டாடா, ஹூண்டாய் கம்பெனிக்கு இப்பவே பயம் தொற்றிக் கொள்ள ஆரம்பித்து இருக்கும்! மாருதி புதுசா உருவாக்கும் கார்...

2026 மாருதி சுஸுகி பிரெஸ்ஸா ஃபேஸ்லிஃப்ட் (Maruti Suzuki Brezza Facelift) மீண்டும் ஒருமுறை சோதனை ஓட்டத்தின் போது அடையாளம் காணப்பட்டுள்ளது. இந்த முறை, மணாலி அருகே மாருதி ஜிம்னியுடன் சேர்ந்து சோதனை செய்யப்பட்டபோது கேமரா கண்களில் புதிய பிரெஸ்ஸா ஃபேஸ்லிஃப்ட் கார் கண்ணில் சிக்கியது. இந்த சோதனை ஓட்டத்தில் ஒவ்வொரு புதிய பார்வையும் மாருதியின் வரவிருக்கும் காம்பாக்ட் எஸ்யூவி பற்றிய மேலும் பல விவரங்களை வெளிப்படுத்தி உள்ளன.

சமீபத்திய ஸ்பை படங்கள் (Spy Images), திருத்தப்பட்ட லைட்டிங் ஹைலைட்கள் மற்றும் முற்றிலும் புதிய அலாய் சக்கர வடிவமைப்பு உள்ளிட்ட புதிய வெளிப்புறப் புதுப்பிப்புகளைக் காட்டுகின்றன, இது முன்னர் எதிர்பார்த்ததை விட பெரிய அளவிலான மேம்படுத்தலைக் பிரெஸ்ஸா காரில் குறிக்கிறது. காரின் வெளிப்புற தோற்றத்தில் குறிப்பிடத்தக்க மாற்றங்கள் காணப்படுகின்றன.

முழுவதும் மறைக்கப்பட்டிருந்தாலும், இந்த புதிய சோதனை ஓட்ட பிரெஸ்ஸா காரில் மறுவடிவமைக்கப்பட்ட ஹெட்லேம்ப்கள் மற்றும் டெயில்லேம்ப்கள் தெளிவாகத் தெரிகின்றன. இவற்றுள் உட்புற பல்ப்களின் வடிவங்கள் தற்போதைய பிரெஸ்ஸாவில் இருந்து வேறுபட்டிருப்பதால், மாருதி கூர்மையான எல்இடி டிஆர்எல்களையும், பிரீமியம் டெயில்லைட் அமைப்பையும் அறிமுகப்படுத்தும் என எதிர்பார்க்கப்படுகிறது. இது போட்டி நிறைந்த எஸ்யூவி கார்கள் பிரிவில் பிரெஸ்ஸாவை தொடர்ந்து வலிமையாக நிலைநிறுத்த உதவும்.

புதிய கருப்பு நிற சுழல் வடிவமைப்புடன் கூடிய அலாய் சக்கரங்களும் புதுமையாக உள்ளன. முந்தைய ஸ்பை படங்களில், பழைய சக்கரங்கள் கருப்பு நிறத்தில் பெயிண்ட் செய்யப்பட்டுப் பயன்படுத்தப்பட்டன. ஆனால் இப்போது முற்றிலும் புதிய அலாய் சக்கரங்கள் காணப்படுகின்றன. பக்கவாட்டில் இருந்து பார்க்கும்போது, சதுரமான வீல் ஆர்ச்கள், வலுவான ஷோல்டர் லைன்கள் மற்றும் ரூஃப் ரெயில்களுடன் ஒட்டுமொத்த எஸ்யூவி வடிவம் வழக்கமானதாகவே உள்ளது.

இருப்பினும், பம்பர்கள் மற்றும் கிளாடிங்கில் சில மாற்றங்கள் இருக்கலாம் என மறைப்பு உணர்த்துகிறது. இது பிரெஸ்ஸா ஃபேஸ்லிஃப்ட்டிற்கு புதிய அடையாளத்தைத் தரும். உட்புறம் இன்னும் கேமராவில் பதிவாகாத நிலையில், 2026 பிரெஸ்ஸா ஃபேஸ்லிஃப்ட் பெரிய அளவிலான உட்புறப் புதுப்பிப்புகளைப் பெறும் என எதிர்பார்க்கப்படுகிறது. மாருதி நிறுவனம் ஒரு பெரிய 10.1 இன்ச் டச்ஸ்கிரீன், மேம்படுத்தப்பட்ட இன்ஸ்ட்ரூமென்ட் கிளஸ்டர் திரையை உட்புறத்தில் டாஷ்போர்டில் பெற்றுவர உள்ளது.

