கம்மி விலை கார்களுக்கு இனி 5 ஸ்டார் ரேட்டிங் கிடைக்காது! இனி இந்த அம்சத்தையும் செக் பண்ண போறாங்க

இந்தியாவின் வாகன பாதுகாப்பு சோதனையில், மோதல் பாதுகாப்பு மதிப்பீடுகளில் மேம்பட்ட டிரைவர் உதவி அமைப்புகள் (ADAS) ஐ இணைக்கும் பாரத் NCAP 2.0 ஐ அறிமுகப்படுத்தியுள்ளது. இந்த அப்டேட்டை இந்திய ஆட்டோமொபைல் ஆராய்ச்சி அசோசியேஷன் (ARAI)செய்துள்ளது. பெங்களூரில் நடந்த ADAS ஷோவில் ARAI இன் துணை இயக்குநர் உஜ்வலா கர்லே, இந்த புதிய மாற்றத்தில் தொடர்ந்து நடந்து வரும் பணிகளை உறுதிப்படுத்தினார்.

ADAS அம்சங்கள் புதிய கார் மாடல்களில் அதிகரித்து வருகின்றன. ஹூண்டாய், கியா, எம்ஜி, டாடா மோட்டார்ஸ், ஹோண்டா மற்றும் மஹிந்திரா போன்ற பிராண்டுகள் இந்த தொழில்நுட்பங்களுடன் பொருத்தப்பட்ட குறைந்த விலை வாகனங்களை விற்பனை செய்கின்றன. ADAS பிரபலமடைவதால், மேலும் உற்பத்தியாளர்கள் தங்கள் தயாரிப்புகளில் இந்த சிஸ்டத்தை ஒருங்கிணைக்க விருப்படுகிறார்கள்.

இதில் முக்கிய சாவல் இந்திய ஓட்டுநர் நிலைமைகளுக்கு ஏற்றவாறு ADAS அம்சங்களை உருவாக்குவதாகும். இந்த சிஸ்டம் மற்ற நாடுகளில் கிடைப்பது போல் அல்லாமல், உள்ளூர் பயன்பாட்டிற்கு ஏற்றவாறு மேம்படுத்தப்பட வேண்டும் என்று கர்லே எடுத்துரைத்தார். "நாம் இந்த சிஸ்டம் ஆன் செய்யப்பட்ட நிலையில் மட்டுமே இருக்க விரும்பவில்லை, உண்மையில் தேவைப்படும் போது ஆஃப் செய்யும் அம்சம் வேண்டும்," என்று அவர் கூறினார்.

ADAS என்பது டிரைவர்களுக்கு உதவ வடிவமைக்கப்பட்ட பல்வேறு புத்திசாலித்தனமான வாகன அம்சங்களை உள்ளடக்கியது. இவற்றில் லேன்-கீப் அசிஸ்ட், தகவமைப்பு பயணக் கட்டுப்பாடு மற்றும் ஆட்டோமெட்டிக் எமர்ஜென்ஸி பிரேக்கிங் ஆகியவை உள்ளன. இந்தியாவில், லெவல் 2 அடாஸ் தொழிற்நுட்பம் தற்போது கிடைக்கிறது. இருப்பினும், பயனர் எதிர்பார்ப்புகள் மற்றும் ஓட்டுநர் விருப்பங்களை பூர்த்தி செய்ய சில விஷயங்களை சரிசெய்தல் அவசியம்.

ARAI 2023 ஏப்ரலில் தொடங்கப்பட்ட பாரத் நியூ கார் அசெஸ்மென்ட் பிரோகிராம் (NCAP) உலகளாவிய NCAP தரங்களைப் பின்பற்றுகிறது. இது மோதல் சோதனை செயல்திறன் அடிப்படையில் பயணிகள் வாகனங்களை மதிப்பீடு செய்து இந்திய கார் தயாரிப்பாளர்களுக்கான ஏற்றுமதி சாத்தியக்கூறுகளை அதிகரிக்கிறது. இதுவரை இந்த முயற்சியின் கீழ் 14 கார்கள் சோதிக்கப்பட்டுள்ளன.

ஸ்கோடா கைலாக் மற்றும் மஹிந்திரா எக்ஸ்யூவி 9e போன்ற மாடல்கள் பாரத் NCAP இலிருந்து 5-ஸ்டார் பாதுகாப்பு ரேட்டிங்கை பெற்றுள்ளன. இந்த திட்டம் சர்வதேச அளவுகோல்களுடன் இணைந்து வாகன பாதுகாப்பு தரங்களை மேம்படுத்தும் நோக்கம் கொண்டது. இதனால் வாகனங்கள் சாலையில் பயணிக்கும் போது பாதுகாப்பான பயணத்தை வழங்கும்.

பாரத் NCAP 2.0 இல் ADAS ஐ ஒருங்கிணைப்பது இந்தியாவில் வாகன பாதுகாப்பு சோதனையில் குறிப்பிடத்தக்க முன்னேற்றத்தைக் குறிக்கிறது. தொழிற்நுட்பம் முன்னேறும்போது மற்றும் மேலும் வாகனங்கள் இந்த சிஸ்டத்தை கொண்டிருக்கும்போது, ​​இந்திய சாலைகளுக்கு அவற்றை திறம்பட மாற்றியமைப்பதில் கவனம் இருக்கும்.

டிரைவ்ஸ்பார்க் கருத்து: இந்த முயற்சி உள்நாட்டு வாகன பாதுகாப்பை மேம்படுத்துவது மட்டுமல்லாமல், கடுமையான பாதுகாப்பு தரங்களை பின்பற்றுவதன் மூலம் இந்திய உற்பத்தியாளர்களை உலகளாவிய சந்தைகளில் போட்டித்தன்மையுடன் நிலைநிறுத்துகிறது. இதனால் இந்திய கார்களுக்கு சர்வதேச அளவில் மிகப்பெரிய வரவேற்ப்பு கிடைக்கும். இனி வாகன உற்பத்தியாளர்கள் எளிதாக தங்கள் காருக்கு 5 ஸ்டார் ரேட்டிங்கை பெற முடியாது. அடாஸ் தொழிற்நுட்பத்தை மேம்படுத்தினால் மட்டுமே 5 ஸ்டார் ரேட்டிங் கிடைக்கும்.