இந்த கார்களை வாங்க ஆளே இல்லை! விலை கம்மியா இருந்தாலும் ஏன் விக்கல தெரியுமா?

2024 ஆம் ஆண்டில், இந்தியாவின் மோட்டார் வாகனத் துறையில் குறிப்பிடத்தக்க விற்பனை எண்களைப் பதிவு செய்தது. 1,89,12,959 டூவீலர்களும், 10,04,856 4 வீலர்களும் விற்பனையாகின. 40 ஆண்டுகளில் முதல் முறையாக, டாடா பஞ்ச் மாரூதி சுஸூகி நிறுவன தயாரிப்புகளை மிஞ்சி, மிக அதிக அளவில் விற்பனையாகும் காராக மாறியது. இருந்தபோதிலும், சில பிரபல மாடல்கள் அதிக விலை மற்றும் அதிகரித்த போட்டியின் காரணமாக விற்பனை குறைந்தது.

ஸ்கோடா சூப்பர்ப், மஹிந்திரா மராஸோ, ஹூண்டாய் ஐயானிக் 5, டொயோட்டா வில்ஃபயர், ஹூண்டாய் டூஸான், டொயோட்டா கேம்ரி, ஃபோக்ஸ்வேகன் டைகுன், ஹோண்டா சிட்டி, ரெனால்ட் க்விட், மாருதி சியாஸ், டாடா டிகோர் மற்றும் மாருதி எஸ்-பிரஸ்ஸோ போன்ற மாடல்கள் குறைந்த அளவிலான விற்பனையை எதிர்கொண்டன. சில மாடல்களின் அதிக விலை வாடிக்கையாளர்களின் ஈர்ப்பை குறைத்தது. மற்றவை 2024 இன் இறுதியில் தேவை குறைவதைப் பார்க்க முடிந்தது.

மார்கெட்டில் பிரீமியம் மற்றும் குறைந்த விலை கார்களின் விற்பனையும் பாதித்தன. டொயோட்டா வெல்ஃபயர் ரூ. 1.22 கோடி முதல் விற்பனையாகி வருகிறது. அதேசமயம் ரெனால்ட் க்விட் ரூ. 4.70 லட்சத்தில் விற்பனையாகி வருகிறது. இந்த இரு கார்களும் வாடிக்கையாளர்களை ஈர்க்க போராடி வருகிறது. அவற்றின் குறைந்து வரும் விற்பனை எண்ணிக்கை 2025 இல் ஒரு கடினமான பாதையை கடந்து செல்ல வேண்டியதை குறிக்கிறது. ஏனெனில் புதிய மாடல்கள் அடிக்கடி மார்கெட்டிற்க்குள் நுழைகின்றன மற்றும் எஸ்யூவிகள் மார்கெட்டில் பிரபலமடைகின்றன.

ரெனால்ட் க்விட், ஆல்டோ கே10 மற்றும் செலீரியோ போன்ற மிகவும் குறைந்த விலை மாருதி மாடல்களிடமிருந்து கடுமையான போட்டியை எதிர்கொண்டது. இதேபோல், மாருதி சியாஸ், டாடா டிகோர் மற்றும் ஹூண்டாய் வெர்னா போன்ற போட்டியாளர்களுக்கு எதிராகவும் போராடியது. மஹிந்திரா மராஸோ, 7- சீட்டர் வகையில் மாரூதி எர்டிகா மற்றும் கியா கேரன்ஸ் கார்களின் விற்பனையை விட பின்தங்கியது.

ஹோண்டா சிட்டி மற்றும் டாடா டயாகோ போன்ற பிற கார்கள் 2024ம் ஆண்டு முழுவதும் ஏற்ற இறக்கமான விற்பனையை சந்தித்தன. வாடிக்கையாளர்களின் ஆர்வத்தை மீண்டும் தூண்ட, புதிய எடிசன்களை அறிமுகப்படுத்தி வாகன நிறுவனங்கள் முயற்சி செய்கின்றன. உதாரணமாக, டாடா 2025 இல் டியாகோவின் புதிய மாடலை அறிமுகப்படுத்த திட்டமிட்டுள்ளது.

மார்கெட் இயக்கவியல் தயாரிப்பாளர்கள் மாறிவரும் வாடிக்கையாளர் ஆப்ஷன்களுக்கு வேகமாக மாற்றிக்கொள்ள வேண்டும் என்பதை சுட்டிக்காட்டுகிறது. அடிக்கடி புதிய வெளியீடுகள் மற்றும் எஸ்யூவிகளின் வளர்ந்து வரும் பிரபலத்துடன் போட்டி தீவிரமடைகையில், வாகன தயாரிப்பு நிறுவனங்கள் தங்கள் மார்கெட் பங்கைத் தக்கவைத்துக்கொள்ள புதுமையாக தயாரிப்புகளை களம் இறக்க வேண்டும்.

இந்த சவால்களுக்கு மத்தியிலும், மோட்டார் வாகனத் தயாரிப்பாளர்கள் வரும் ஆண்டில் புதிய வாகனங்களின் மூலம் வாடிக்கையாளர் ஆர்வத்தை மீண்டும் பெற நம்பிக்கை கொண்டுள்ளனர். போட்டி விலை நிர்ணயம் மற்றும் மேம்படுத்தப்பட்ட அம்சங்களில் கவனம் செலுத்துவதன் மூலம், அவர்கள் விற்பனையை அதிகரித்து இந்தியாவின் பரிணமித்து வரும் மோட்டார் வாகனத் துறையில் தங்கள் நிலையை வலுப்படுத்த விரும்புகிறார்கள்.

டிரைவ்ஸ்பார்க் கருத்து: இந்தியாவில் வாகன தயாரிப்பு நிறுவனங்கள் வாடிக்கையாளர்கள் தேவையை புரிந்து வாகனங்களை களம் இறக்கிய போதிலும் சில வாகனங்கள் போட்டி காரணமாவும், சில வாகனங்கள் விலை காரணமாகவும் அதிக எண்ணிக்கையில் விற்பனையாகவில்லை. ஆனால் அந்நிறுவனங்கள் தங்கள் யுக்தியை மாற்றி வாகனத்தை அப்டேட் செய்யும் பட்சத்தில் 2025ல் அதன் விற்பனை தலை கீழாக மாறலாம்.