இவற்றுடன், வென்டிலேட்டட் இருக்கைகள், மேம்படுத்தப்பட்ட ஆடியோ சிஸ்டம் மற்றும் தரமான உட்புறப் பொருட்களை மாருதி சுஸுகி அறிமுகப்படுத்தலாம் என்று தகவல்கள் தெரிவிக்கின்றன. பிரெஸ்ஸாவுக்கு போட்டியாக உள்ள மாடல்கள் ADAS (மேம்பட்ட டிரைவர் அசிஸ்டன்ஸ் சிஸ்டம்ஸ்) அம்சங்களை வழங்குவதால், மாருதியும் பிரெஸ்ஸா ஃபேஸ்லிஃப்ட்டில் லெவல்-2 ADAS அம்சங்களை சேர்க்க வாய்ப்புள்ளது.

தற்போதைய பிரெஸ்ஸா காரில் ஏற்கனவே ஹெட்-அப் டிஸ்ப்ளே (HUD), 360-டிகிரி கேமரா, ஆறு ஏர்பேக்குகள், எலெக்ட்ரானிக் ஸ்டெபிலிட்டி புரோகிராம் (ESP) மற்றும் ஹில் ஹோல்ட் அசிஸ்ட் போன்ற பல மேம்பட்ட அம்சங்கள் உள்ளன. இயந்திரவியல் ரீதியாக, பிரெஸ்ஸா ஃபேஸ்லிஃப்ட் அதன் நம்பகமான 1.5 லிட்டர் K15C ஸ்மார்ட் ஹைப்ரிட் பெட்ரோல் என்ஜின் உடன் தொடரும்.

அதிகப்பட்சமாக 103.1 பிஎஸ் பவர் மற்றும் 139 என்எம் டார்க் திறனை வெளிப்படுத்தக்கூடிய இந்த என்ஜின், 5-ஸ்பீடு மேனுவல் அல்லது 6-ஸ்பீடு ஆட்டோமேட்டிக் கியர்பாக்ஸ் ஆப்ஷன் உடன் வழங்கப்படும். எரிபொருள் சிக்கனம் தற்போதைய மாடலைப் போலவே இருக்கும் என எதிர்பார்க்கப்படுகிறது. பிரெஸ்ஸா சிஎன்ஜி பதிப்பும் (87.8 பிஎஸ் பவர் / 121.5 என்எம் டார்க்) ஃபேஸ்லிஃப்ட் பெறும்.

சுவாரஸ்யமாக, முந்தைய தகவல்கள் மாருதி நிறுவனம் புதிய பிரெஸ்ஸா சிஎன்ஜி ஃபேஸ்லிஃப்ட் காரில் ஒரு அண்டர்பாடி சிஎன்ஜி டேங்கை பயன்படுத்தலாம் என்று தெரிவித்தன. இது பூட் ஸ்பேஸை கணிசமாக பெரியதாக காட்டும். மாருதி சுஸுகி விக்டோரிஸ் சிபிஜி மாடலில் உள்ள அமைப்புக்கு இது ஒத்ததாக இருக்கும் என்று கூறப்படுகிறது.

டிரைவ்ஸ்பார்க் கருத்து: நாடு முழுவதும் புதிய கார்களின் சோதனைகள் தீவிரமடைந்துள்ள நிலையில், பல சோதனை வாகனங்கள் காணப்பட்டதால், 2026 மாருதி பிரெஸ்ஸா ஃபேஸ்லிஃப்ட் அடுத்த ஆண்டு அறிமுகப்படுத்தப்படும் என எதிர்பார்க்கப்படுகிறது. இது போட்டி நிறைந்த நான்கு மீட்டருக்கும் குறைவான காம்பாக்ட் எஸ்யூவி கார்கள் பிரிவில் டாடா நெக்ஸான், ஹூண்டாய் வென்யூ, கியா சொனெட், மஹிந்திரா எக்ஸ்யூவி 3எக்ஸ்ஓ மற்றும் ஸ்கோடா கைலாக் போன்ற கார்களுடன் போட்டியிடும்.