மாதத்திற்கு ஒரு புதிய காரை அறிமுகம் செய்தால் இதுதான் நிலைமை! மஹிந்திராவின் ரேஞ்ச் ஒரே வருடத்தில் மாறி போச்சு!

மஹிந்திரா & மஹிந்திரா (Mahindra & Mahindra) நிறுவனம் கடந்த 2025 அக்டோபர் மாதத்தில் தனது மிக அதிக மாதாந்திர எஸ்யூவி கார்கள் விற்பனையை பதிவு செய்துள்ளது. பண்டிகை கால தேவை மற்றும் அதன் பிரபலமான எஸ்யூவி கார்கள் மீதான வலுவான ஈர்ப்பு ஆகியவை இதற்கு முக்கிய காரணங்கள் ஆகும்.

மேலும், இதனுடன் பண்டிகைக் கால தேவை மற்றும் புதுப்பிக்கப்பட்ட கார்களை அறிமுகப்படுத்தியது போன்ற காரணங்களும் சேர்ந்ததால் 2025 அக்டோபரில் மஹிந்திரா & மஹிந்திரா நிறுவனம் இதுவரை இல்லாத அளவு அதிக எஸ்யூவி கார்கள் விற்பனையை பதிவு செய்துள்ளது. இந்த நிறுவனம் உள்நாட்டு சந்தையில் 71,624 எஸ்யூவி கார்களை விற்பனை செய்துள்ளது.

இது கடந்த ஆண்டை விட 31% அதிகம் ஆகும். ஒட்டுமொத்தமாக, மஹிந்திராவின் மொத்த வாகன விற்பனை எண்ணிக்கை 1 லட்சத்து 20,142 யூனிட்டுகளாகும். ஏற்றுமதியையும் சேர்த்து, மஹிந்திரா கடந்த ஆண்டு அக்டோபரை விட 26% வளர்ச்சியை அடைந்துள்ளது. இதில் மஹிந்திரா எஸ்யூவி-கள், இலகுரக வணிக வாகனங்கள் (3.5 டன்கள் வரை), மூன்று சக்கர வாகனங்கள் மற்றும் வெளிநாட்டு ஏற்றுமதிகள் ஆகியவை அடங்கும்.

ஸ்கார்பியோ-என் (Scorpio-N), எக்ஸ்யூவி700 (XUV700), தார் (Thar), பொலிரோ (Bolero) மற்றும் மஹிந்திராவின் எலெக்ட்ரிக், எதிர்காலத்திற்குத் தயாரான எஸ்யூவி கார்களுக்கான வலுவான தேவை காரணமாக எஸ்யூவி பிரிவு மஹிந்திரா நிறுவனத்தின் முக்கிய வளர்ச்சி ஆதாயமாகத் தொடர்கிறது. மஹிந்திரா எலக்ட்ரிக் ஆட்டோமொபைல் லிமிடெட் நிறுவனத்தின் எலெக்ட்ரிக் வாகனங்களும் கடந்த மாத விற்பனை எண்ணிக்கையில் பங்களித்துள்ளதாக மஹிந்திரா தெரிவித்துள்ளது.

மஹிந்திராவின் கமர்ஷியல் வாகனப் பிரிவும் சிறந்த விற்பனையைப் பதிவு செய்துள்ளது. மஹிந்திராவின் உள்நாட்டு வணிக வாகன விற்பனை 31,741 யூனிட்டுகளாக கடந்த மாதத்தில் பதிவாகி உள்ளது. இது 14% வளர்ச்சியைக் குறிக்கிறது. இதில், 2 டன்கள் முதல் 3.5 டன்கள் வரையிலான இலகுரக கமர்ஷியல் வாகன (LCV) பிரிவில், மஹிந்திராவின் பிரபலமான பொலிரோ மேக்ஸ் உட்பட 27,182 யூனிட்டுகள் விற்பனையாகியுள்ளன.

