெற்றுள்ளது. இது பெட்ரோல் மற்றும் சிஎன்ஜி ஆப்ஷன்களில் கிடைக்கிறது. அதிக கிரவுண்ட் கிளியரன்ஸ் மற்றும் பலவிதமான அம்சங்களை இதன் வேரியண்ட்கள் வழங்குகின்றன. பவர் விண்டோஸ் மற்றும் மிரர்கள் கொண்ட இதன் வேரியண்ட்கள் பத்து லட்சம் ரூபாய் பட்ஜெட்டுக்குள் கிடைக்கின்றன. பாதுகாப்பு மற்றும் ஸ்டைலை முக்கியமானதாக பார்த்து கார் வாங்குபவர்களுக்கு இது ஒரு சிறப்பான சாய்ஸ் ஆகும்.

மஹிந்திரா எக்ஸ்யூவி 3எக்ஸ்ஓ (Mahindra XUV 3XO): இந்த கச்சிதமான மஹிந்திரா எஸ்யூவி கார் ஒரு பிரீமியம் அனுபவத்தை வழங்குகிறது. இதில் சன்ரூஃப் மற்றும் கனெக்டட் கார் தொழில்நுட்பம் போன்ற அம்சங்கள் உள்ளன. இதன் உயர் வேரியண்ட்களில் பனோரமிக் சன்ரூஃப் வசதியும் உண்டு. இதன் பல்வேறு வேரியண்ட்கள் பத்து லட்ச ரூபாய்க்கும் குறைவான விலையில் கிடைக்கின்றன. மேம்பட்ட வசதிகளுடன் கூடிய எஸ்யூவி பட்ஜெட் விலையில் கார் விரும்புபவர்களுக்கு இது ஒரு நல்ல தேர்வு ஆகும்.

ரெனால்ட் கைகர் (Renault Kiger): ஸ்டைலான வடிவமைப்பு மற்றும் பயனுள்ள வசதிகளுடன் கூடிய கச்சிதமான எஸ்யூவி இது ஆகும். 8 அங்குல டச்ஸ்கிரீன் இன்ஃபோடெயின்மென்ட் சிஸ்டம் மற்றும் பின்புற ஏசி வென்ட்கள் இதில் வழங்கப்படுகின்றன. இதன் பல வேரியண்ட்கள் பத்து லட்ச ரூபாய் பட்ஜெட்டுக்குள் உள்ளன. ஸ்டைலான மற்றும் மதிப்புமிக்க கச்சிதமான எஸ்யூவி காரை விரும்புபவர்களுக்கு இது சிறந்த ஆப்ஷன் ஆகும்.

மாருதி சுஸுகி பலேனோ (Maruti Suzuki Baleno): விசாலமான கேபின் மற்றும் எரிபொருள் சிக்கனமான என்ஜின் கொண்ட பிரீமியம் ஹேட்ச்பேக் கார் இது ஆகும். 9 அங்குல ஸ்மார்ட் ப்ளே புரோ+ இன்ஃபோடெயின்மென்ட் சிஸ்டம் மற்றும் டாப் வேரியண்ட்டில் ஆறு ஏர்பேக்குகள் வரை இந்த காரில் வழங்கப்படுகின்றன. பலேனோவின் எக்ஸ்-ஷோரூம் விலைகள் (Ex-Showroom Prices) ரூ.5.99 லட்சத்தில் இருந்து துவங்குகின்றன. வசதியான மற்றும் நம்பகமான சிட்டி காரான பலேனோ, பின்பக்கத்தில் அதிக பூட் ஸ்பேஸ் (Boot Space) விரும்புபவர்களுக்கு ஏற்றதாக உள்ளது.

