Click it and Unblock the Notifications
வாடிக்கையாளர்கள் தலையில் குண்டை போட்ட மாருதி! ஒரே மாசத்துல மறுபடியும் ரேட் ஜாஸ்தியாகுது
மாருதி சுஸகி நிறுவனம், 2025 பிப்ரவரி மாதத்திலிருந்து அதன் வாகனங்களின் விலைகளை உயர்த்த உள்ளது. உதிரிபாகங்களுக்கான செலவு மற்றும் வாகன தயாரிப்பு செலவுகள் அதிகரித்ததால் இந்த முடிவு எடுக்கப்பட்டுள்ளது. இந்தநிறுவனம், இந்த நிதிச் சுமையை வாடிக்கையாளர்களிடம் மாற்றுவதை தவிர வேறு வழியில்லை என்று கூறியுள்ளது. இதன் விளைவாக, மாருதி சுஸகி கார்கள் அடுத்த மாதம் முதல் ரூ. 32,500 வரை விலை உயர்வு ஏற்படும். இது குறித்த விரிவான விபரங்களை காணலாம் வாருங்கள்
2025 ஜனவரியில், மாருதி சுஸூகி நிறுவனம் ஏற்கனவே தனது கார் மாடல்களின் விலைகளை 4% வரை உயர்த்தியது. தொடர்ச்சியான செலவு அதிகரித்தன் காரணமாக, இப்போது மீண்டும் விலை உயர்வை அறிவித்துள்ளது. வேன்ஆர் மற்றும் ஸ்விஃப்ட் போன்ற பிரபல மாடல்கள் இந்த விலை மாற்றங்களால் பாதிக்கப்பட்டுள்ளன.
வேன்கன் ஆர் காரின் விலை ரூ .15,000 அதிகரிக்கப்பட்டுள்ளது, அதேசமயம் ஸ்விஃப்ட் இப்போது ரூ .5,000 கூடுதலாக செலவாகும். இதேபோல், பிரெஸ்ஸா மற்றும் கிராண்ட் விட்டாரா மாடல்களின் விலை தலா ரூ .25,000 அதிகரித்துள்ளது. இந்த மாற்றங்கள், அதிகரித்து வரும் செலவுகளை நிர்வகிப்பதற்கான நிறுவனத்தின் யுத்தியை பிரதிபலிக்கின்றன.
எண்ட்ரி-லெவல் மாடல்களும் இந்த அதிகரிப்புகளில் இருந்து தப்பவில்லை. ஆல்டோ K10 ன் விலை ரூ .19,500 அதிகரித்துள்ளது, அதேசமயம் எஸ்-பிரஸ்ஸோ இப்போது ரூ .5,000 விலை அதிகரித்துள்ளது. இந்த மாற்றங்கள், மாருதி சுஸூகியின் ரேஞ்சில் செலவு அதிகரிப்பின் தாக்கம் எவ்வளவு அதிகமாக உள்ளது என்பதை எடுத்துக்காட்டுகின்றன.
பலேனோ பிரீமியம் காம்பேக்ட் மாடலின் விலை ரூ .9,000 அதிகரித்துள்ளது. அதேசமயம், காம்பேக்ட் SUV காரான ஃப்ராங்க்ஸ் காரின் விலை ரூ .5,000 அதிகரித்துள்ளது. கூடுதலாக, காம்பேக்ட் செடான் காரான டிசையர் இப்போது முன்பு இருந்ததை விட ரூ .10,000 கூடுதலாக உள்ளது.
