கருப்பு யானையை களம் இறக்கிய ஹோண்டா! இப்ப சண்டைக்கு வாங்கடான்னு கெத்த நிக்க போறாங்க!

ஹோண்டா கார்ஸ் இந்தியா தனது மிட்-சைஸ் எஸ்யூவி, எலவேட் காரின் இரண்டு சிறப்பு எடிசன்களை அறிமுகப்படுத்தியுள்ளது. பிளாக் எடிஷன் மற்றும் சிக்கினேச்சர் பிளாக் எடிசன் என்று அழைக்கப்படும் இந்த மாடல்களின் விலை முறையே ரூ. 15.51 லட்சம் மற்றும் ரூ. 15.71 லட்சம் (எக்ஸ்-ஷோரூம்) என்ற விலையில் அறிமுகமாகியுள்ளது. இரண்டு எடிசன்களும் கிரிஸ்டல் பிளாக் பெர்ல் வெளிப்புறத்தை கொண்டிருக்கின்றன, இது தனித்துவமான கருப்பு நிற ஃபினிஷ் மற்றும் வடிவமைப்பு அம்சகளுடன் சாதாரண எடிசனிலிருந்து வேறுபடுகிறது.

ஹோண்டா எலவேட்டின் பிளாக் எடிஷன் கருப்பு நிற அலாய் வீல்கள், மேல் கிரில் மீது குரோம் பட்டை, சில்வர் நிற ஸ்கிட் பிளேட், கதவு கீழ் அலங்காரங்க அம்சங்கள் மற்றும் ரூஃப் ரெயில்கள் ஆகியவற்றுடன் தனித்துவமான ஸ்டைலிங்கைக் காட்டுகிறது. டெயில் கேட்டில் உள்ள 'பிளாக் எடிஷன்' லோகோ அதன் பிரத்தியேகத்தை எடுத்துக்காட்டுகிறது. அதேசமயம், சிக்கினேச்சர் பிளாக் எடிஷன் முற்றிலும் கருப்பு வெளிப்புற வடிவமைப்பின் மூலம் இதை மேலும் மேம்படுத்துகிறது.

இரண்டு எடிசன்களிலும், முழு கருப்பு உட்புற வடிவமைப்பு வழங்கப்பட்டுள்ளது முக்கியமானதாகும். இதில் புதிய தையலுடன் கூடிய கருப்பு லெதரெட் சீட்டுகள், கருப்பு கதவு பேட்கள், ஆர்ம்ரெஸ்ட்கள் மற்றும் கருப்பு நிறத்தில் ஃபினிஷ் செய்யப்பட்ட டேஷ்போர்டு ஆகியவை அடங்கும். சிக்கினேச்சர் பிளாக் எடிஷன் அதன் உட்புற ஈர்ப்பை மேம்படுத்த 7 கலர் ஆப்ஷன்களுடன் செட்டப்பை கொண்டுள்ளது.

இரண்டு சிறப்பு எடிசன்களும் எலவேட்டின் டாப்-ஸ்பெக் ZX வேரியன்டை அடிப்படையாகக் கொண்டவை. அவை ஹோண்டாவின் 1.5L i-VTEC 4 சிலிண்டர் பெட்ரோல் இன்ஜினால் இயக்கப்படும் மேனுவல் அல்லது CVT டிரான்ஸ்மிஷன் ஆப்ஷன்களை வழங்குகின்றன. இந்த மாடல்களின் முன்பதிவு இந்தியா முழுவதும் உள்ள ஹோண்டா டீலர்களிடம் தற்போது செய்யப்பட்டு வருகிறது.

CVT எடிசன்களுக்கான டெலிவரி இந்த மாதம் தொடங்கும், அதே நேரத்தில் மேனுவல் எடிசன்களைத் தேர்ந்தெடுக்கும் வாடிக்கையாளர்கள் பிப்ரவரியில் டெலிவரி எதிர்பார்க்கலாம். ஹோண்டா கார்ஸ் இந்தியா லிமிடெட் நிறுவனத்தின் தலைவர் மற்றும் சிஇஓ தகுயா சுமுரா, இந்த எடிசன்கள் குறித்து "தனித்துவமான, பிரீமியம் மற்றும் பிரத்தியேக எஸ்யூவி எடிசனிற்கான தேவை எங்கள் வாடிக்கையாளர்களால் வலுவாக வெளிப்படுத்தப்பட்டது. அதன் காரணமாகவே இந்த எடிசனை வெளியிட்டுள்ளோம்" என்று கூறினார்.

