குட்டியூண்டு இவி காரை இதுவரை 30,000 பேர் புக் பண்ணிட்டாங்க! இதுல என்னதான் இருக்குது?

இந்தியாவில் எலெக்ட்ரிக் வாகனங்களுக்கான (EVs) தேவை அதிகரித்து வருகிறது, அதிக விலை மாடல்களை விட குறைந்த விலை கார்களை வாடிக்கையாளர்கள் விரும்புவதைக் காண முடிகிறது. இந்த சூழலில், ஜென்சோல் இவி குறிப்பிடத்தக்க வாகனத்தை தயார் செய்துள்ளது. இந்நிறுவனம் டாக்ஸி சேவைகளுக்காக வடிவமைக்கப்பட்ட 3வீலர் வாகனத்தை வெளியிட்டுள்ளது, இது இரண்டு சீட்டுகள் மட்டுமே கொண்டுள்ளது.

ஜென்சோல் இவியின் இணை நிறுவனர் மற்றும் சிஇஓ பிரதீக் குப்தா, சமீபத்தில் நடந்த இந்தியா மொபிலிட்டி குளோபல் எக்ஸ்போவில் ஊடகத்தினரிடம் தனது கருத்துக்களைப் பகிர்ந்து கொண்டார். அவர்களின் இஜியோ எலெக்ட்ரிக் கார் மற்றும் இஜியோபாட் கார்கோ தளம் இணைந்து 30,000 ஆர்டர்களைப் பெற்றுள்ளதாக அவர் தெரிவித்தார். இந்த சாதனை செலவு குறைந்த EV வாகனங்களுக்கு அதிகரித்து வரும் ஆர்வத்தை எடுத்துக்காட்டுகிறது.

குப்தா, ப்ளூஸ்மார்ட்டு நிறுவனத்திடம் ஒப்பந்தம் மேற்கொள்ள நடந்த பேச்சுவார்த்தை நம்பிக்கைக்குரியதாக இருந்ததாகக் குறிப்பிட்டார். கூடுதலாக, ஓலாவின் திட்ட குழு இவி கார்களுக்கான வாய்ப்புகளை ஆராய்வதற்காக தொடர்பு கொண்டது. இந்த தொடர்புகள் ஜென்சோல் B2B மார்கெட்டை தீவிரமாகக் கருத்தில் கொள்ள வழிவகுத்தன. விலை நிர்ணயம் மற்றும் வாகன செயல்பாட்டு செலவுகள் வாகன ஓட்டுனர்களின் மொத்த செலவுகளை 40% வரை குறைக்கக்கூடும் என்று அவர் கூறியுள்ளார்.

இஜியோ கார் 2025 ஆம் ஆண்டின் இரண்டாம் பாதியில், முதலில் பெங்களூரில், பின்னர் டெல்லி மற்றும் பிற முக்கிய மார்கெட்களில் அறிமுகப்படுத்தப்பட உள்ளது. அதே நேரத்தில், அதன் கார்கோ வேரியன்டான, இஜியோபாட், 2026 இல் அறிமுகப்படுத்தப்படும். நம்பகத்தன்மை மற்றும் செயல்திறனை உறுதிப்படுத்தும் வகையில், இந்நிறுவனம் வெவ்வேறு நிலைமைகளில் கடுமையான சோதனைகளை மேற்கொண்டுள்ளது.

ஜென்சோலின் வாகனங்கள் ஜெய்ஸல்மரின் வெப்பத்திலிருந்து மேற்கு தொடர்ச்சி மலையின் கனமான மழைக்காலம் வரை விரிவான சோதனைகளை மேற்கொண்டுள்ளன. இந்த முழுமையான மதிப்பீடு வெற்றிகரமான ARAI சான்றிதழைப் பெற்றது. குறிப்பிடத்தக்க வகையில், இந்த கார்களின் பேட்டரிகள் இப்போது 800-1,000 சுழற்சிகளை விட 3,000 சார்ஜிங் சுழற்சிகளை தாங்கும் திறன் கொண்டவையாக அப்டேட் செய்யப்பட்டுள்ளது.

இந்த முன்னேற்றம் வாகன ஓட்டுனர்களுக்கு மிகவும் முக்கியமானது, ஏனெனில் இது பேட்டரி வாழ்நாளை கணிசமாக நீட்டிக்கிறது. LFP பேட்டரிகளுக்கான இரண்டாம் வாழ்நாள் பயன்பாடுகளுக்கான சுற்றுச்சூழல் ஒத்துழைப்பை மேற்கொள்வதையும் இது குறிக்கிறது. 48-வோல்ட் அமைப்பைத் தேர்ந்தெடுப்பது மலம் வாகனப் பயன்பாட்டின் ஐந்து முதல் ஏழு ஆண்டுகளுக்குப் பிறகு எளிதான இந்த பேட்டரியை இரண்டாம் பயன்பாட்டிற்காக பயன்படுத்தலாம்

டிரைவ்ஸ்பார்க் கருத்து: இந்த பேட்டரிகளை மொபைல் டவர் பவர் பேக்கப் மற்றும் பவர் சேமிப்புக்கான நேரடியாக மறுபயன்பாடு செய்யலாம். இந்த புதுமைகள், EV லேண்ட்ஸ்கேப்பில் உருவாகி வரும் ஸ்டபிளிட்டி மற்றும் செலவு குறைப்புக்கான ஜென்சோலின் அர்ப்பணிப்பை எடுத்துக்காட்டுகின்றன.