செலவு எல்லாம் குறையப்போகுது! இந்த கார்களின் மைலேஜை உயர்த்த வந்தாச்சு புதிய கிட்! விலையும் கம்மி தானா?

ஹோண்டா கார்ஸ் இந்தியா லிமிடெட் (HCIL) அமேஸ் செடான் மற்றும் எலெவேட் SUV கார்களுக்கு ரெட்ரோஃபிட் CNG கிட்ஸ்களை அறிமுகப்படுத்தியுள்ளது. பெட்ரோல் இன்ஜின்களுடன் மட்டுமே வரும் இந்த வாகனங்கள், இப்போது அரசாங்க அங்கீகாரம் பெற்ற கிட்ஸ்கள் மூலம் CNG மாற்றத்திற்கான ஆப்ஷனை வழங்குகின்றன. குறைந்த விலையில் எரிபொருள் என் மாற்று வழியை வழங்குவதன் மூலம் விற்பனையை அதிகரிப்பதே இதன் நோக்கம் ஆகும். இது குறித்த விரிவான விபரங்களை காணலாம் வாருங்கள்.

இந்தியாவில் டீசல் இன்ஜின்கள் குறைவாகி வருவதால், CNG அதன் குறைந்த இயக்க செலவு மற்றும் குறைந்த எரிபொருள் செலவு காரணமாக ஒரு சாத்தியமான மாற்று வழியாக இருக்கிறது. சில உற்பத்தியாளர்கள் தொழிற்சாலையில் பொருத்தப்பட்ட CNG கிட்ஸ்களை வழங்கினாலும், ஹோண்டா டீலர் மட்டத்தில் பொருத்தப்படும் ரெட்ரோஃபிட் கிட்ஸ்களைத் தேர்ந்தெடுத்துள்ளது. இந்த அணுகுமுறை ரெனால்ட்டிலும் பின்பற்றப்படுகிறது. மேலும் நிசான் இதைப் பரிசீலித்து வருகிறது.

மாருதி சுஸூகி, டாடா மோட்டார்ஸ் மற்றும் ஹூண்டாய் போன்ற தொழிற்சாலை பொருத்தப்பட்ட CNG ஆப்ஷன்களை வழங்கும் நிறுவனங்களைப் போலல்லாமல், ஹோண்டாவின் ரெட்ரோஃபிட் கிட்ஸ் அவற்றின் அதிகாரப்பூர்வ வலைத்தளத்தில் பட்டியலிடப்படவில்லை. விலை விவரங்கள் இன்னும் வெளியிடப்படவில்லை. பயிற்சி பெற்ற பணியாளர்களைக் கொண்டு பொருத்தும் செயல்முறையை கையாளும் தேர்ந்தெடுக்கப்பட்ட டீலர்ஷிப்களில் இந்த கிட்ஸ் கிடைக்கும்.

இந்த வாகனங்களுக்கான பதிவு செயல்முறை முதலில் பெட்ரோல் வாகனங்களாகப் பதிவு செய்து, பின்னர் அவற்றை பெட்ரோல்-CNG நிலைக்கு அப்டேட் செய்யப்படுகிறது. இது தொழிற்சாலை பொருத்தப்பட்ட செட்டப்களை விட செயல்முறையை சற்று சிக்கலாக்குகிறது. வாரண்டிக்காக CNG கிட் வழங்குநரிடமிருந்து ஆவணங்கள் தேவைப்படலாம்.

ரெட்ரோஃபிட் கிட்ஸ் தற்போது அமேஸ் மற்றும் எலெவேட் மாடல்களுக்கு மட்டுமே கிடைக்கின்றன. சிட்டி செடான் தவிர. இந்த மாடல்களின் ஏற்கனவே உள்ள கார் உரிமையார்கள் இந்த மாற்றத்தைத் தேர்ந்தெடுக்க முடியுமா அல்லது இது புதிய வாடிக்கையாளர்கள் மட்டுமே இதை வாங்க முடியுமா என்பது தெளிவாக இல்லை. இந்த கிட் பொருத்தப்பட்ட பிறகு மைலேஜ் எவ்வளவு தரும் என்ற விபரங்களும் இல்லை.

இந்த ரெட்ரோஃபிட் கிட்ஸ்களை வழங்க ஹோண்டா எடுத்த முடிவு, தொழிற்சாலை பொருத்தப்பட்ட செட்டப்களுடன் தொடர்புடைய அதிக வளர்ச்சி செலவுகளை ஏற்படுத்தாமல் மாற்று எரிபொருள் ஆப்ஷன்களை வழங்குவதற்கான உற்பத்தியாளர்களிடையே வளர்ந்து வரும் டிரெண்டை பிரதிபலிக்கிறது. இந்த யுத்தி ஹோண்டாவுக்கு சுற்றுச்சூழல் அக்கறை கொண்ட வாடிக்கையாளருக்கு குறைந்த விலை எரிபொருள் கொண்ட வாகனத்தை உருவாக்க முடிகிறது.

இந்த முயற்சி, மார்கெட் தேவைகளுக்கு ஏற்ப மாற்றியமைப்பதிலும், வாடிக்கையாளர்களுக்கு அவர்களின் விருப்பத்தேர்வுகளுக்கும் பட்ஜெட் கட்டுப்பாடுகளுக்கும் ஏற்ப நெகிழ்வான ஆப்ஷன்களை வழங்குவதிலும் ஹோண்டாவின் உறுதிப்பாட்டை எடுத்துக்காட்டுகிறது. கூடுதல் நுகர்வோர் நிலையான மாற்றுகளைத் தேடுவதால், இந்த சிஎன்ஜி கிட் இந்தியாவின் மோட்டார் வாகனத் துறையில் அதிகமாக பிரபலமடையக்கூடும்.

டிரைவ்ஸ்பார்க் கருத்து: இந்திய வாடிக்கையாளர்கள் மத்தியில் மைலேஜ் மிக முக்கியமான விஷயமாக பார்க்கப்படுகிறது. இந்திய வாடிக்கையாளர்கள் அதிக மைலேஜ் தரும் கார்களை விரும்புகின்றனர். மற்ற நிறுவனங்கள் இந்த செக்மெண்டில் உள்ள வாடிக்கையாளர்களை ஈர்க்க ஃபேக்டரியிலேயே பொருத்தப்பட்ட சிஎன்ஜி கார்களை விற்பனைக்கு கொண்டு வரும் நிலையில் ஹோண்டா நிறுவனம் இந்த வித்தியாசமான யுக்தியை கையில் எடுத்துள்ளது. இது நிச்சயம் அதன் வாடிக்கையாளர்களை ஈர்க்கும்.