ஹூண்டாய் கிராண்ட் ஐ10 நியோஸ் (Hyundai Grand i10 NIOS): பிரீமியம் அம்சங்களுடன் நகர பயன்பாட்டிற்கு ஏற்ற ஹேட்ச்பேக் காரான இது, டச்ஸ்கிரீன் இன்ஃபோடெயின்மென்ட் சிஸ்டம், வயர்லெஸ் சார்ஜிங் மற்றும் பின்புற ஏசி வென்ட்கள் போன்ற வசதிகள் உடன் விற்பனை செய்யப்படுகிறது. ரூ.6.49 லட்சம் விலையில் இருந்து துவங்கும் கிராண்ட் ஐ10 நியோஸ் ஆனது நகர பயன்பாட்டிற்கு ஏற்ற சுத்திகரிக்கப்பட்ட மற்றும் வசதியான கார் விரும்புபவர்களுக்கு இது ஒரு சிறந்த தேர்வாக உள்ளது.

மாருதி சுஸுகி ஸ்விஃப்ட் (Maruti Suzuki Swift): ஸ்போர்ட்டியான வடிவமைப்பு மற்றும் திறமையான என்ஜின் கொண்ட மாருதி சுஸுகி ஸ்விஃப்ட் கடந்த 2024ஆம் ஆண்டில் அப்கிரேட் செய்யப்பட்டது. 7 அங்குல டச்ஸ்கிரீன் இன்ஃபோடெயின்மென்ட் சிஸ்டம் மற்றும் இரட்டை ஏர்பேக்குகளுடன் வரும் ஸ்விஃப்ட் காரில் பவர் விண்டோஸ் & மிரர்ஸ் வழங்கப்படுகின்றன. ஸ்விஃப்ட் கார்களின் விலைகள் ரூ.5.79 லட்சத்தில் இருந்து துவங்குகின்றன. நகரப் பயணிகளுக்கும், நம்பகமான மற்றும் திறமையான கார் தேடும் முதல்முறையாக கார் வாங்குபவர்களுக்கும் இது ஏற்றது.

மாருதி சுஸுகி டிசையர் (Maruti Suzuki Dzire): நல்ல மைலேஜ் மற்றும் விசாலமான கேபின் கொண்ட பிரபலமான செடான் (Sedan) ரக கார் இது ஆகும். பவர் விண்டோஸ் & மிரர்ஸ் உடன் உருவாக்கப்படும் இதன் இசட்.எக்ஸ்.ஐ+ (ZXi+) வேரியண்ட், கீலெஸ் என்ட்ரி போன்ற பிரீமியம் வசதிகளை பட்ஜெட்டுக்குள் வழங்குகிறது. ரூ.6.26 லட்சம் முதல் ரூ.9.31 லட்சம் வரையிலான விலைகளில் இதன் வேரியண்ட்கள் கிடைக்கின்றன. குடும்பமாக பயணம் செய்ய விரும்புபவர்களுக்கும், செடானின் விசலாமான உட்புற இடவசதியை விரும்புபவர்களுக்கும் இது ஒரு நல்ல சாய்ஸ் ஆகும்.

ரெனால்ட் டிரைபர் (Renault Triber): இது பத்து லட்ச ரூபாய்க்குள் கிடைக்கும் 7 இருக்கைகள் கொண்ட எம்பிவி (MPV) ரக கார் ஆகும். இதன் டாப் வேரியண்ட்களில் அகலமான இருக்கைகள் மற்றும் டச்ஸ்கிரீன் இன்ஃபோடெயின்மென்ட் சிஸ்டம் போன்ற வசதிகள் வழங்கப்படுகின்றன. இதன் விலைகள் ரூ.5.76 லட்சத்தில் இருந்து தொடங்குகிறது. பட்ஜெட்டுக்குள் கூடுதல் இருக்கை வசதி தேவைப்படும் குடும்பங்களுக்கு இது சிறந்ததாக இருக்கும்.

டிரைவ்ஸ்பார்க் கருத்து: பவர் விண்டோஸ் & மிரர்ஸ் கிட்டத்தட்ட அனைத்து கார்களிலும் ஸ்டாண்டர்ட் அம்சமாக மாறிவிட்டன. ஹேட்ச்பேக், எஸ்யூவி, செடான், எம்பிவி என பல்வேறு விதமான உடலமைப்புகளில் இந்த கார்கள் விற்பனை செய்யப்படுகின்றன. இந்த தொகுப்பில் அவற்றுள் சிறந்த மற்றும் விலை குறைவான கார்களை மட்டுமே பார்த்துள்ளோம்.