23 கி.மீ மைலேஜ்! 7 பேர் போகலாம்! இன்னோவாக்கு போட்டியா வந்த கார் இது! வெறும் 200 பேர் தான் வாங்கியிருக்காங்க

இந்தியாவின் முன்னணி வாகன உற்பத்தியாளரான மாருதி சுஸூகி, நாட்டின் மிகப்பெரிய கார் பிராண்ட் ஃபோலியோவை கொண்டுள்ளது. தற்போது 17 வெவ்வேறு மாடல்களை நிறுவனம் விற்பனை செய்கிறது. இந்த வாகனங்களில் பல அதிக தேவை உள்ளபோதிலும், சில வாடிக்கையாளர்களை ஈர்ப்பதில் போராடுகின்றன. ஏப்ரலில், நான்கு மாடல்களின் விற்பனை 1,000 கார்களுக்குக் குறைவாக இருந்தது. இவற்றில், இன்விக்டோ மிகக் குறைந்த விற்பனையை பதிவு செய்தது.

கடந்த மாதம் இன்விக்டோவின் விற்பனை, ஜிம்னி மற்றும் சியாஸ் ஆகியவற்றை விடக் குறைவாக, வெறும் 201 வாகனங்களாக இருந்தது. டொயோட்டா இன்னோவா ஹைகிராஸ் தளத்தில் உருவாக்கப்பட்ட இந்த மாடலில், ரூ. 1.25 லட்சம் தள்ளுபடியை மாருதஇ நிறுவனம் வழங்குகிறது. அதன் எக்ஸ்-ஷோரூம் விலை ரூ. 25.51 லட்சமாக உள்ளது.

நவம்பர் 2024 முதல் ஏப்ரல் 2025 வரை மாருதில் இன்விக்டோவின் மாதாந்திர விற்பனை புள்ளிவிவரங்களை கீழே உள்ள அட்டவணையில் காணலாம்:

மாருதி இன்விக்டோ 2.0 லிட்டர் TNGA இன்ஜினுடன், இன்டலிஜென்டான எலெக்ட்ரிக் ஹைப்ரிட் சிஸ்டம் மற்றும் E-CVT கியர்பாக்ஸ் ஆகியவற்றை கொண்டுள்ளது. இந்த சேர்க்கை 183hp பவர் அவுட்புட் மற்றும் 1250Nm டார்க் திறனை கொடுக்கிறது. இந்த வாகனம் வெறும் 9.5 வினாடிகளில் 0ல் இருந்து 100 kmph வேகத்தை அடைய முடியும்.

இந்த மாடல் லிட்டருக்கு 23.24 கி.மீ வரை அசத்தலான எரிபொருள் திறனை வழங்குகிறது. அதன் இணையான டொயோட்டா இன்னோவா போலவே, இது ஏழு சீட் செட்டப்பைக் கொண்டுள்ளது. வெளிப்புற வடிவமைப்பில் பல்கான கிளாம்ஷெல் பானட், மெல்லிய LED ஹெட்லைட்கள் DRL உடன், குரோம் பட்டைகளால் அலங்கரிக்கப்பட்ட ஹெக்ஸகனல் கிரில், அகலமான ஏர் டாம் மற்றும் சில்வர் ஸ்கிட் பிளேட்கள் ஆகியவை அடங்கும்.

உட்புறம் டுயல்-டோன் டேஷ்போர்டால் வடிவமைக்கப்பட்டுள்ளது, லெதர் அப்ஹோல்ஸ்டரியுடன் கூடிய பவர் ஆட்டோமேன் சீட்கள் உள்ளன. ஒரு பனோரமிக் சன்ரூஃப் ஒருங்கிணைந்த உட்புற லைட்டுகளுடன் கேபினின் சூழ்நிலையை மேம்படுத்துகிறது. கூடுதல் அம்சங்களில் மல்டி-ஸோன் கிளைமேட் கண்ட்ரோல் மற்றும் ஒரு மல்டிஃபங்க்ஷனல் ஸ்டியரிங் வீல் ஆகியவை அடங்கும்.

மாருதி சுஸூகி இன்விக்டோ வசதிக்காக ஒரு டச் பவர் டெயில் கேட்டையும் வழங்குகிறது. 6 ஏர்பேக்குகள் மற்றும் அந்நிறுவனத்தின் அடுத்த தலைமுறை சுஸூகி கனெக்ட் சிஸ்டம் ஆகியவற்றுடன் பாதுகாப்பு முன்னுரிமை அளிக்கப்படுகிறது. இந்த வாகனம் 4755 மிமீ நீளம், 1850 மிமீ அகலம் மற்றும் 1795 மிமீ உயரம் ஆகிய அளவுகளை கொண்டது. இந்த காரில் 7 பேர் தாராளமாக பயணம் செய்யலாம்.

டிரைவ்ஸ்பார்க் கருத்து: காரில் வசதிக்காக எட்டு வழியில் அட்ஜெஸ்ட் செய்யக்கூடிய பவர்டு வென்டிலேட்டட் சீட்டுகள் உள்ளன. முன் சீட்டுகள், இரண்டாவது வரிசையில் கேப்டன் சீட்டுகள், பக்க மடிப்பு மேஜைகள் மற்றும் மூன்றாவது வரிசைக்கு ஒரு-டச் வாக்-இன் ஸ்லைடு எண்ட்ரி ஆகிய அம்சங்கள் உள்ளன. மாருதி சுஸூகி இன்விக்டோ, இந்தியாவின் போட்டித்தன்மை வாய்ந்த வாகன மார்கெட்டில் பல்வேறு வாடிக்கையாளர் தேவைகளை பூர்த்தி செய்ய மேம்பட்ட தொழில்நுட்பத்துடன் நடைமுறை அம்சங்களை இணைக்கிறது.