ஃபேமிலியா போக 7 சீட்டர் கார், கம்மி விலையில் ஒரு கார் என மஹிந்திரா இந்த வருஷத்துலயே 2 இவிய கொண்டு வருதா?

BE 6 மற்றும் XEV 9e ஆகிய எலெக்ட்ரிக் வாகனங்களின் (EV) அறிமுகம் மூலம் எலெக்ட்ரிக்வாகன சந்தையில் வெற்றிகரமாக நுழைந்த மஹிந்திரா நிறுவனம் அடுத்ததாக 3XO EV மற்றும் XEV 7e ஆகிய இரண்டு கூடுதல் எலெக்ரிக் கார்களை இந்த ஆண்டு மார்கெட்டில்ல் அறிமுகப்படுத்த உள்ளது. இந்த விரிவாக்கம், மஹிந்திராவின் எலெக்ட்ரிக் வாகன விற்பனையின் உறுதிப்பாட்டைக் குறிக்கிறது. ஆண்டு இறுதியில் 5 மின்சார மாடல்களை விற்பனையில் வைத்திருக்க திட்டமிட்டுள்ளது.

இந்த புதிய மாடல்களை அறிமுகப்படுத்துவது,குறைந்த விலையில் கார் மாடல்களை தேடுபவர்களிலிருந்து பிரீமியம் எலெக்ட்ரிக் SUVகளை விரும்புபவர்கள் வரை பன்முகமான வாடிக்கையாளர் தளத்தை பூர்த்தி செய்வதற்கான கார் உற்பத்தியாளரின் திட்டத்தை எடுத்துக்காட்டுகிறது. மஹிந்திரா XEV 7e காரை அறிமுகப்படுத்த உள்ளது, இது ஸ்லீக் XEV 9e SUV-கூபே காருக்கு இணையான வடிவமைப்பில் வரவுள்ளது. XEV 9e இலிருந்து வடிவமைப்பு குறிப்புகளைப் பெற்று XUV700 இன் வடிவத்தையும் ஒத்திருக்கும் XEV 7e, 7 சீட்டர் கொண்ட விரிவான உட்புறத்தை வழங்கும் குடும்பங்களை ஈர்க்கும் வகையில் வடிவமைக்கப்பட்டுள்ளது.

3 12.3-இன்ச் டேஷ்போர்டு டிஸ்ப்ளேக்கள், ஆர்க்யூமென்டட் ரியாலிட்டி ஹெட்-அப் டிஸ்ப்ளே (AR-HUD), லைட்மீஅப் ஆம்பியன்ஸ் லைட்டிங், ஆட்டோபார்க் மற்றும் டால்பி அட்மாஸ் உடன் 1,400-வாட், 16-ஸ்பீக்கர் ஹார்மன் கார்டன் சவுண்ட் சிஸ்டம் உள்ளிட்ட XEV 9e இல் காணப்படும் ஆடம்பரமான அம்சங்களை மஹிந்திரா XEV 7e இல் பொருத்துவார் என்று எதிர்பார்க்கப்படுகிறது. கூடுதலாக, இது லெவல் 2+ மேம்பட்ட டிரைவர் உதவி (அடாஸ் சிஸ்டம்) அமைப்புகளை உள்ளடக்கியதாக இருக்கும் என எதிர்பார்க்கப்படுகிறது. இது டிரைவர்கள் மற்றும் பயணிகள் இருவருக்கும் பாதுகாப்பையும் வசதியையும் மேம்படுத்துகிறது.

இரண்டு தனித்துவமான எலெக்ட்ரிக் வாகனங்களை அறிமுகப்படுத்தியதைத் தொடர்ந்து, மஹிந்திரா அதிக குறைந்த விலை வாகன லைன்அப் மீது தனது கவனத்தை மாற்ற திட்டமிட்டுள்ளது. வரவிருக்கும் 3XO EV என்பது குறிப்பிடத்தக்க ரீ இன்ஜினியரிங் முயற்சியாகும், இது முன்னர் பாரம்பரிய பெட்ரோல் மற்றும் டீசல் இன்ஜின்களுடன் விற்பனையாகி வந்த 4 மீட்டருக்குக் குறைவான 3XO SUV காரை எலெக்ட்ரிக் காராக மாற்றுகிறது.

இந்த நடவடிக்கை, மஹிந்திராவின் எலெக்ட்ரிக் வாகன லைன்அப்களை விரிவுபடுத்துவதற்கான திட்டமாக இருக்கிறது, பிரீமியம் மாடல்களைத் தேடுபவர்களாக இருந்தாலும் அல்லது குறைந்த விலை மின்சார வாகனங்களைத் தேடுபவர்களாக இருந்தாலும் ஒவ்வொரு வாடிக்கையாளருக்கும் ஏதாவது ஒரு வாகனம் இருக்க வேண்டும் என அந்நிறுவனம் கருதுகிறது.

3XO EV இன் ஸ்பை படங்கள், மஹிந்திரா வடிவமைப்பு மாற்றங்களில் ஒரு பாரம்பரிய அணுகுமுறையைத் கொண்டதாக இருக்கும் என எதிர்பார்க்கப்படுகிறது. எலெக்ட்ரிக் வேரியன்டி, மூடிய ரேடியேட்டர் கிரில், ஸ்ட்ரீம்லைன் பம்பர்கள் மற்றும் சிறந்த செயல் திறன் கொண்ட வீல்கள் போன்ற EV களுக்கு ஏற்ற குறிப்பிட்ட மாற்றங்களுடன் வரும்.