"ஹோண்டா எலவேட் பிளாக் எடிஷன் மற்றும் சிக்கினேச்சர் பிளாக் எடிஷன் துணிச்சலையும் நேர்த்தியையும் உருவகப்படுத்துகின்றன," என்று சுமுரா மேலும் கூறினார். " ஸ்டைல் மற்றும் புதுமை மதிப்பிடுபவர்களுக்கு ஒரு தனித்துவமான வாகனத்தை வழங்கும் நோக்கத்தில் இது உருவாக்கப்பட்டது" எஸ்யூவி பிரிவில் வளர்ந்து வரும் வாடிக்கையாளர் விருப்பங்களைப் பூர்த்தி செய்ய இந்த எடிசன்களை அறிமுகப்படுத்துவதில் அவர் உற்சாகம் அடைவதாக தெரிவித்தார்.

இந்த குறைந்த எண்ணிக்கையிலான எடிசன்கள் போட்டி எஸ்யூவி சந்தையில் தனக்குரிய அம்சங்கள் மற்றும் பிரீமியம் அம்சங்களை தங்கள் வாகனங்களில் விரும்பும் வாடிக்கையாளர்களை குறிவைத்து நீண்ட கால தாக்கத்தை ஏற்படுத்தும் நோக்கத்தில் உள்ளன. இதன் ஆச்சரியமான வடிவமைப்பு மேம்பாடுகள் மற்றும் மேம்பட்ட அம்சங்களுடன், இந்த கார் அடுத்த எஸ்யூவி காரை வாங்குவதில் ஏதாவது சிறப்பானதைத் தேடும் வாடிக்கையாளர்களின் கவனத்தை ஈர்ப்பதாக இருப்பதாக உறுதியளிக்கிறார்கள்.

ஹோண்டாவின் புதிய எலவேட் பிளாக் எடிஷன்கள் அவற்றின் தனித்துவமான ஸ்டைலிங் குறிப்புகள் மற்றும் மேம்பட்ட அம்சங்களுடன் லக்ஸரி எஸ்யூவிகளில் புதிய அணுகுமுறையை வழங்குகின்றன. அவை இந்தியா முழுவதும் உள்ள ஷோரூம்களை இ்நத வாகனம் அடையும்போது, ​​அவற்றின் வாகனங்களில் ஸ்டைல் மற்றும் செயல்திறன் கலவையைத் தேடுபவர்களின் கவனத்தை ஈர்ப்பதாக எதிர்பார்க்கப்படுகிறது.

ஹோண்டா நிறுவனம் நீண்ட நாட்களாக எஸ்யூவி பிரிவில் வாகனங்கள் எதுவும் இல்லாமல் இருந்த நிலையில், தனக்கான இடத்தை பிடிக்க முயற்சி செய்தது. இந்த கார் அறிமுகமானது முதல் மக்கள் மத்தியில் நல்ல வரவேற்பை பெற்றது. இந்த காரின் வடிவமைப்பு முதல் அம்சங்கள் வரை பல விஷயங்கள் மக்களை அதிகம் ஈர்த்தன. இந்நிலையில் இதில் பிளாக் எடிசன் தற்போது அறிமுகமாகியுள்ளது. மக்களை மேலும் இந்த கார் பக்கம் இருக்க உதவும்.

டிரைவ்ஸ்பார்க் கருத்து: ஹோண்டா நிறுவனத்தின் எலவேட் கார் மக்கள் மத்தியில் நல்ல வரவேற்பை பெற்றுள்ளது. தற்போது இதன் பிளாக் எடிசன் அறிமுகமாகியுள்ளது. இந்த கார் தனித்துவமான வாடிக்கையாளர்களை ஈர்ப்பதற்கான ஒரு முயற்சியாக இருக்கிறது. பொதுவாக வாகனங்களில் பிளாக் எடிசன் அறிமுகமாகும் போது அதன் விற்பனை சற்று அதிகரிக்கும். அதன்படி இந்த காரின் விற்பனையும் சற்று அதிகரிப்பதற்கான வாய்ப்புகள் அதிகம் உள்ளன.