இன்னும் புக்கிங்கே ஆரம்பிக்கல! அதுக்குள்ள இவ்வளவு மாசம் வெயிட்டிங் டைம் வந்துடுச்சா?

மஹிந்திரா நிறுவனம், தனது BE 6 மற்றும் XEV 9e மாடல்களுக்கான முன்பதிவுகளை பிப் 14ம் தேதி தொடங்கத் தயாராகி வருகிறது. வாடிக்கையாளர்கள் இரண்டு மாடல்களின் ஒன்பது வேரியன்ட்களில் ஏதேனும் ஒன்றை புக்கிங் செய்யலாம், 2025 பிப்ரவரி 14ம் தேதி காலை 10 மணி முதல், அந்நிறுவனத்தின் வெப்சைட் மூலம் முன்பதிவு துவங்குகிறது. இந்த எலெக்ட்ரிக் வாகனங்களின் டெலிவரி அடுத்த மாதம் தொடங்கும் எனவும், உற்பத்தி படிப்படியாக அதிகரிக்கும் எனவும் அறிவிக்கப்பட்டுள்ளது.

BE 6 6 கலர் ஆப்ஷன்களில் கிடைக்கும்: எவரெஸ்ட் வெள்ளை, டீப் ஃபாரஸ்ட், டாங்கோ ரெட், டெசர்ட் மிஸ்ட், ஃபயர்ஸ்டோம் ஆரஞ்சு மற்றும் ஸ்டெல்த் பிளாக். டாப் வேரியன்ட் பேக் 2 வேரியன்ட் மார்ச் மாத இடைப்பட்ட காலத்தில் வெளியாகும். அதே நேரத்தில் பேக் 2 வேரியன்ட்களின் டெலிவரி இந்தியா முழுவதும் ஜூலை மாதத்திற்குள் எதிர்பார்க்கப்படுகிறது.

மஹிந்திரா BE 6 பேட்டரி கொள்ளளவு மற்றும் அம்சங்களைப் பொறுத்து பல்வேறு விலை ஆப்ஷன்களை வழங்குகிறது. 59 kWh பேட்டரி கொண்ட பேக் ஒன் வேரியன்ட் ரூ. 18.90 லட்சம் விலையில் கிடைக்கிறது. பேக் ஒன் அபவ் ரூ. 20.50 லட்சம் விலையில் உள்ளது. பேக் 2-ல், இந்த கார் ரூ. 21.90 லட்சம் விலையில் கிடைக்கிறது. பேக் 3 செலக்ட் எடிசன் ரூ. 24.50 லட்சம் விலையில் உள்ளது, மேலும் டாப் வேரியன்டான பேக் 3 வேரியன்ட் ரூ. 26.90 லட்சம் விலையில் கிடைக்கிறது (அனைத்து விலைகளும் எக்ஸ்-ஷோரூம்).

மஹிந்திரா நிறுவனம், தனித்தனியாக வீட்டு சார்ஜரை வாங்க விரும்பும் வாடிக்கையாளர்களுக்காக விருப்பமான சார்ஜிங் தீர்வுகளையும் அறிமுகப்படுத்தியுள்ளது. இரண்டு விருப்பங்கள் வழங்கப்படுகின்றன: ரூ. 50,000 விலையில் கிடைக்கும் 7.2 kW சார்ஜர் மற்றும் ரூ. 75,000 விலையில் கிடைக்கும் 11.2 kW யூனிட் ஆகிவை தனியாக விற்பனை செய்யப்படுகிறது.

இந்நிறுவனம், 2025 ஆகஸ்ட் மாதத்திற்குள் பேக் 1 மற்றும் பேக் 1 அபவ் வேரியன்ட்களை டெலிவரி செய்ய திட்டமிட்டுள்ளது, அதே நேரத்தில் வாடிக்கையாளர்கள் அதே ஆண்டின் ஜூன் மாதத்திற்குள் பேக் 3 செலக்ட் மாடல்களை எதிர்பார்க்கலாம். மஹிந்திராவின் படிப்படியான வெளியீட்டுக் கட்டமைப்பு நிலையான வாகன விநியோகத்தை உறுதி செய்வதை நோக்கமாகக் கொண்டுள்ளது.

இரண்டு அல்லது அதற்கு மேற்பட்ட வாகனங்களுக்கான மொத்த ஆர்டர்களை செய்யும் வாடிக்கையாளர்கள் அல்லது நிறுவனங்கள், ஏற்கனவே சார்ஜிங் உள்கட்டமைப்பு இருந்தால், சார்ஜர்களை வாங்குவதைத் தவிர்க்கும் விருப்பம் உள்ளது. இதனால் வாகனத்தின் விலை குறையவும் வாய்ப்புள்ளது. பலர் இந்த ஆப்ஷனை தேர்வு செய்யலாம்.

மஹிந்திரா BE 6, டிரிபிள் ஸ்கிரீன்கள், ஏழு ஏர்பேக்குகள், லெதரெட் ஸ்டீயரிங் வீல் மற்றும் சீட் அப்ஹோல்ஸ்டரி, அடாப்டிவ் சஸ்பென்ஷன் மற்றும் ஸ்டைலான 19 இன்ச் அலாய் வீல்கள் உள்ளிட்ட அற்புதமான அம்சங்களைக் கொண்டுள்ளது. அதிக அம்சங்கள் இருப்பதால் பலர் இந்த வாகனத்தை விரும்பி வாங்கி வருகின்றனர்.

டிரைவ்ஸ்பார்க் கருத்து: இந்த எஸ்யூவிகளின் இந்த புதிய ரேஞ்ச், பல்வேறு வாடிக்கையாளர் தேவைகளுக்கு ஏற்ப பல பேட்டரி கட்டமைப்புகளை வழங்குகிறது. இந்த மாடல்களை அறிமுகப்படுத்துவதில் மஹிந்திராவின் அணுகுமுறை, இந்தியாவின் வளர்ந்து வரும் மோட்டார் வாகன சந்தையில் புதுமையான எலெக்ட்ரிக் வாகன தீர்வுகளை வழங்கும் அவர்களின் உறுதிப்பாட்டை பிரதிபலிக்கிறது.