கார் ஆண்டெனா எல்லாம் இப்போ ரொம்ப மாறிடுச்சு! 10 லட்ச ரூபாய்க்குள் கார் வாங்கினாலும் இப்படி கிடைக்குது!

இந்தியாவில் ரூ.10 லட்சத்திற்குள் மேற்கூரையில் சுறா துடுப்பு வடிவிலான ஆண்டெனா (Shark-fin Antenna) உடன் பல சிறந்த கார்கள் தற்போது சந்தையில் கிடைக்கின்றன. இந்த நவீன மற்றும் ஸ்டைலான ஆண்டெனாக்கள், நடுத்தர முதல் உயர் ரக வேரியண்ட்களில் இடம்பெற்று, கார்களுக்கு கவர்ச்சியான தோற்றத்தை அளிக்கின்றன. பட்ஜெட்டுக்குள் ஷார்க்-ஃபின் ஆண்டெனா உடன் கார் தேடுபவர்களுக்கு, சில சிறந்த விருப்பங்கள் இங்கே...

டாடா பன்ச் (Tata Punch): இந்த டாடா மைக்ரோ-எஸ்யூவி கார் அதன் அட்வென்ச்சர் எஸ் (Adventure S) வேரியண்ட்டில் இருந்து ஷார்க்-ஃபின் ஆண்டெனாவை வழங்குகிறது. இதே வேரியண்ட்டில், சன்ரூஃப், ஆட்டோ ஹெட்லேம்ப்ஸ் மற்றும் மழை வருவதை உணர்ந்து செயல்படும் வைப்பர்கள் போன்ற வசதிகளும் கிடைக்கின்றன. மேலும், இந்த கார் பட்ஜெட் விலையில் பல அத்தியாவசிய அம்சங்களை உள்ளடக்கியுள்ளது.

ஹூண்டாய் எக்ஸ்டர் (Hyundai Exter): பன்ச் காருக்கு போட்டியாக களமிறங்கிய ஒரு மைக்ரோ-எஸ்யூவி கார் இது ஆகும். இதன் உயர் ரக வேரியண்ட்களில் ஷார்க்-ஃபின் ஆண்டெனா வழங்கப்படுகிறது. மேலும், குரல் மூலமாக செயல்படும் சன்ரூஃப் மற்றும் டாஷ்கேம் போன்ற நவீன அம்சங்களும் எக்ஸ்டரின் இந்த வேரியண்ட்களில் உள்ளன.

டாடா அல்ட்ராஸ் (Tata Altroz): டாடாவின் பிரீமியம் ஹேட்ச்பேக் காரான இதன் உயர் வேரியண்ட்களில் ஷார்க்-ஃபின் ஆண்டெனாவை கொண்டுள்ளது. மேலும், குரல் மூலமாக செயல்படும் எலக்ட்ரிக் சன்ரூஃப் மற்றும் 7-இன்ச் டச் ஸ்கிரீன் இன்ஃபோடெயின்மென்ட் சிஸ்டம் போன்ற வசதிகளுடனும் இந்த கார் வருகிறது.

ஹூண்டாய் கிராண்ட் ஐ10 நியோஸ் (Hyundai Grand i10 NIOS): இந்த ஹூண்டாய் ஹேட்ச்பேக் காரின் ஸ்போர்ட்ஸ் (Sportz) வேரியண்ட்டிலும், அதன் செடான் சகோதரியான அவ்ரா (Aura) காரின் உயர் வேரியண்ட்களிலும் ஷார்க்-ஃபின் ஆண்டெனா ஒரு நிலையான அம்சமாக உள்ளது. ரூஃப் ரெயில்கள் மற்றும் ரியர் கேமரா போன்ற கூடுதல் வசதிகளும் இதில் கிடைக்கின்றன.

டாடா நெக்ஸான் (Tata Nexon): இந்தியாவின் பிரபலமான காம்பாக்ட் எஸ்யூவி காரான இதன் ஸ்மார்ட்+ எஸ் (Smart+ S) வேரியண்ட்டில் இருந்து ஷார்க்-ஃபின் ஆண்டெனா வழங்கப்படுகிறது. இந்த வேரியண்ட் ரூ.10 லட்சத்திற்கும் குறைவான விலையில் கிடைக்கிறது. நெக்ஸானின் எக்ஸ்-ஷோரூம் விலைகள் ரூ.7.32 லட்சத்தில் இருந்து ரூ.14.15 லட்சம் வரை உள்ளன.

கியா சொனட் (Kia Sonet): இந்த தென் கொரியன் ஸ்டைல் எஸ்யூவி காரில் 'எச்டிகே' (HTK) போன்ற குறைந்த ரக வேரியண்ட்களிலேயே ஷார்க்-ஃபின் ஆண்டெனா ஆனது வெளிப்புற அம்சமாக வழங்கப்படுகிறது. சொனட் காரின் எக்ஸ்-ஷோரூம் விலைகள் தற்சமயம் ரூ.7.32 லட்சத்தில் இருந்து ரூ.14.15 லட்சம் வரை உள்ளன.

மாருதி சுஸுகி டிசையர் (Maruti Suzuki Dzire): இந்த செடானின் 'இசட்.எக்ஸ்.ஐ+' (ZXi+) வேரியண்ட்டில் ஷார்க்-ஃபின் ஆண்டெனா ஒரு சிறப்பம்சமாக வழங்கப்படுகிறது. இதுவும் ரூ.10 லட்சம் பட்ஜெட்டிற்குள் வருகிறது. இதேபோல், மஹிந்திரா எக்ஸ்யூவி 3எக்ஸ்ஓ (Mahindra XUV 3XO) காம்பாக்ட் எஸ்யூவி காரிலும் (எம்.எக்ஸ்2 புரோ' (MX2 Pro) மற்றும் உயர் வேரியண்ட்களில் சிங்கிள்-பேனல் எலக்ட்ரிக் சன்ரூஃப் மற்றும் ஷார்க்-ஃபின் ஆண்டெனா வழங்கப்படுகிறது. இதன் விலையும் பட்ஜெட்டுக்குள் அடங்கும்.

டிரைவ்ஸ்பார்க் கருத்து: சுறா துடுப்பு வடிவிலான ஆண்டெனா அம்சமானது, இந்த கார்களில் குறிப்பிட்ட வேரியண்ட்களில் மட்டுமே ரூ.10 லட்சம் விலைக்குள் கிடைக்கலாம். எனவே, காரை வாங்கும் முன் நீங்கள் விரும்பும் காரின் வேரியண்ட் மற்றும் டிரான்ஸ்மிஷன் வகைக்குரிய சரியான அம்சங்களை சரிபார்ப்பது முக்கியம்.