முக்கியமாகல் 3XO இன் வடிவமைப்பின் பெரும்பகுதியைத் தக்கவைத்துக்கொள்ளும் என்று எதிர்பார்க்கப்படுகிறது. உட்புறம் அதன் ICE காரை போன்றே இருக்கும் என்று எதிர்பார்க்கப்படுகிறது. வேரியன்ட்களில் துணி செட்டப் ஆப்ஷன்கள் மற்றும் இன்ஃபோடெயின்மென்ட் சிஸ்டம் மற்றும் இன்ஸ்ட்ரூமென்ட் கிளஸ்டர் ஆகியவற்றில் EV களுக்கு ஏற்ற செயல்பாடுகளைச் சேர்ப்பது போன்றவையாக இருக்கலாம்.

3XO EV இன் எதிர்பார்க்கப்பட்ட அம்சங்கள் மற்றும் விலை பற்றிய தகவல்களின்படி, இது 35 kWh NMC பேட்டரி பேக் உடன் வரும் என எதிர்பார்க்கப்படுகிறது, இது ஒரே சார்ஜில் கிட்டத்தட்ட 400 கிமீ வரை ரேஞ்ச் சாத்தியமாக்குகிறது. இது விலை அடிப்படையில் XUV400 க்கு கீழே உள்ளது. INR 13.50 முதல் 14 லட்சம் (எக்ஸ்-ஷோரூம்) வரை இருக்கலாம் என எதிர்பார்க்கப்படுகிறது.

இந்த குறைந்த விலை நிர்ணயம், டாடா மோட்டார்ஸின் நெக்ஸான். EV போன்ற போட்டியாளர்களை விட குறைவாக உள்ளது. இது இந்தியாவில் வளர்ந்து வரும் எலெக்ட்ரிக் வாகன மார்கெட்டில் பெரும் பங்கைப் பிடிக்க மஹிந்திராவின் நோக்கத்தை குறிக்கிறது. தற்போது டாடா நிறுவனம் தான் இந்த மார்கெட்டில் மிகப்பெரிய பங்கை வைத்துள்ளது. இன்னும் சில ஆண்டுகளில் டாடா மார்கெட்டின் பங்கின் பெரும் பகுதியை மஹிந்திரா நிறுவனம் கவர்ந்து செல்லக்கூடும் என எதிர்பார்க்கப்படுகிறது.

XEV 7e யின் அறிமுகம் பண்டிகை காலத்தில் தீவிரமாக எதிர்பார்க்கப்படுகிறது. மஹிந்திரா வெவ்வேறு வாடிக்கையாளர் விருப்பங்களைப் பூர்த்தி செய்வதற்காக இரண்டு வாகனங்களிலும் இரண்டு வேரியன்களை வழங்கும் என்று எதிர்பார்க்கப்படுகிறது. பேஸ் வேரியன்ட் 170 kW (228 hp) மற்றும் 380 Nm டார்க் திறனை உற்பத்தி செய்யும் மோட்டாரை, 59 kWh LFP பேட்டரிக்கு இணைத்து, சுமார் 500 கிமீ ரேஞ்சை உறுதிப்படுத்தும்.

மறுபுறம், டாப் வேரியன்ட் 210 kW (282 hp) மற்றும் 380 Nm டார்க் திறனை கொடுக்கும் அதிக சக்தி வாய்ந்த மோட்டாரை, ஒரே சார்ஜில் சுமார் 600 கிமீ ரேஞ்ச் கொண்ட பெரிய 79 kWh LFP பேட்டரிக்கு இணைத்து வழங்கும் என்று எதிர்பார்க்கப்படுகிறது. தொடக்க விலைகள் INR 23 லட்சம் (எக்ஸ்-ஷோரூம்) வரை இருக்கும் என்று எதிர்பார்க்கப்படுகிறது. இது XEV 7e ஐ மஹிந்திராவின் எலெக்ட்ரிக் வாகன வரிசையில் பிரீமியம் வழங்கலாக நிலைநிறுத்துகிறது.

இன்று குடும்பத்துடன் பயணிக்க ஏற்ற காரை மஹிந்திரா நிறுவனம் கொண்டு வந்துள்ள அதே நிலையில் குறைந்த விலை ஆப்ஷனில் ஒரு காரையும் கொண்டு வந்துள்ளது. இதனால் இந்த வாகனங்கள் மக்கள் ஈர்க்கும் வகையில் இருக்கும் என எதிர்பார்க்கப்படுகிறது. நிச்சயம் வாகனங்களின் விற்பனை அதிகமாவதற்கான வாய்ப்புகள் உள்ளன. நீங்கள் புதிதாக எலெக்ட்ரிக் காரை வாங்க வேண்டும் என்ற எண்ணத்தில் இருந்தால் கொஞ்சம் காத்திருங்கள். உங்களுக்கு தேவையான காரை மஹிந்திரா விரைவில் குறைந்த விலையில் கொண்டு வரும் என எதிர்பார்க்கலாம்.

டிரைவ்ஸ்பார்க் கருத்து: குறைந்த விலை மற்றும் பிரீமியம் மாடல்கள் இரண்டையும் கொண்டு எலெக்ட்ரிக் வாகன பிரிவில் மஹிந்திராவின் இந்த விரிவாக்கம், அந் நிறுவனத்தின் பன்முகப்படுத்தல் மற்றும் புதுமைக்கான உறுதிப்பாட்டை எடுத்து காட்டுகிறது. குறைந்த விலை 3XO EV முதல் ஆடம்பரமான XEV 7e வரை பரவலான எலெக்ட்ரிக் வாகனங்களை வழங்கி, மஹிந்திரா இந்திய வாடிக்கையாளர்களின் வளர்ந்து வரும் தேவைகளை பூர்த்தி செய்யத் தயாராக உள்ளது, போட்டி நிறைந்த EV மார்கெட்டில் தனது நிலைப்பாட்டை மேலும் உறுதிப்படுத்துகிறது.