| Maruti Model | Price Increase Ex-Showroom |
| Alto K10 | Upto ₹19,500 |
| S-Presso | Upto ₹5,000 |
| Celerio | Upto ₹32,500 |
| WagonR | Upto ₹15,000 |
| Swift | Upto ₹5,000 |
| Dzire | Upto ₹10,000 |
| Brezza | Upto ₹20,000 |
| Ertiga | Upto ₹15,000 |
| Eeco | Upto ₹12,000 |
| Super Carry | Upto ₹10,000 |
| Ignis | Upto ₹6,000 |
| Baleno | Upto ₹9,000 |
| Ciaz | Upto ₹1,500 |
| XL6 | Upto ₹10,000 |
| Fronx | Upto ₹5,500 |
| Invicto | Upto ₹30,000 |
| Jimny | Upto ₹1,500 |
| Grand Vitara | Upto ₹25,000 |
பல்வேறு மாடல்களுக்கான விலை அதிகரிப்பின் விரிவான பட்டியல்: ஆல்டோ K10 ரூ .19,500 வரை; எஸ்-பிரஸ்ஸோ ரூ .5,000 வரை; செலெரியோ ரூ .32,500 வரை; வேகன் ஆர் ரூ .13,000 வரை; ஸ்விஃப்ட் ரூ .5,000 வரை; டிசையர் ரூ .10,500 வரை; பிரெஸ்ஸா ரூ .20,000 வரை; எர்டிகா ரூ .15,000 வரை; ஈக்கோ ரூ .12,000 வரை; சூப்பர் கேரி ரூ .10,000 வரை; இக்னீஷ் ரூ .6,000 வரை; பலேனோ ரூ .9,000 வரை; சியாஸ் ரூ .1,500 வரை; XL6 ரூ .10,000 வரை; ஃப்ராங்க்ஸ் ரூ .5,500 வரை; இன்விக்டோ ரூ .30,000 வரை; ஜிம்னி ரூ .1,500 வரை; கிராண்ட் விட்டாரா ரூ .25,000 வரை விலை அதிகரிக்கப்பட்டுள்ளது.
ஜனவரி 17-22 வரை புது டெல்லியில் நடைபெற்ற ஆட்டோ எக்ஸ்போவில், மாருதி சுஸூகி தனது முதல் எலெக்ட்ரிக் வாகனத்தை இந்தியாவில் வெளியிட்டது. இந்த புதிய மாடல் 500 கிலோமீட்டருக்கு மேல் ரேஞ்சை வழங்கும் இரண்டு பேட்டரி பேக்குகளை கொண்டிருக்கிறது. இது லெவல்-2 அடாஸ் அம்சங்களையும் கொண்டிருக்கிறது. மேலும் அப்டேட் செய்யப்பட்ட டிரைவிங் அசிஸ்ட் சிஸ்டத்திற்குள் மாருதியின் நுழைவை இந்த கார் குறிக்கிறது.
மாறிக்கொண்டே இருக்கும் மார்கெட்டிற்கு மத்தியில் ஸ்டபிளலிட்டியான வாகனங்களை நோக்கி மாருதி சுஸகியின் முயற்சிகளின் ஒரு பகுதியாக உள்ளது. இந்த எலெக்ட்ரிக் கார் விரைவில் இந்தியாவிற்குள் வரும் என்று எதிர்பார்க்கப்படுகிறது. இந்த கார் நிச்சயம் மார்கெட்டில் வெற்றி பெறும் என்றும் கணிக்கப்படுகிறது.
டிரைவ்ஸ்பார்க் கருத்து: இந்தியாவில் வாகன தயாரிப்பு நிறுவனங்கள் அவ்வப்போது தங்கள் வாகனங்களின் விலையை மாற்றியமைப்பது தவிர்க்க முடியாது தான். ஆனால் கடந்த ஜனவரி1ம் விலை உயர்த்தப்பட்ட ஒரே மாத்திற்குள் மீண்டும் விலை உயர்வு அறிவிக்கப்பட்டுள்ளது. பலரை அதிர்ச்சியடைய வைத்துள்ளது. இதனால் அந்நிறவனத்தின் வாகன விற்பனை மந்தமாக கூட வாய்ப்புள்ளது.
Continue with Google