இது 2024 அக்டோபரை காட்டிலும் 14% வளர்ச்சியாகும். நகர்ப்புற சரக்கு போக்குவரத்திற்குப் பயன்படுத்தப்படும் 2 டன்களுக்கும் குறைவான சிறிய கமர்ஷியல் வாகனங்கள் பிரிவில் 4,559 யூனிட்டுகள் விற்பனையாகி, 2024 அக்டோபரை விட 16% வளர்ச்சி கண்டுள்ளது. மஹிந்திரா லாஸ்ட் மைல் மொபிலிட்டி லிமிடெட் நிறுவனத்தின் கீழ் விற்கப்படும் எலெக்ட்ரிக் மூன்று சக்கர வாகனங்கள் உட்பட, நிறுவனத்தின் மூன்று சக்கர வாகன வணிகமும் வலுவான எண்களை கடந்த மாதத்தில் பதிவு செய்துள்ளது.

மஹிந்திரா 3-சக்கர வாகன விற்பனை எண்ணிக்கை 12,762 யூனிட்டுகளாக உயர்ந்து, 30% வளர்ச்சியைக் குறிக்கிறது. இது டயர்-1, டயர்-2 மற்றும் கிராமப்புற சந்தைகளில் செலவு குறைந்த லாஸ்ட்-மைல் போக்குவரத்து ஆப்ஷன்களின் அதிகரித்த பயன்பாட்டை அடிக்கோடிட்டுக் காட்டுகிறது. கடந்த அக்டோபரில் மஹிந்திரா 4,015 வாகனங்களை வெளிநாடுகளுக்கு ஏற்றுமதி செய்துள்ளது.

இது கடந்த ஆண்டை விட 15% அதிகமாகும். கடந்த ஏப்ரல் முதல் துவங்கிய நடப்பு நிதியாண்டில் அக்டோபர் வரை, மஹிந்திராவின் ஏற்றுமதிகள் 34% அதிகரித்து, மொத்தமாக 24,318 யூனிட்டுகளை எட்டியுள்ளது. இது ஆப்பிரிக்கா, லத்தீன் அமெரிக்கா மற்றும் தெற்காசியாவில் உள்ள முக்கிய சர்வதேச சந்தைகளில் மீண்டும் மஹிந்திரா வாகனங்களுக்கு அதிகரிக்கும் தேவையைக் காட்டுகிறது.

2026 நிதியாண்டின் ஏப்ரல்-அக்டோபர் காலகட்டத்தில் (YTD), மஹிந்திரா விற்பனை செய்த எஸ்யூவி கார்களின் எண்ணிக்கை 3,69,194 யூனிட்டுகள் ஆகும். இது கடந்த ஆண்டு இதே காலகட்டத்தை விட 17% அதிகம். 2 டன்கள் முதல் 3.5 டன்கள் வரையிலான எடை குறைவான கமர்ஷியல் வாகனங்கள் பிரிவு கடந்த 7 மாதங்களில் 1,41,358 யூனிட்கள் விற்பனையைப் பதிவு செய்து, 13% வளர்ச்சியை கண்டுள்ளன.

Passenger Vehicles Sales Summary (Domestic) – October 2025

Commercial Vehicles and 3 Wheelers Sales Summary (Domestic) – October 2025

Exports – October 2025

* Data provided by Mahindra via official press release

டிரைவ்ஸ்பார்க் கருத்து: வலுவான பிராண்ட் ஈர்ப்பு மற்றும் சரியான நேரத்தில் கார்களை புதுப்பிப்பது மூலம் இந்தியாவின் எஸ்யூவி கார்கள் சந்தையில் ஒரு முன்னணி நிறுவனமாக மஹிந்திரா தனது நிலையை தொடர்ந்து வலுப்படுத்தியுள்ளது. இந்த நிறுவனத்தில் இருந்து சமீபத்தில் அறிமுகம் செய்யப்பட்ட புதிய தார், பொலிரோ மற்றும் பொலிரோ நியோ ஆகியவற்றின் புதிய பதிப்புகள் பண்டிகை காலத்தில் நுகர்வோர் ஆர்வத்தை புதுப்பிக்க பங்களித்துள்ளன.