எக்ஸ்டர்க்கு இப்படி ஒரு பரிதாப நிலைமயா? காம்பேக்ட் எஸ்யூவிகளில் டாப் 10 இது தான்!

2024 டிசம்பரில், இந்தியாவில் காம்பேக்ட் எஸ்யூவி மார்க்கெட் விற்பனையிலும் வாடிக்கையாளர் விருப்பங்களிலும் குறிப்பிடத்தக்க மாற்றங்களைப் பார்த்தது. மாருதி சுஸூகி பிரெஸ்ஸா கார் 35% அதிகமான விற்பனையுடன் இந்த பிரிவை வழிநடத்தியது, டிசம்பர் 2023 இல் 12,844 கார்கள் விற்பனையாகிருந்தது. 2024 டிசம்பரில் 17,336 கார்கள் விற்பனையானது. இது அந்த மாதத்தில் மிகவும் பிரபலமான காம்பேக்ட் எஸ்யூவியாக மட்டுமல்லாமல், இந்தியாவில் அதிகம் விற்பனையான பயணிகள் வாகனமாகவும் மாறியது.

டாடா பஞ்ச் 9% விற்பனை உயர்வைக் கொண்டு 2வது இடத்தைப் பிடித்தது, கடந்த ஆண்டு 13,787 கார்கள் விற்பனையானது தற்போது 15,073 கார்கள் விற்பனையானது. அதன் நிலையான செயல்திறன் மைக்ரோ எஸ்யூவி பிரிவில் அதன் ஈர்ப்பைக் காட்டுகிறது. அதேநேரத்தில், டாடா நெக்ஸான் 11% சரிவை எதிர்கொண்டது. டிசம்பர் 2023ல் 15,284 கார்கள் விற்பனையாகி இருந்ததை விட 13,536 கார்கள் மட்டுமே விற்பனையானது. இந்த சரிவு காம்பேக்ட் எஸ்யூவி துறையில் அதிகரித்து வரும் போட்டியைக் குறிக்கிறது.

மாருதி சுஸூகியின் ஃப்ராங்க்ஸ் கார் 11% வளர்ச்சியுடன் அதன் மேல்நோக்கிய டிரெண்டை தொடர்ந்தது, கடந்த ஆண்டு 9,692 கார்கள் விற்பனையானதை விட டிசம்பர் 2024 இல் 10,752 கார்கள் விற்பனையாகியுள்ளது.

மறுபுறம், ஹூண்டாய் வென்யூ 1% லேசான சரிவைப் பதிவு செய்தது, விற்பனையில் 10,383 இல் இருந்து 10,265 கார்களாக குறைந்தது. வென்யூவின் அடுத்த தலைமுறை தற்போது உருவாக்கப்பட்டு இந்த ஆண்டு பிற்பகுதியில் அல்லது 2026 இல் வெளியிடப்படலாம் என எதிர்பார்க்கப்படுகிறது. அப்படி வெளியானால் நிச்சயம் மிகப்பெரிய மாற்றம் வரும்.

மஹிந்திரா தார் 32% குறிப்பிடத்தக்க அதிகரிப்புடன் நம்பிக்கைக்குரிய வளர்ச்சியைக் காட்டியது, கடந்த ஆண்டின் 5,793 கார்கள் விற்பனை என்ற எண்ணிக்கையை விட தற்போ 7,659 கார்கள் விற்பனையானது. மஹிந்திரா எக்ஸ்யூவி300 கடந்த 2023 டிசம்பரில் 3,550 கார்கள் விற்பனையாகி இருந்து கடந்த டிசம்பரில் 7,000 கார்கள் விற்பனையானது, 97% என்ற அதிவேக வளர்ச்சி விகிதத்துடன் மிகச்சிறப்பாக செயல்பட்டது.

ஹூண்டாய் எக்ஸ்டர் கடந்த ஆண்டின் 7,516 என்ற எண்ணிக்கையை விட 5,270 கார்கள் மட்டுமே விற்பனையானது, 30% என்ற குறிப்பிடத்தக்க அளவுக்கு விற்பனை குறைந்ததால் சவால்களை எதிர்கொண்டது. கூடுதலாக, கியா சோனட் மற்றும் டொயோட்டா டைடர் இரண்டு மாடல்கள் முறையே 3,337 கார்கள் மற்றும் 2,628 கார்கள் என விற்பனை எண்ணிக்கையைப் பதிவு செய்தன.

கீழே உள்ள அட்டவணை இரண்டு தொடர்ச்சியான ஆண்டுகளுக்கான டிசம்பர் மாதத்திற்கான டாப் 10 காம்பேக்ட் எஸ்யூவிகளின் சுருக்கத்தைக் காட்டுகிறது:

டிரைவ்ஸ்பார்க் கருத்து: சுருக்கமாகச் சொல்வதானால், டிசம்பர் காம்பேக்ட் எஸ்யூவிகளுக்கு நிகழ்வுகளால் நிரம்பிய மாதமாக இருந்தது. சில மாடல்கள் வளர்ந்தாலும், மற்றவை சவால்களை எதிர்கொண்டன. மாறிவரும் வாடிக்கையாளர் விருப்பங்களும் இந்த பிரிவில் போட்டி தன்மையும் நிலவும் சூழலில் மாருதி சுசுகி பிரெஸ்ஸா ஒரு தெளிவான வெற்றியாளராக தோன்றுகிறது.