தமிழ்நாட்டை மதிக்கவேயில்ல! மாருதி புதிய ஆலையை எங்க போய் திறந்திருக்காக தெரியுமா?

ஹரியானாவில் உள்ள கார்க்கோடாவில் புதிய ஆலையை மாருதி சுஸுகி நிறுவனம் அதிகாரப்பூர்வமாகத் தொடங்கியுள்ளது. இது இந்தியாவில் அதன் உற்பத்தித் திறன்களை கணிசமாக அதிகப்படுத்தும். இந்நிறுவனம் ஏற்கனவே கர்னாலி, மனேசர் மற்றும் குஜராத்தில் உள்ள பரூச் ஆகிய பகுதிகளில் ஆலையை நடத்தி வருகிறது. குஜராத் ஆலை சுஸூகி நிறுவனத்திற்கு சொந்தமானது. 2022 ஆம் ஆண்டு ஆகஸ்ட் மாதத்தில் அறிவிக்கப்பட்ட இந்த தொழிற்சாலை, இந்தியாவில் தனது உற்பத்தி அடித்தளத்தை விரிவுபடுத்தும் என மாருதி நிறுவனம் தெரிவித்திருந்தத

இந்த ஆலை மாருதி சுஸுகியின் உற்பத்தித் திறனை கணிசமாக அதிகரிக்கும். அதன் முழுமையான துணை நிறுவனமான சுஸுகி மோட்டார் குஜராத் பிரைவேட் லிமிடெட் நிறுவனம் உடன் இணைந்து, மாருதி சுஸுகி தற்போது 26 லட்சம் என்ற ஆண்டு உற்பத்தி திறனை கொண்டுள்ளது.

250,000 கார்கள் ஆண்டு உற்பத்தி திறன் கொண்ட கார்க்கோடா ஆலை தற்போது செயற்பாட்டிற்கு வந்துள்ளது. மாருதி சுஸுகி பிரெஸ்ஸா போன்ற வாகனங்களுக்கான அதிகரித்து வரும் தேவையை பூர்த்தி செய்யும் நோக்கத்தை இது தெளிவுபடுத்துகிறது, இந்த கார் இனி அந்த ஆலையில் உற்பத்தி செய்யப்படும்.

2022 ஆம் ஆண்டில், மாருதி சுஸுகி, ஹரியானா மாநில தொழில் & உள்கட்டமைப்பு மேம்பாட்டு கழகத்திடமிருந்து (HSIIDC) 800 ஏக்கர் தொழிற்துறை நிலத்தை ₹2,131 கோடிக்கு வாங்கி ஒரு பெரிய உற்பத்தி தளமாக உருவாக்கியது. இந்த விரிவாக்கம் சுஸுகி மோட்டார் கார்ப்பரேஷனின் 'சுஸுகி புதிய இடைக்கால மேலாண்மை திட்டம் (FY2025-FY2030)' உடன் இணைகிறது, இது 2030 ஆம் ஆண்டுக்குள் இந்தியாவில் ₹70,000 கோடி முதலீடு செய்வதாக அளித்த வாக்குறதியின் ஒரு பகுதியாகும். ஆண்டு உற்பத்தி திறனை 40 லட்சம் கார்களா அதிகரிப்பதே இதன் இலக்கு.

சுஸுகி மோட்டார் கார்ப்பரேஷனின் பிரதிநிதி இயக்குனர் மற்றும் தலைவர் டோஷிஹிரோ சுஸுகி, இந்தியாவின் முக்கியத்துவத்தை அந்நிறுவனத்தின் உலகளாவிய செயல்பாடுகளில் வலியுறுத்தினார். இந்தியா சுஸுகியின் மிக முக்கியமான சந்தை மட்டுமல்ல, அதன் எதிர்கால வளர்ச்சிக்கான மையத் தூண் என்றும் அவர் சுட்டிக்காட்டினார். அடுத்த ஐந்து ஆண்டுகளில் தனது உலகளாவிய வாகன விற்பனையை 42 லட்சம் கார்களாக அதிகரிக்க திட்டமிட்டுள்ள சுஸுகி, இந்த வளர்ச்சியைத் தூண்டும் நோக்கத்தில் இந்தியச் மார்கெட்டை பெரிதும் நம்பியுள்ளது. FY2022-23ல் 41.6 சதவீதமாக இருக்கும் இந்தியாவில் அதன் பயணிகள் வாகன மார்கெட் பங்கு FY2030ல் 50 சதவீதமாக அதிகரிக்க அந்நிறுவனம் இலக்கை கொண்டுள்ளது.

இந்த திட்டங்களை அடைய, சுஸுகி தனது சப்ளை செயினை வலுப்படுத்தி உற்பத்தி திறனை அதிகரிக்க முனைந்து வருகிறது. கார்க்கோடாவிலும் குஜராத்திலும் உள்ள ஆலைகள் இந்த முயற்சிக்கு மிக முக்கியமானவை. சுஸுகியின் இடைக்கால திட்டத்தில், மார்கெட் தேவைக்கு ஏற்ப ஆண்டுக்கு 40 லட்சம் கார் தயாரிப்பு திறனை அடையும் நோக்கத்துடன், உற்பத்திக்கான ஒரு நெகிழ்வான அணுகுமுறை இது. இந்திய வாகன மார்கெட்டில் குறிப்பிடத்தக்க இருப்பைப் பேணுவதற்கும் மாறிவரும் சந்தை இயக்கவியலுக்கு ஏற்ப மாற்றியமைத்துக்கொள்ள தயாராக இருப்பதற்கும் இந்த திட்டம் உறுதி கூறுகிறது.

"இந்தியா தான் நாம் அதிக முயற்சி செலுத்தும் நம்முடைய மிக முக்கியமான மார்கெட்," என்று டோஷிஹிரோ சுஸுகி கூறி, இந்தியாவின் முக்கியத்துவத்தை சுஸுகியின் உலகளாவிய இலட்சியங்களுக்கு வலியுறுத்தினார். FY2030ல் 50 சதவீத மார்கெவ் பங்கைப் பெறும் நோக்கத்துடன், சுஸுகி உற்பத்தியை அதிகரிக்க மட்டுமல்லாமல், இந்திய வாகனத் துறையில் முன்னணியில் இருப்பதை உறுதிப்படுத்தவும் முயற்சிக்கிறது. கார்க்கோடா ஆலைக்கு அவர்கள் செய்த முதலீடும் ஹரியானாவில் பெரிய அளவில் நிலம் வாங்கியதும், இந்தியாவின் வளர்ந்து வரும் வாகன மார்கெட்டில்ல் நீண்டகால உறுதிப்பாட்டைக் காட்டுகிறது.

டிரைவ்ஸ்பார்க் கருத்து: மாருதி சுஸுகியின் கார்க்கோடா ஆலையில் உற்பத்தி தொடங்கப்பட்டதன் மூலம், இந்தியாவில் அந்நிறுவனத்தின் ஒரு முக்கியமான மைல் கல் எட்டப்பட்டுள்ளது. இது மாருதி சுஸுகியின் உற்பத்தித் திறன்களை வலுப்படுத்துகிறது மற்றும் இந்திய மார்கெட்டிலும் அதற்கு அப்பாலும் சுஸுகி மோட்டார் கார்ப்பரேஷனின் வளர்ச்சிக்கான திட்டங்களுடன் இது இணைகிறது.